هو انا الحمد لله الباور عندي تمام بس انا بسأل علي كهربائي شاطر ييكون حد اتعامل معاهم قبل كده في البونتو ونروح نتعامل معاه من سابق تجربة لاني بقلق جدا من الصناعيية اللي بتعمل فيها فاهمة وتخرب الدنيا
عرض للطباعة
هشرح ليك ياباشا
بس انا بسمع صوت شخللة خفيفة كده علبة الدريسكون فكنت عاوز اعمل مراجعة عليها بس عند واحد كهربائي مختص بالفيات علشان عارف العربية كويس لانها حاسسة جدا في شغل الكهرباء بتاعتها ولازم اللي يكون شغال فيها يكون فاهم فيها كويس ---
علاوة علي اني عاوز مراجعة عامة علي الاضواء كلها لاني عندي فانوس ضايع في الاضاءة ومراجعة عامة علي الكهرباء علشان اكون ماشي مطمن لاني بحب العربية تكون ماشية زي الفل
متابع
السلام عليكم ورحمة الله وبركاته
أنا رايحة بكرة أشوف بونتو 2002 ناحية مترو البحوث
ممكن لو حد عنده فكرة يقول لي أكشف عليها فين ف حدود المكان ده أو حواليه ويكون مكان مضمون ولو ممكن تفيدوني في سعر الكشف كمان
جزاكم الله خيرا :)
وعليكم السلام
بصي يا فندم العربيات المستعملة بشكل عام اهم حاجة بنحاول نكشف عليها هي الصاج ثم الميكانيكا ثم الكهرباء
والترتيب ده مهم جدا لان ببساطة كل حاجة في العربية ممكن ترجع زي الاول الا الصاج والبودي الداخلي والشاسية لانها غالبا بتكون خط انتاج الي بدون تدخل بشري فعلشان كده صعب جدا ان مكنش مستحيل العربية فيها خبطة في الدواخل ترجع زي الاول ابدااااااااا علشان كده مهم جدا جدا جدا نراجع علي الدواخل في العربية والحوض والقوائم والشنطة وبعدين نراجع علي الاجزاء الخارجية بعد كده لو لحد كده تمام يبقي كويس جدا
بعد كده الميكانيكا والكهرباء وده بيكون واضح في كبس الموتور والكلام ده اي ميكانيكي بيعرف لو الشكمان بيطلع دخنة وبعد كده الكهرباء
وتحديد الفيات بونتو لازم نبص فيها علي الباورستيرنيج والستي باور لان لو لاقدر الله فيها مشكلة هيكون غالي اوي في التصليح والتكييف كمان ومراجعة عاملة علي الكهرباء والانور والصالون وكده
حضرتك سألتي علي مركز متخصص في البحوث وانا بحكم ان مكتبي في الدقي احب اقول لحضرتك ان مفيش مراكز خدمة فيات متخصصة غير في المعادي او اول طريق اسكندرية الصحراوي او جسر السويس انما في الدقي ومنطقة الجيزة عموما صعب اووووي
اعتقد حضرتك ممكن تشوفي ميكانيكي شاطر يراجع معاكي علي الحاجات اللي قولت لحضرتك عليها دي ويفضل طبعا لو حد مختص بالفيات
ويفضل تكون العربية ماشية مش كتير يعني في حدود 100.000 او زيادة شوية لان فوق كده العربية هتعمل ليكي مشاكل كتير لان قطع الغيار زي ما انتي عارفة ليها عمر افتراضي والعربية موديل 2002 يعني 12 سنة
وطبعا مش محتاج اقول لحضرتك استخيري الاول وبعدين ربنا يوفقك في القرار ان شاء الله
ولو في اي حاجة او اي استفسار انا معاكي ان شاء الله
شكرا جدا لرد حضرتك
هو للأسف مفيش ميكانيكي ثقة ييجي معيا بس انا لقيت بنزينة كويسة ف الهرم بس المشكلة ف العربية دي انها عاملة 240 ألف كم وفيها شرخ ف الاكصدام ال قدام وال ورا صاحبها قال ممكن يلحمهم قبل ما أشتريها وعلى حسابه وفي خبطة خفيفة في العربية من قدام جنب علامة فيات والفانوس الخلفي حتة من الزجاج بتاعه مكسورة هو عاوز فيها 40 ألف
وفي واحدة تانية نفس الموديل وفابريكة برا وجوة بس طبعا بيان عليها المرمطة والبهتان وفيها فتحة سقف ومغيرة موتورها بواحد استيراد وعاملة 170 ألف وبيقول لي اني ممكن احتاج لها موتور كمان سنة وبردو هيبئا مستعمل استيراد لان الموديل قديم وملوش مواتير جديدة وبرودو الفانوس لخلفي حتة من الزجاج بتاعه مكسورة
حضرتك رأيك ايه
ويا ريت كل ال عنده إفاة يشاركنا
شكرا ومعلش تعباكم معايا :)
انا رأي يا فندم حضرتك بلاش تاخدي الاولي ولا الثانية علشان واضح من الكلام ده انهم متبهدلين والسعر ده كمان كتير اوووي لاني انا اشتريت عربيتي من 5 شهور كاملة مانويل وماشية 118.000 كليو وب 39500 وفيها رخصة سنة ...
السعر كده غالي اووي اوووي اوووي
انا رأي لو حضرتك بتحبي الهتشابك ممكن تشوفي الكيا بيكانتو موديل 2004 :2005 /2006 هتكون في رينج ال 40.000 لحد 50.000 بس عربية احسن من البونتو في الصيانة وقطع الغيار ومناسية اكتر للبنات لان الفيات بتكون عاوزة حد نفسه طويل شوية في التعامل مع العربيات .
والله اعلم
حببيبي شكرا لذوقك وانا هكتب ليك عنوان الويب سايت بتاع الشركة وتفاصيل التواصل معاهم
الادارة ومركز الخدمة :
العنوان مدينة زهراء المعادي - المنطقة الصناعية - الشطر الخامس - قطعة 62/ع
تليفون +202-29178356/57/58/59/60
فاكس +202-29178361
موبايل +202-010-0053860/61
البريد الالكتروني aca@al-aksa.net
وده موقع الشركة علي النت
Al Aksa Commercial Agencies
وده الموقع بتاعهم علي الفيس بوك
https://www.facebook.com/alaksanet