الموضوع: استلمت كيا ريو سيدان خليجي يا نموووووووووووور

السلام عليكم اصدقائي نمور الريو

اولا يا ريت تقبلوني وسطكم في مجتمعكم المحترم نايل موتورز-كيا ...وانا متابع المنتدي من اكثر من 3 سنوات من ايام ما كان معايا الالماظة اللانوس التي اعشقها عشق الاب لأبنته وستظلين في قلبي يا اول فرحتي

ثانيا عايز منكم التهاني والمباركات تنزل ترف والدعوات بأن ربنا يحفظلي حبيبتي الجديدة ريو 2013 خليجي سيدان الفئة التانية او التالتة مش عارف بس مواصفاتها كالتالى:

1- تارة مالتي
2- بلوتوث
3-سنسور بارك
4-خمس جنوط سبور 17 بوصة شكلهم تحفة يخليك تستحمل نشفان العفشة بسببهم
5-مرايات كهرباء وضم كهرباء
6-مفتاح ريموت وسلاح (لا تتخيلوا بحب شكلو قد ايه)
7-فتح الشنطة من الريموت(خاصية ظريفة جدا خصوصا لو شايل حاجات كتير ومش عارف تمد ايدك تجيب المفتاح تفتح)
8-نظام صوتي تحفة بمعنى الكلمة واحلى صوت تسمعه عليه اول ما تجيب العربية هو القرأن الكريم طبعا
9-تكييف تلاجة بجد (افضل ما يميز الخليجي)

افتكر دي المميزات اللي هيحسها اللي مالك العربية غير كده اللي انتوا قولتوه كفاية ويفيض من حيث نعومة الموتور والسحب الجيد والشكل الرائع(دي اذواق) والتقفيل المحترم جدا


استفساري للنمور القدامى طبعا انتوا عارفين مشكله الاستهلاك العالي للبنزين والسحب وحلها بالسوفت وير الجديد للعربية انا حاليا عامل 600 كم بالعربية مستني لما اوصل لـ1000كم وهروح اعمل صيانة الالف وتحيث السوفت وير ممكن تفيدوني اعملها فين بالتفصيل وسعر كل حاجة لوحدها بالتفصيل كما عودتمونا وبعدين بقى انا اشتريت العربية دي بناء على ارائكم لأني بثق فيكم جدا

معلش طولت عليكم سلااااااااام

مبروك اول حاجة وطبعاً ربنا يديك خيرها ويكفيك شرها ويبعد عنك ولاد الناس اللي في الشوارع

ثانياً السوفت في الوكيل بيحدثوه قبل العربية ما تتباع عندنا في مصر يعني كل العربيات تيجي من المصنع يشوفوها السوفت اللي عليها قديم يحدثوهالك قبل ما يدوهالك

لكن معرفش ايه نظام الخليجي - لما تروح التوكيل انت ملكش ضمان بس مش مهم ادفع هناك اول صيانة عادي مش مشكلة بس علشان تتأكد من موضوع السوفت رغم انها هتلاقيها متحدثة اخر تحديثات