شكر لمودرن ابورواش على ترجيع dvd التيدا ورأيي في الجهاز
ركبت الدي في دي الخاص بالتيدا في التوكيل"مودرن ابو رواش" ولكن بعد يومين اكتشفت فيه العيوب التاليه فطلبت من مسئول الاكسسوارات اني ارجعه فوافق بكل ذوق وادب بعد خصم 220 جنيه مصاريف فك وتركيب" طبعا لو مركبة بره كنت وقفت على دماغك عشان ترجعه" .
المميزات :
- صوته رائع ومجسم وشغال على المالتي فانكشن.
العيوب:
-صوت البلوتوث مش حلو كل مكلم حد يقولي الصوت سيء بعكس البايونير.
-مش بيظهر اسم التراك اللي شغال الا لو متسجل في details يعني مثلا لو مشغل سورة البقرة انا مسجلها عندي 02.mp3 وبتظهر في البايونير 02 اما في الجهاز دا بيظهر الملف بدون اسم "no name"
-ماينفعش تتنقل تاتش لوسط الملف "الانتقال من الدقيقه 3 مثلا للدقيقة 10 .- لو جالك مكالمة10 دقائق مثلا وانت في الدقيقه 3 من ملف صوتي بعد المكالمه تلاقي نفسك في الدقيقة 13 =مش بيعمل pause بيفضل الملف شغال بدون صوت
- هنج معايا كام مرة واضطريت ادوس على الزرار reset.
الجهاز الموجود عندهم لو بدون GPS اسمه necvox
ولكن اناركبت الجهاز اللي فيه GPS
مش مكتوب عليه نوع ولكن ملزوق عليه ورقة عادية مكتوب عليها made in hongkong
في النهاية ركبت جهاز بايونير 3350 دي في دي واشتريت GPS خارجي نوعة symphony
