جوان وش السلندر ضرب بدون اى مقدمات

**mo7eb elrasol** · 02-06-2013 04:25 PM

السلام عليكم ورحمة الله وبركاته
جوان وش السلندر عاندى لسة راكب من شهرين او تلاتة تقريبا
الجمعة ال فاتت الجو كان حر جدا،كنت ماشى على طريق مصر السويس فى اتحاه السويس على سرعة 110 ومشغل التكييف، فجأة لقيت العربية مفيس سحب خالص ركنت على جانب وبطلت العربية واطمنت ان السيور تمام وكله حاجة تمام،جيب ادور تانى العربية دارت بالعاااااااافية والموتور متشقلب حاله،انا كنت حاطط بنزين قبل م اسافر قلت يمكن المشكلة من البنزين.
المهم سايست العربية ومشيت على مهلى لحد ماوصلتنى السويس الحمد لله
روحت للميكانيكى قالى ده جوان وش سلندر روحت لواحد تانى قالى نفس الكلام،فغيرته والحمد لله على كل حال.
المشكلة بقا انهم قالوا الجوان ده طالما ضرب يبقى لازم ان العربية تكون سخنت،وانا المياه عاندى ماقلتش خالص ولا امبير الحرارة رفع
فهل ممكن يكون عداد الحرارة فيه مشكلة؟ وازاى اتاكد انه سليم؟ هوه بيشتغل عادى جدا وبيرفع تدريجيا لحد قبل النص.
اللردياتير ال راكت عاندى بتاع عربية اوتوماتيك وانا عربيتى عادى ممكن يكون له دخل؟

**shaddadfalcon1** · 02-06-2013 05:16 PM

ممكن الجوان مضروب

**MITSUKERO** · 02-06-2013 05:23 PM

ريادياتير اوتوماتيك في عربية مانيوال ياراجل !!!!!

الريادياتير الاوتوماتيك بيبقي نصه مخصص لزيت الفتيس

والله اعلي و اعلم

**blazer** · 02-06-2013 05:25 PM

قول الحمد لله انها وصلتك وموقفتش فى الطريق
وممكن فعلا الجوان يكون مضروب او اتركب غلط

و ياريت تعرفنا المصنعيه بتاعة تغيير وش السلندر كام و طقم الشمبر كام لو كنت عملتة

**blazer** · 02-06-2013 05:29 PM

المشاركة الأصلية كتبت بواسطة mitsukero

ريادياتير اوتوماتيك في عربية مانيوال ياراجل !!!!!

الريادياتير الاوتوماتيك بيبقي نصه مخصص لزيت الفتيس

والله اعلي و اعلم

مبتفرقش فى حاجه يباشا
لان لو حسبتها
الردياتير مسؤل عن تبريد الماتور و تبريد زيت الفتيس فى العربيه الاوتوماتيك
يعنى العربيه بلردياتير دا بتبرد حاجتين و العربيه بتبقى تمام
لما تحط الردياتير دا فى عربيه مانيوال هتبقى بتبرد الماتور بس
فلمفترض ان التبريد يبقى مناسب للعربيه ان مكانش اسرع كمان

**mahmoud_anwar** · 02-06-2013 06:00 PM

ده الي انا خايف منه في الدايو
انا بحس ان العربية عزمها بيقل في الحر جامد ومافيش سحب مع التكيف وبرضة مؤشر الحرارة ثابت علي النص دي الجولف الي كانت معايه كنت برضة بتفضل في النص بس مع المشاوير القي المؤشر بيتحرك اما الدايو عجيبة
اكيد الكوري الي صنعها كان خريج مدرسة فكرية عربية عجيبة يارب خرجني منها علي خير
انا عصر علي نفسي كيس لمون لغايه ما اجمع مبلغ محترم واشقلبها

**mahmoud85** · 02-06-2013 06:05 PM

ممكن جوان مضروب او تركيبه ماكنش تمام والله اعلم
اهتم شويه بتنضيف دوره التبريد ومياه خضرا موبيل وعينك عالحراره علي طول
الجو السنه دي هوت هوت هوت وربنا يسترررررررررررررر

**Muahmmad Honda** · 02-06-2013 06:11 PM

الجوان مضروب .. و الرادياتير يشتغل عادى مفيش مشكلة :) هات الجوان الاصلى احسن حاجة :) تحياتى

**aldesha989** · 02-06-2013 06:26 PM

قدر الله وما شاء فعل

بالنسبة للردرياتير فهو مافيهوش مشكلة لان المواسير اللى مسؤله عن تبريد زيت الفتيس الاتوماتيك مش شغاله لانها مش متوصله وملهاش دخل ان شاء الله بحاجه بس شوف الجوان يمكن مضروب وهل طرمبه المايه شغاله معاك كويس وشوف الردرياتير لو عايز يتسلك برضه

**ramyayash** · 02-06-2013 07:42 PM

انا لسه مير طقم جوانات واحيانا لما اشغل المكيف احس ان العربية مكتومة شوية وتقوم فاتحة لكن لا المياه بتنقص ولا الحرارة بتزيد عن النص.. غالبا المشكلة عندك طالما حرارة ورفعت هتبقي في الطرمبة انا عندي الطرمبة كانت سليمة من بره ومن جوه متاكلة وضيعتلي الدنيا وهي تمنها م يجيش ب100 ريال بس ضيعتلي بتاع 2000 ريال

الموضوع: جوان وش السلندر ضرب بدون اى مقدمات

LinkBack

أدوات الموضوع

عرض

-

-

-

-

-

-

-

المواضيع المتشابهه

جوان وش السلندر

جوان وش السلندر

جوان وش السلندر

جوان وش السلندر.....

العربيه عليت مره واحده بدون أي مقدمات

الكلمات الدلالية لهذا الموضوع

المفضلات

المفضلات

ضوابط المشاركة