مساعدة في صيانة 40 الف لللانسر 2006 1300 سي سي

لو سمحتوا يا جماعه العربية اللانسر بقت عاملة 44000 كيلو و بصراحه كل اللي انا عملتة فيها من ساعه ما اشتريتها لمراتي من سنتين (كانت عاملة حوالي 28000 لما اشتريناها) هوة تغيير الزيت للموتور موبيل1 في مواعيدة, و زيت الفتيس الاوتوماتيك مرة واحدة عند ال 35000 مرة و بوجيهات و تيل فرامل و نضافة فلتر الهواء وبس

محتاج إفادة منكم في الصيانة اللي مفروض اعملها دلوقتي

هل اغير سير الكاتينة؟؟ هل أغير البلية و الشداد معاه كمان؟؟

طيب اجيبة منين (أصلي) و بكام و لو تعرفوا فني كويس و اسعارة معقولة أكون شاكر ليكم جدا

أية تاني مفروض أغيرة

وشكرا مقدما

إنت غيرت البوجيهات بدرى

35000 كيلو بدري؟؟؟ ماعتقدش, بس مكانتش اول مرة تتغير بوجيهاتها, بس هيه معانا من 28 الف كيلو (شاريينها تاني يد)

اللي انا عاوز اعرفة مفروض اغير اية دلوقتي

هل سير كاتينة اللانسر بيتغير على 40 الف ؟؟
هل اغير السير و بس و للا اغير البلية و الشداد؟؟
اية تاني انا محتاج اغيرة غير البوجيهات و الزيت و فلتر الهواء ؟؟

حد يقولي منين اجيب السير الأصلي بسعر كويس و مين فني فاهم و حافظ لانسر يركبة لو تكرمتم, انا مش شايف حد فادني في أسئلتي البسيطة دي في يومين يا جدعان

الموضوع ده فيه كل اللي انت عايزه
http://www.nilemotors.net/Nile/showthread.php?t=5523

تغيير سير الكاتينة والبلية والشداد عند 80 ألف كيلومتر


سير الباور وسير التكييف بيتغيروا عند الـ 80 ألف برضه وبيتكشف عليهم عند الـ 40 ألف لو محتاجين تغيير


غير كده اللي بيتغير في صيانة الـ 40 ألف البوجيهات وزيت الفتيس الاوتوماتيك (أول مرة المفروض يتغيروا عند الأربعين وحضرتك غيرتهم بالفعل بدري) وفلتر الهواء وفلتر البنزين

شكرا Shaft على اللينكات
شكرا جزيلا م/طارق (مصراوي جداً) على إيضاحاتك
انا فعلا غيرت البوجيهات و زيت الفتيس الاوتوماتيك عند ال 35 الف كنوع من الحرص عالموتور و الفتيس و زيادة توفير البنزين بالنسبة للبوجيهات و اعتقد كدة افضل و مش ضرر
بس معلش سؤال تاني
فلتر بنزين اللانسر ب 400 جنية و بيبقى جوة تنك البنزين
طيب هل ضرور فعلا اغيرة وللا ممكن استنى علية و اعملة بعدين لو لاحظت خنقة في العربية مثلا (الموضوع مكلف و حاياخد وقت و فك تانك و شغلانة)

تغيير فلتر البنزين في ميعاده ضروري جدا وبيحمي من أضرار أكبر ، وكان فيه موضوع عن فلتر البنزين بيوضح الكلام ده



http://www.nilemotors.net/Nile/showthread.php?t=31654

اقتباس:

---

المشاركة الأصلية كتبت بواسطة Adham

شكرا Shaft على اللينكات
شكرا جزيلا م/طارق (مصراوي جداً) على إيضاحاتك
انا فعلا غيرت البوجيهات و زيت الفتيس الاوتوماتيك عند ال 35 الف كنوع من الحرص عالموتور و الفتيس و زيادة توفير البنزين بالنسبة للبوجيهات و اعتقد كدة افضل و مش ضرر
بس معلش سؤال تاني
فلتر بنزين اللانسر ب 400 جنية و بيبقى جوة تنك البنزين
طيب هل ضرور فعلا اغيرة وللا ممكن استنى علية و اعملة بعدين لو لاحظت خنقة في العربية مثلا (الموضوع مكلف و حاياخد وقت و فك تانك و شغلانة)

---

انت فاهم غلط
الموضوع مافيهوش فك تانك كل اللي بيتفك الكنبة الخلفية

طيب تمام و متشكر جداً لإهتمامكم و ذوقكم

طيب ممكن حد يفيدني بقى في سؤال أخير من فين اجيب الفلتر دة Best Price والأصلي بيبقى مكتوب علية أية بالضبط ( ماركتة و موديلة او الPart Number ) و بكام