السلام عليكم ورحمة الله وبركاته
طبعا كل منا ليه ظروف مختلفة عن الباقي
بس أظن ع الاقل بعد الفطار الاغلبية معندوش شغل
فياريت كل واحد يوضح بينظم وقته في رمضان ازاي ما بين شغل وعبادة وصلاة ؟
في انتظار تفاعلكم
كل سنة وانتوا طيبين
تحياتي
عرض للطباعة
السلام عليكم ورحمة الله وبركاته
طبعا كل منا ليه ظروف مختلفة عن الباقي
بس أظن ع الاقل بعد الفطار الاغلبية معندوش شغل
فياريت كل واحد يوضح بينظم وقته في رمضان ازاي ما بين شغل وعبادة وصلاة ؟
في انتظار تفاعلكم
كل سنة وانتوا طيبين
تحياتي
السر في فترة ما بعد الافطار ....... هو كمية الطعام
لو اكلت كتير ..... لازم ح تنام ... يبقى مافيش عشاء ولا تراويح في المسجد .... بالتالي يبقى فيه سهر ...... وفيه مسلسلات وبرامج ....والتلفزيون في رمضان كارثة .... لو سيبت نفسك يبقى الشهر ضاع منك ..... وطالما سهرت ..... يبقى الفجر كمان راح .... او على الاقل ح تصلي في البيت مش في الجامع
......................
لكن الصح .... ان الواحد يفطر علي تمرات قليلة وماء ..... وبعدين تنزل تصلي المغرب في المسجد ( وممكن يكون التمر والماء في المسجد ) وبعدين تروح البيت تفطر فطار خفيف ..... وباكرر خفيف ... خفيف .... خفيف ....
وتشرب كوباية شاي او نسكافية حسب مزاجك ...... وتنزل تصلي العشاء والتراويح بمنتهى النشاط ..... ولما ترجع ممكن تاكل زي ما انت عاوز ...... وتحاول تنام بدري ..... وتصحي قبل الفجر ب ساعة .... تتسحر و تقرأ قرآن لغاية الفجر .... وتنزل تصلي الفجر ......وبعد الفجر لو جلست في المسجد تذكر الله وتقرأ القرآن حتي الشروق ثم صليت ركعتين بعد الشروق بحوالي 20 دقيقة ..... يبقى لك اجر عمرة ...... وانت في مكانك ... من غير سفر وتكلفة وتعب ..... وبعدين تروح تنام ساعتين لغاية معاد شغلك .......
لازم رمضان يبقى مميز ..... لازم نعمل فيه حاجة مميزة
ممكن مثلا نحرص على صلاة الخمس اوقات في المسجد .... الخمسة مش اربعة بس
ربنا يتقبل
كلام جميييييييييييييل
خصوصا موضوع التليفزيون ده .. ملاحظة هامة ولازم ناخد بالنا منها
ولازم نفتكر ان رمضان فرصة عظيمة مش بتكرر هي مرة في السنة
في انتظار باقي الاعضاء
تحياتي استاذ aif
بص يا سيدى ده برنامجى فى رمضان معتاد ومعتمد من زمان
النــــــــــــــوم بعد صلاه الفجر يعنى وش الصبح لحد الظهر
من الظهر للعصر معنديش شغل بقعد اقراء قران من بعد صلاه العصر جـرى على المطبخ لحد اذان المغــرب عصير او شوربه و راحه لحد صلاه العشاء نروح المسجد ونرجع نـأكل ر بعد ما صلينا التراويح ونـوم او تليفزيون ساعه لحد الساعه واحده بالليل يبداء وقت قراءه القـران والصلاه لحد السحور وبعدها الفجر ودمتــــــم
بس ارخم حاجه بئه عـــــزومات رمضان هى حلوه فى اللمه والتجمع بس رخمه لانها بتضيع اليوم كله فى المطبخ وبعد الفطار تعب وارهاق
جميل البروجرام ده اوى
بس على كلامك الي بيبوظه العزومات
يا ريت الكل يشارك يمكن نطلع بحاجات جديدة او مريحة
مين تانى ؟؟