شارك برأيك ، هل تفوقت السيارات الكورية علي السيارات اليابانية؟

**SeaShark** · 02-06-2013 11:04 PM

شهد سوق السيارات المصري في الاعوام الثلاثة الاخيرة تفوقا ملحوظا و ملموسا للسيارات الكورية علي نظيرتها اليابانية حيث تطورت السيارات الكورية بمعدل تطور سريع جدا في العشر سنوات الاخيرة و كان هذا التفوق بفضل التصميمات الرائعة و تحديدا من شركتي كيا و هيونداي و شيفروليه و لنكن اكثر دقة ظهر هذا التفوق مع بداية انتاج شركة كيا للنسخة الجميلة كيا سيراتو بداية من اول اصدار لها عام ٢٠٠٥ و نهاية بموديل هذا العام و اصبح المشتري يفضل شراء السيارة الكورية حتي و ان كانت بنفس سعر السيارة اليابانية او حتي اغلي ثمنا

السيارات الكورية تتفوق بالفعل في رأيي علي اليابانية حيث انها تنتج سيارات في متناول يد جميع المستويات المادية بداية من هيونداي فيرنا و افيو و مرورا بالنترا و سيراتو و ريو و كروز و نهاية ب سبورتاج و اي اكس ٣٥ و كابتيفا و هذه هي الطرازات التي يتناولها الموضوع كونها الاكثر انتشارا و مبيعا في السوق المصري

في رأيي تتطور السيارات الكورية بنفس السرعة التي تتأخر بها السيارات اليابانية و التي خيبت امال جمهورها بتصميماتها المملة و الكلاسيكية جدا و اصبحت السيارة اليابانية لا تقدر علي مجاراة نظيرتها الكورية و فقدت ثقة ملاكها بها حيث نسمع يوميا ان شكرا تويوتا سحبت سياراتها لوجود عيوب بدواسة التسارع و ان شركة هوندا سحبت سياراتها بسبب مشكلة في المكابح.....

شركة ميتسوبيشي تنتج نفس موديل اللانسر منذ حوالي ثمانية اعوام و مع كل النجاح الذي حصده هذا الموديل الا انها فشلت في الاستمرار في المنافسة امام عمالقة السيارات الكورية

شركة تويوتا تنتج نفس الاصدار ايضا مع تغييرات طفيفة و شركة هوندا و التي اعشقها انا شخصيا مثلي مثل جميع الشباب و خاصة الموديل ٢٠٠٨ و الذي توقف انتاجه و عندما انتظرنا الموديل الجديد منها فوجئنا بسيارة صغيرة لا ترتقي لسعرها المبالغ فيه و اقل كثيرا جدا من موديلها السابق

و في نفس الوقت

اتحفتنا شركة هيونداي مؤخرا بالتحفة الفنية هيونداي النترا و التي نالت اعجاب و شكر كل من تملك هذه السيارة و كيا سيراتو و بنفس السعر يمكن للمستهلك شراء سيارة يابانية مثل كورولا او لانسر او مازدا و مع ذلك اصبح المستهلك المصري يتجه الي السيارة الكورية و هو ما يعكس تأخر واضح جدا في صناعة و تطور السيارات اليابانية حتي السيارات الفرنسية اصبحت لا مكان لها تقريبا في السوق المصري

الموضوع من تأليفي و اعذروني لو في اخطاء لغوية او انشائية

**aboamina** · 02-06-2013 11:38 PM

اسمحلي اختلف معاك وأقولك ممكن الكوري يتفوق ويكتسح في العربيات الاقتصادية زي الفيرنا واللانوس و الافيو وسر التفوق ده لانه مفيش مثيل لها في نفس الفئة السعرية ياباني، لكن لو انتقلنا للفئة الاعلى وقارنا مثلا بين انتشار السيراتو والكارينز والالنترا والكروز مع انتشارا الصني واللانسر والكورولا والسيفيك طبعا ما عنديش حصر لكن اعتقد والله اعلم ان الياباني يكسب في الانتشار . ولو كنت معاك في ان الكوري اجمل في الشكل لكن شايف الياباني احسن في المضمون...وده مايمنعش ان كل عربية ليها مميزاتها وعيوبها وكل واحد بيشتري الانسب .

**abou-yahia** · 02-06-2013 11:42 PM

في مصر فقط

**S O P H O S** · 02-06-2013 11:52 PM

طيب نجيب كمثال :
الفيرنا قصاد الياريــس
الالنترا قصاد السوبارو
السيراتو قصاد السيفيــك
الريو اعلي فئة قصاد الشارك اي فئة ومفيش تناسب طبعا
او الجين قصاد المازدا 3
===الـخ====== النهاية ايه الفـــرق فالمقارنة دي ؟
الفرق ان مفيش مقارنة وجدت وحل المعادلــة هو 0
علي فكرة ان بفكر اشتري كوري ومعنديش اي مشكلة مع الصناعة دي او دي ولكن بفضل احط كل شئ فمكانه الصحيح
الكوري جميل لكن مش هفضله علي اليابانـــي بصراحة علشان تصميم او شوية خطوط
واعذرني فرأي فكلامــي فالنهاية (مجرد رأي شخصي)
تحياتي للجميـع ..,,

**SeaShark** · 02-06-2013 11:54 PM

المشاركة الأصلية كتبت بواسطة aboamina

اسمحلي اختلف معاك وأقولك ممكن الكوري يتفوق ويكتسح في العربيات الاقتصادية زي الفيرنا واللانوس و الافيو وسر التفوق ده لانه مفيش مثيل لها في نفس الفئة السعرية ياباني، لكن لو انتقلنا للفئة الاعلى وقارنا مثلا بين انتشار السيراتو والكارينز والالنترا والكروز مع انتشارا الصني واللانسر والكورولا والسيفيك طبعا ما عنديش حصر لكن اعتقد والله اعلم ان الياباني يكسب في الانتشار . ولو كنت معاك في ان الكوري اجمل في الشكل لكن شايف الياباني احسن في المضمون...وده مايمنعش ان كل عربية ليها مميزاتها وعيوبها وكل واحد بيشتري الانسب .

مع اني امتلك نيسان صني و لكني شايف ان الكوري الان يتفوق شكلا و مضمونا علي الياباني
و حضرتك عندك حق برضه كل عربية ليها مميزات و عيوب

المشاركة الأصلية كتبت بواسطة abou-yahia

في مصر فقط

فعلا الحديث علي السوق المصري بس صدقني لو استمرت المنافسة بالشكل ده بعد عشر سنين الخليج كله و اسيا كلها هتتحول الي عربيات كورية و انا مش متابع لسوق الخليج في الحقيقة

**SeaShark** · 02-06-2013 11:57 PM

انا كلامي فعلا مجرد رأي شخصي

بس مشوفتش حد اشتكي شكوي ضخمة من ثبات الكيا سيراتو
او عفشة الالنترا
او موتور الكروز
يعني قصدي انا صحيح ركزت علي مسألة الشكل عشان الاساسيات في الصناعتين جيدة جدا

**ashourashour** · 02-06-2013 11:59 PM

مش موافق عالكلام دا

الي بيحس بالعربيه عالطريق وكأنه جزء منها اكيد مش هيوافق عالكلام دا

طبعا مليش دعوه بالبلو توث و الوان التابلوه و الحصنه الكاذبه

تحياتي

**lanos2004** · 03-06-2013 12:00 AM

الكورى يكسب فى الشكل اليابانى يكسب فى الاعتماديه---اليابانى يابانى مش الماركات اليابانى
يعنى تحط علامه نيسان على عربيه هندى وتقولى يا بانى اقولك اعذرنى

**SeaShark** · 03-06-2013 12:03 AM

المشاركة الأصلية كتبت بواسطة lanos2004

الكورى يكسب فى الشكل اليابانى يكسب فى الاعتماديه---اليابانى يابانى مش الماركات اليابانى
يعنى تحط علامه نيسان على عربيه هندى وتقولى يا بانى اقولك اعذرنى

النيسان مش هندي ٧٠ % من مكونات نيسان مكتوب عليها صنع في اليابان و الباقي مصري و تقفيل مصري تحت اشراف ياباني

الموضوع: شارك برأيك ، هل تفوقت السيارات الكورية علي السيارات اليابانية؟

LinkBack

أدوات الموضوع

عرض

شارك برأيك ، هل تفوقت السيارات الكورية علي السيارات اليابانية؟ - انشر الموضوع فى :

-

-

المواضيع المتشابهه

مقارنة ما بين السيارات اليابانية و الكورية

مقارنة ما بين السيارات اليابانية و الكورية

تقرير عن السيارات من وجهة نظري الشخصية (شارك برأيك) وبدون زعل

أستطلاع وتصويت شارك برأيك مين أقل السيارات أعطالا؟

السيارات الصينية تفوقت على اليابانية

الكلمات الدلالية لهذا الموضوع

المفضلات

المفضلات

ضوابط المشاركة