الموضوع: مضطر لتأجير عربيه

بص يا باشا أنا من العريش وكنت مأجر عربية من يومين سافرت بيها 6 اكتوبر هى كانت دايووو لانوس اجرتها يوم واحد ب 250 جنيه وطبعا لازم تمضى على ايصالان امانة فاضى وتبصم كمان وكمان لازم ضامن وبيمضى على شيك واحد على بياض بس بصراحة بيكون كابوس لحد مبترجع العربية للمعرض تانى وفى موقف غريب حصل معايا وانا مسافر كنت على المحور وفى عربية لانسر قدامى فتح سكة واول معديت زنق على تانى معرفش ليه كان بيفادى عربية ولا كان نايم الله اعلم كل اللى حصل انى رحت اقصى الشمال عشان ابعد عنه الاكصدام الخلفى اتحك فى الطوب اللى بيكون مبنى على الطريق بين الرايح والجاى بس الحمد الله ربنا سترها والحكة كانت بسيطة والراجل صاحب العربية كان محترم وسامحنى وقاللى ولا حاجة المهم انك بخيررر تخيل بقى لو الحكة دى كانت فى اللانسر او غيرها كان الموقف يكون ازاى ربنا يسترها معاك

الف شكر بس انت مش شايف ان الاسعار دى مبالغ فيها شويه
مش لازم ميجان او 307
لانوس تؤدى الغرض
وكمان 3 جنيه للكيلو كتير
ثم ان الساحل مش 500
انا هاروح و ارجع يعنى حوالى 800 كيلوا ياباشا

المشاركة الأصلية كتبت بواسطة Ahmad Allawy

علي حسب بقي يا دكتور.. هو ينفعه انه يكون معاه سواق ولا الظروف مش هتسمح..
و كده هيبقي يأجر من اي مكتب عادي.. و كده هنتكلم في حدود 500 جنيه.. عشان السفر.. لو بالسواق..

و الاسعار فعلا انا شايف انها مبالغ فيها.. بس شركات محترمه.. و تعاملها نضيف و ادمي..
و اهم ما فيها ان مفيش موضوع الايصالات و الكلام ده..
عموما.. لو ميفرقش معاك انك تمضي ايصال علي نفسك بتمن العربية.. خلاص توكل علي الله..
و شوف اقرب مكتب ايجار عربيات.. و شوف ايه النظام..

انا مستنى برده لو حد يعرف اسعار العربيات العاديه زى الدايو و موضوع العداد المفتوح برده
و فى حاجه عاوز اسأل عنها كدا
فى جريده الاهرام الملحق بتاع السيارات بقراء اعلانات عن محلات تاجير السيارات كاتبين 80ج لانوس و 120 لانسر بس مش مطمن ليهم ازاى الاسعار دى !!

بلاش احسن
ايجار السيارات في مصر فيه مخاطره كبيره
روح مواصلات او خد تاكسي مخصوص احسن ليك
او لو لزم الامر عربيه بسواق و ريح دماغك
انما شيكات ولا وجع دماغ علشان ايه يعني
ليه تحط اسمك في وصل امانه ولا شيك علشان تروح مشوار
لا قدر الله لو حصل حاجه حتقول يا ريت اللي جري ما كان.

ايه الكلام دا يا جماعة
انتو بتهزروا و لا بتتكلموا جد
معلش اللى يكتب على نفسه وصل امانة و لا شيك مفتوح يبقى مجنون , ايوه مجنون بتكلم جد!!!
مهما كانت الظروف!!!!
الناس اللى بتعمل كدا اتجننت و لا ايه؟؟!!
اساسا الكلام دا مش قانونى و ممكن يتنصب عليك
ازاى اكتب شيك مفتوح؟؟؟ يعنى صاحب المعرض لو اتخانقت معاه لاى سبب يقوم كاتب 100 مليون جنيه و يحبسنى و مطلعش منها تانى طول حياتى؟؟!!!!!!
هو الموضوع لعبة؟؟ محدش ابدا ابدا يكتب على نفسه شيك مفتوح و لا وصل امانة و لا حتى بتمن العربية!!!!!
العربية متامن عليها = تكتب مثلا 5000 جنيه فى حالة حدوث حادث ادى الى هلاك السيارة او اى مبلغ تتفقوا عليه!!!
العربية مش متامان عليها = اكيد دى مش شركة تاجير عربيات لانك ممكن تسرقها!!!

تانى عمر ما حد يكتب على نفسه وصل مفتوح او وصل بتمن العربية كامل ابدا!!! و كمان يستحسن تتعامل مع شركات كبيرة