هتجن : أستهلاك البنزين صدمنى !

**a raafat** · 03-06-2013 12:05 AM

السلام عليكم
انا يا جماعه معايا جيب شيروكى 93 اربعه سلندر 2500 سى سى
كنت مش بفهم حاجه فى البنزين واستهلاكه بالاضافه ان عوامة البنزين عندى بتخرف ومش دقيقه فكنت مبخدش بيها وكل مشوارين تلاته بروح احط بنزين للاخر طبعا خراب بيوت كده
مؤخرا عرفت ان عربيتى بتعمل من 180 الى 200 كيلو فى الصفيحه وعرفت ان الصفيحه 20 لتر وانا عربيتى بتاخد حوالى 65 لتر يعنى نقول تلات صفايح يعنى المفروض لما احط بنزين للأخر واملى التانك يمشينى 600 كيلو ولو اعتبرنا الدنيا زحمه وانا عربيتى بايظه مثلا نقول 400 كيلو !

لكن كانت الصدمه بقى انى بعد اخر مره حطيت تفويله صفرت العداد وقولت مش هحط بنزين قبل 400 كيلو ده لان عوامه البنزين بايظه ومش عايز اخد بيها لكن بعد 107 كيلو لقيت اللمبه نورت !!!!!!!!!!!!! فى الاول قولت لا دى العوامه بايظه انا هفضل واثق من نفسى ومش هحط بنزين ده لسه بدرى بعدين قولت لا انا ممكن احط واشوف حطيت كام واحسب عدد الكيلووات اللى مشتها على لترات البنزين اللى حطيتها واعرف حرقت قد ايه فى كام كيلو

لكن اتصدمت ولقيت العربيه خدت 40 لتر بنزين ده معناه انى حرقت 40 لتر فى 107 كيلو ازاااااااااااااااااى يا جماعه !!
يعنى بدل ما ال50 لتر دول يمشونى 400 او 300 كيلو مشونى 107 بس !

بصوا انا العربيه مش بخرج بيها غير مره فى الاسبوع بمشى بيها فى المره دى 27 كيلو والطريق بيبقى فى الغالب سالك لانى بختار وقت رايق واحيانا بيبقى زحمه فى بعض المناطق وبعدين بيسلك

اسلوب سواقتى هوه انا لما بلاقى الطريق قدامى فاضى بدوس بنزين جامد وبحب اسمع صوت الموتور عالى واستمتع بسحبه العربيه القويه تقريبا بخلى الار بى ام على تلاته او اعلى شويه "مع العلم انى مش متهور خالص يعنى لو قدامى فاضى بدوس واجرى لكن لو ظهرت عربيات والطريق بدأ يزحم بهدى ومباخدش غرزه "
أحيانا بسقط غيار يعنى مثلا ماشى على كوبرى عالغيار التالت على سرعه 40 وعلي يمينى اتوبيس ماشى براحه والعربيات ورا بتزمرلى عشان اعدى الاتوبيس لو فضلت دايس بنزين السحب مش هيبقى قوى فبدى التانى واقرص وانطلق

برده احيانا بسيب الغيار كتير من غير ما انقل وخصوصا التانى لان السكه بتبقى زحمه ولو مشيت شويه هتقف تانى فبكسل اجيب غيار وارجع اجيب غيار تانى وكده

ونظرا انى بخرج بالعربيه مره واحده فبطر انى انزل الجراج اسخنها تلات مرات فى الاسبوع عشان البطاريه متنمش التسخينه بتاخد من ربع الى نص ساعه وساعات بقعد ادوس بنزين واعلى صوت الموتور

السؤال بقى معقول حتى لو انا بسوق غلط ولو انا بمشى فى الزحمه يبقى الفارق كبير اوى كده يعنى بدل ما ال 40 لتر يمشونى 400 كيلو او حتى 300 يمشونى 107 !!!

انا قررت انى بعد التفويله دى هغير من اسلوب سواقتى تماما وهبطل الحرق عمال على بطال وهحاول فى الطلعه الار بى ام ميزدش عن 1 وهحاول مسيبش الغيار كتير بس تفتكروا لو عملت كده ممكن ارجع الفارق واخلى العربيه تحرق ال 40 لتر دول على 300 كيلو على الاقل ؟

طب لو كل الحاجات اللى قولتها دى متوصلش للفارق ده وكده هيبقى العيب من العربيه تفتكروا ايه هوه السبب او المشكبله ممكن تكون منين ؟

**aboamina** · 03-06-2013 12:22 AM

انا سمعت قبل كدة ان اقل استهلاك للبنزين لما يكون الrbm بين 3 و3.5....والله اعلم

**lanos2004** · 03-06-2013 12:31 AM

دة استهلاك رهيب صراحه

**a raafat** · 03-06-2013 02:15 AM

انا هتجن يا جماعه مش عارف ليه كده
يعنى انا دلوقتى لو عايز اسافر لازم يكون الطريق فى بنزينه او اتنين عالطريق :(
ياريت لو حد يعرف العيب ممكن يكون محصور فيه ايه يقولى لحسن كده خراب بيوت بجد

**m_elkhishin** · 03-06-2013 02:41 AM

طبعا استهلاك خزعبلي۔
انا عربيتي 3500 سي سي۔ التانك 60 لتر
لو ماشي 120- 140 من غير ماحرق باستخدام مثبت السرعة بتعمل 700 كيلو/تانك
لو حرقت جامد او مشيت على سرعات عالية تعمل 300 كيلو/تانك

**windofchange** · 03-06-2013 03:07 AM

مرة واحدة كفاية في الاسبوع تسخنها مش اكتر خصوصا لو البطارية جافة ممكن تقعد اسبوعين من غير ماتسخن عادي..حط منظف رشاشات مع التفويلة اللي جاية ويكون نوع محترم بيتباع عند بتوع الاكسسوار وماركت البنزينة وتحطه علي فول تانك مش والتانك فاضي ...,غير البوجيهات بعدها بفترة يكون المنظف اثره(2000 ل5000 كم تقريبا) راح وجيب البوجيهات الخاصة بموتور عربيتك وموديلها وده تعرفه عن طريق الكود وتجيبه من الموقع بتاع البوجيهات سواءا ngk او غيره

**dr.hazem** · 03-06-2013 03:24 AM

عربيتك استهلاكها الطبيعي من 150 كيلو ل 170 في الصفيحه...
طبعا تسخينك ليها لمدة ربع ساعه مع تعليه الماتور والدعس بالإضافة إلى قرصك المتقطع مع الركنه لوقت طويل كل دي عوامل بتزود الاستهلاك جدا جدا غير بقا لو ضغط الكاوتش مش مظبوط غير لو في خلل في منظومة البنزين والاحتراق....
لو غيرت طريقة سواقتك وطريقة تعاملك مع العربية بالإضافة لشوية نظافه وصيانه العربية هتتظبط باذن الله....
تحياتي

Sent from my LT18i using Forum Runner

**a raafat** · 03-06-2013 04:35 PM

المشاركة الأصلية كتبت بواسطة windofchange

مرة واحدة كفاية في الاسبوع تسخنها مش اكتر خصوصا لو البطارية جافة ممكن تقعد اسبوعين من غير ماتسخن عادي..حط منظف رشاشات مع التفويلة اللي جاية ويكون نوع محترم بيتباع عند بتوع الاكسسوار وماركت البنزينة وتحطه علي فول تانك مش والتانك فاضي ...,غير البوجيهات بعدها بفترة يكون المنظف اثره(2000 ل5000 كم تقريبا) راح وجيب البوجيهات الخاصة بموتور عربيتك وموديلها وده تعرفه عن طريق الكود وتجيبه من الموقع بتاع البوجيهات سواءا ngk او غيره

شكرا يا فندم على الرد والاهتمام
انا فعلا مش هسخنها كتير بعد كده والبطاريه عندى جافه
ممكن حضرتك تقولى ايه منظف الرشاشات ده و بكام والبوجيهات اللى تناسبنى ممكن سعرها يكون كام عشان ميضحكش عليا ولا الميكانيكى يستغلنى ؟

**a raafat** · 03-06-2013 04:37 PM

المشاركة الأصلية كتبت بواسطة dr.hazem

عربيتك استهلاكها الطبيعي من 150 كيلو ل 170 في الصفيحه...
طبعا تسخينك ليها لمدة ربع ساعه مع تعليه الماتور والدعس بالإضافة إلى قرصك المتقطع مع الركنه لوقت طويل كل دي عوامل بتزود الاستهلاك جدا جدا غير بقا لو ضغط الكاوتش مش مظبوط غير لو في خلل في منظومة البنزين والاحتراق....
لو غيرت طريقة سواقتك وطريقة تعاملك مع العربية بالإضافة لشوية نظافه وصيانه العربية هتتظبط باذن الله....
تحياتي

sent from my lt18i using forum runner

شكرا يا دكتور حازم عالرد والاهتمام
انا قررت انى مش هسخنها كتير ومش هحرق وهخلى سواقتى هاديه زى ماعملت امبارح بعد ما فولت والخروجه الجايه هروح ازود الهوا بتاع الكاوتش واخليهم كلهم مستوى واحد وهشوف المره دى هيحصل تحسن ولا لا لو فضلت المشكله هتطر انى أشوف الصيانه اللى فيها بقى وأمرى لله