العربية بتغيب فى الدوارة فى كل الاوقات

**hgo** · 03-06-2013 01:07 AM

انا عربيتى النترا 2008 ذهبت اعمل صيانة 80 ألف كيلو رغم انى لا اشتكى من اى حاجة فى العربية فقالوا لى حنغير فلتر بنزين وفلتر هواء وبوجيهات ومياه ريداتير قلت ماشى واتعملت الصيانة ورجعت للبيت تمام وفى صباح اليوم الثانى عندما دورت العربية غابت فى الدورة مرتين وفى الثالثة اشتغلت قلت يمكن واخده هواء ولا حاجة فى فلتر البنزين لانه متركب جديد ولكن اصبحت كل مادور العربية حتو ةلو هى سخنة تغيب شوية رغم انها قيل ماروح التوكيل كانت بتشتغل بمجرد ما الف المفتاح فيا هل ترى مالسبب فى ذلك؟

**YHYAKOTB** · 03-06-2013 02:53 AM

ارجعلهم تانى يمكن البوجيهات الى اتحطت مش تمام

**M.Ayman** · 03-06-2013 03:08 AM

اكيد بوجيهات معفنه اتحطت لعربيتك ارجعلهم و خليهم يصلحوا اللي هببوه ... و لو قالولك عايزين فلوس هزقهم لان المشكله دي حصلت من كلامك بعد صيانتهم الهباب :)

**haysam2000** · 03-06-2013 07:38 PM

بوجيهاتهم وش بايظه ارجع و ظبطهم

**mody_elmasry** · 21-06-2013 05:12 AM

وصلت لحد فين يا باشا العربيه اتعملت ولا لا

**LanCeLoT** · 21-06-2013 07:06 AM

حصلت معايا و المشكله فعلا كانت ان فلتر البنزين مش راكب كويس

**hgo** · 24-06-2013 02:18 AM

المشاركة الأصلية كتبت بواسطة enghany

الاخ الفاضلحضرتك ارجع لهم تاني و قولهم ركبولي الo- ring بتاع فلتر البنزين كويس

اشكر الجميع الذين تفضلوا بالرد على مشكلتى
واطمأنكم اننى بالفعل ذهبت كما قلتم الى التوكيل وشرحت لهم المشكلة فقاموا بفك فلتر البنزين ووجدوا فعلا ال o - ring او oil seal مقلوب مما يعمل على رجوع البنزين للتنك مرة اخرى عند توقف السيارة عن العمل لذلك كانت تغيب فى الدوارة فى كل الاوقات
بعد ماقاموا بالتركيب الصحيح رجعت السيارة لطبيعتها والتشغيل والدوارة من اول تكة وفى كل الاوقات
الحمد لله على كل حال واهو بنتعلم من اخطاء الصنايعية وكتبت لكم حتى نعرف الحل لو لاقدر الله حصل معاكم او مع اى احد تعرفوه......... شكرا مرة ثانية على اهتمامكم