ارجوا الاعائلية فادة هل اشتري البرسونا

**masaa** · 03-06-2013 04:35 AM

باختصار يا جماعة انا عايز اشتري عربية بس تكون عائلية بس محتار بين البرسونا و الاوبترا و الصني الجديدة فياريت اصحاب البرسونا او الجين يقولولي تجربتهم مع العربية دي من خلال النقط دي توافر قطع الغيار و اسعارها و سعر اعادة البيع سهولة اعادة بيعها لأن دي نقط تهمني جدا في المقارنة و ياريت لو تكرمتم و تقولولي اسعار قطع غيار تكونوا غيرتوها قريب قوانيس اكصدامات تيل فرامل و لكم جزيل جزيل الشكر

**hilal** · 03-06-2013 08:52 AM

بيرسونة ايه يا راجل
انت عاوز تدبس نفسك ليه
اشتري حاجة تعرف تبيعها لو حبيت وتكو قطع غيارها متوفرة بعيد عن التوكيل
فكر في اللانسر او اللانوس
اما بالنسبة للسيارات المذكورة فالاوبترا هي الافضل

**amrseif** · 03-06-2013 10:31 AM

اولا نورت قسم بروتون , ثانيا انا من ملاك بروتون ساجا لكن هيا تشترك فى حاجات مع البيرسونا اهمها التوكيل بصراحة ..
مبدئيا بالنسبة للعربيات الثلاثة ممكن نعتبرهم عربيات عائلية ...

بص بقى هقوللك انت ممكن تفكر ازاى بس انا هتكلم بصراحة شديدة بدون تحيز !

1- اذا كان اهم حاجة عندك توفر قطع الغيار و اعادة البيع يبقى الاوبترا ... و الصنى برضة زيها و لكن الاوبترا افضل لانها بقالها كتير فى السوق لكن الصنى الجديدة لسه موديل حديث ...

2 - اذا كنت بتدور على كماليات و عربية رياضية و ثباتها عالى و اداء قوى يبقى البيرسونا

3 - اذا كان يهمك التوكيل يبقى بيرسونا مش هتبقى رقم 1

واستخير ربنا و شوف انت ميال لايه اكتر .. واحنا نتمنى انضمامك للعائلة البروتونية ..ربنا يوفقك .

**masaa** · 03-06-2013 06:12 PM

اولا انا احب اشكركم على الرد ثانيا استاذ عمرو هو بالنسبة ليا انا مهتم بحاجتين اول حاجة توافر قطع الغيار و اسعارها تاني حاجة سعر اعادة البيع و سهولة البيع نفسة بالنسبة للبرسونا موقفها ايه بالنسبة للحاجتين دول لأنهم عوامل اساسية بالنسبة ليا في قرار الشراء

**a7mad_mo7amad6** · 03-06-2013 11:18 PM

قطع الغيار متوفرة الى حد كبير وفي تزايد مستمر
انا شايف البروتون عربيه ممتازه خصوصا البيرسونا لانها عائليه وشبابية في نفس الوقت
ثبتها لا يقارن بالصيني الجديده..على فكره انا مش كاتبها غلط انا قاصدها لان خامتها متجبش اكتر من كده

بخصوص اعادة البيع انا شايفها عربية مطلوبه الى حد ما والناس بدور عليها

انا من ملاك البيرسونا على فكره وجايبها مستعملة
ربنا يوفقك للاصلح ليك

**hugan** · 03-06-2013 11:25 PM

اوبترا
الافضل في الترتيب
يليها بيرسونا
صني

**amrseif** · 05-06-2013 10:06 AM

المشاركة الأصلية كتبت بواسطة masaa

اولا انا احب اشكركم على الرد ثانيا استاذ عمرو هو بالنسبة ليا انا مهتم بحاجتين اول حاجة توافر قطع الغيار و اسعارها تاني حاجة سعر اعادة البيع و سهولة البيع نفسة بالنسبة للبرسونا موقفها ايه بالنسبة للحاجتين دول لأنهم عوامل اساسية بالنسبة ليا في قرار الشراء

فى البداية تقبل اعتذارى عن تاخرى فى الرد ...

انا برده هتكلم بصراحة زى المرة الاولى :

- بالنسبة لتوافر قطع الغيار ( وأنا هتكلم فى النقطة ديه على عدد محلات قطع الغيار الجديدة و الاستيراد التى خارج التوكيل و انتشارها فى اماكن عديدة ) تبقى الاوبترا هى المسيطرة و ده طبعا راجع لانتشارها اكتر من العربيتين التانيين + علامة شيفروليه اللى الناس بتحب تشتغل فيها

- بالنسبة لسعر و سهولة اعادة البيع فهى برضه ترتبط بالنقطة الاولى لأن معظم الناس اللى بتشترى مستعمل مبيكونش عندها خبرة فى السيارات فتروح تسأل مين ؟ طبعا الميكانيكى فى المقام الاول وهو ممكن يكون ميعرفش اصلا ماركة بروتون فمش هيحرج نفسه و يقول له خليك فى المعروف .. خليك فى شيفروليه طبعا .. واللى بيشترى طبعا ميعرفش ان الميكانيكى كده بيعمل سوق لنفسه عشان يشتغل و كمان ينفع بتوع قطع غيار شيفروليه سواء جديد أو استيراد ...... هو ده السوق فى مصر !

عايز أقول بس حاجه اخيرة - بروتون والله تستاهل انه يكون وضعها افضل من كده فى مصر ...

**masaa** · 05-06-2013 12:30 PM

اولا انا احب اشكركم جميعا على سعة صدركم و احترامكم وانكوا ادتينوا من وقتكم و ما بخلتوش بالنصيحة و اشكر الاستاذ عمرو بالاخص على امانته في النصيحة انا فعلا شايف ان البروتون برسونا و جين تو عربيتيتن جامدين جدا و يستحقوا احسن من كده بس المشكلة مش في العربية نفسها المشكلة في الوكيل عز العرب لانه مش مهتم بيها على حسب ما اعرف هو عنده عربيات تانية اعلى زي السيتروين عشان كده مش مركز معا البروتون لا في صيانتها ولا في توافر قطع الغيار العربييتين دول لو هو وفر قطع غيارهم باسعار جيدة مع توفير مراكز خدمة وصيانة محترمة البروتون هتكتسح السوق تماما لأن لما تلاقي عربية تجمع بين العائلية و الرياضية زي البرسونا بكل الاوبشنز اللي فيها اير باجز و جنوط و طارة ميديا و فرامل abs و مثبت سرعة و تقفيل بلدها و كل ده بسعر 110000 جنية تبقى عربية مالهاش حل بس للاسف هو ضيع كل ده