لما تروح تشترى موبيل صينى N-95 و تجيبه مثلا ب 700 جنى و انتا عارف انه الأصلى ب 3000 جنى

تبقى عاوز شكل فخم كده تعمل بيه نمر وسط الناس

أقولك ماشى يا عم الباشا و ماله عيش اللحظة اهو اسمك ماسك 95

لكن الواحد ينضرب لا مؤاخذة على قفاه و يجيب عربية يركبها هوة و عياله !!!!!!! طب إزاى؟؟

طب يا بنى آدم انتا اسأل نفسك العربية دى تسوى كم ؟؟؟

700 جنى

آسف دة ال 95

انما العربية نفس النسبة بالظبط
يعنى أفخم و أجعص عربية جبتيها يا صين ما تساويش أكتر من 30 الف جنى و يبقى كتير كمان يللا أهو برضه بنشجعهم شوية

افتكروا كدة يا جيل يا زمل كان عندنا لعب أطفال من و احنا صغيرين يعنى تقريبا من 20-25 سنة و لسة موجودة و اديناها لعيالنا يلعبوا بيها لكن تعالى هات فانوس ( كل سنة و انتوا طيبين ) صينى للواد المحروس ربنا يحفظهم و إذا قعد لتانى يوم يبقى الواد عامل معاك احلى واجب

يا رب اشفينا من مرض الصين آمين

للأمان أحسن منتج صينى تشتريه

الولاعة أيوة بس تجربها كويس و تشوف كل الأوبشن تتأكد انها مليانة بتنور و مستمر و رعلش و ألوان متدفعش أكتر من 2 جنى
و يستحسن ان الوكيل الصينى بنفسه هوة اللى يبيعهالك ايوة مش بهزر دول مليين البلد

افتكرت حاجة بالمناسبة خدمة ما بعد البيع الصينى

واحد زميلى دكتور صيدلى قاعد فى أمان الله ذخلت عليه المندوبة الصينية ثقافة عالية اوى و خواجة
المهم الزبون اشترى شمسية مطر
تمر الأيام و الشهور و إذا بنفس الخواجة ( ثقافة عالية اوى ) تروح للزبون تسأله عن الشمسية عاملة ايه