وما ذنب غزة؟؟؟
عرض للطباعة
وما ذنب غزة؟؟؟
هو ده الرد على عضو جديد داخل يستفسر على موتور لعربيته وبيسلم على اخواته !!!!
مش ممكن يكون ده نايل موتورز
ولا يمكن يكون ده اعضاء نايل موتورز
مش المفروض ان ده مخالفة هجوم على الاعضاء
مش المفروض ان ده مخالفة تغيير مسار الموضوع عمدا ؟؟؟
خلاص الفلسطينيين هما اللي قتلوا الجنود المصريين مش اسرائيل هي اللي قتلت اكتر من 10 الاف اسير مصري في حرب 6 ايام
خلاص هما اللي بيهربوا البضائع, مش المصريين هما اللي بيبيعوا البضائع ب 5 اضعاف تمنه وهما بيدخلوه غزة
انا اشتغلت في العريش مع منظمة الهجرة الدولية وبدي محاضرات لرفع الرعاية الصحية وكل الكلام ده بشوفوا ادامي
واي حد اتعامل مع فلسطيني في سينا عارف انهم بيعشقوا مصر
التجار المصريين هما اللي بيحوشوا البضاعة المصرية عشان عارف ان لو هربها غزة حيزود ثمنها 5 اضعاف
اصلا كل اللي في العريش ورفح قرايب لناس في الناحية التانية
خلاص بقوا هما اللي حرامية واحنا اللي عبط وملايكه وحاجتنا بتتسرق !!!
الله اني ابرأ اليك من صنع بعض الناس
اللهم ارزقني زيارة المسجد الاقصى
اللهم ارزقني صلاة في محرابه او شهادة على اعتابه
ما ذنب النباتات ؟
كلنا مسلمين و كلنا عرب و بلاش اللعب على وتر القبلية
فلسطيني مصري مريخي حتى ما فرقتش خالص
و ده كلام الرسول عليه الصلاة و السلام مش كلامي
و ثانيا انصر اخاك ظالما او مظلوما
و الاتنين اخواتي المصري و الفلسطيني
و شوف مين اللي بدأ بالغلط راجل داخل ضيف علينا يتبهدل تريقة كده عيب و الله !!!!!
هو الناس هنا بتدين بدين الاسلام و لا بدين جديد!!!! مش الاسلام اصلا منع التمييز العرقي بين الناس و لا انا فهمت غلط !! هم المصريين دول جنس سامي و الفلسطينينين من المريخ طيب ليهم حق الخليجيين يشموا المصري مهو اصلا كلنا سبابين!!!
يا بني ادمين احترموا ادميتكم بقي هتقابلوا كلكم رب كريم و هتسئلوا و ساعتها هينفعكم في ايه كام لتر بنزين اصلا مش مكتوب عليهم اسمك ربنا اسمه الرزاق يا اساتذه فاكرين يعني لو قفلتم 100 معبر و سديتوا 100 نفق ربنا مش كاتب ان الحجات دي تروح للمحاصرين !!
بطلوا تبصوا تحت رجليكم "وتلك الأيام نداولها بين الناس" مين ضامن بكره انت اصلا فين مش مصر الي بتتفشخروا بيها كانت بتعت مساعدات للخليج اهو الخليج بيشحتكم مساعدات هتفهموا امتي ان ما طار طير و ارتفع كلما طار وقع
والله الواحد اسف ان المنتدي بقي فيه ناس بتفكر بالطريقه دي
علي كده المفروض نمسك المصريين اللي راكبين عربيات نضيفه ونعدمهم عشان باقي الشعب مش لاقي ياكل
لا حول ولاقوة الا بالله
بس انا مش زعلان لاني عارف توجهات الناس اللي عماله تشتم في الأخ الفاضل وده بيوضح كتيير قوي
وشويه الموضوع هيتحول من شتيمة غزه لشتيمه مرسي والأخوان
انها لاتعمي الأبصار