رأس سدر ؟

**Mandible** · 03-06-2013 07:37 AM

السلام عليكم .. باختصار شديد يا جماعة في قرية في راس سدر جديدة لسة بتتبني اسمها ريماس جولف بارك و عاملة عروض حلوة الصراحة و اعلاناتها في كل حته عالنت و في الوسيط..الخ ...

عاملين مثلا شاليه 85 بحوالي 120 الف جنيه بمقدم 10% و تقسيط على 8 سنين .. و الموضوع داخل دماغي الحقيقة بس كنت عايز اسأل كام سؤال

ايه رأيكو في راس سدر كمصيف ؟
حد يعرف حاجة عن القرية دي ؟
و هل العرض ده كويس و لا شكله مريب شوية على اعتبار انها لسه متبنتش تقريبا ؟
و لو حد يعرف قرى جديدة برده بس في العين السخنة بتبيع شاليهات حاليا ياريت يفيدني
و شكرا

**prof2013** · 03-06-2013 08:28 AM

وايه اخبار العقارات ؟؟

**Mandible** · 03-06-2013 09:00 AM

المشاركة الأصلية كتبت بواسطة prof2013

وايه اخبار العقارات ؟؟

مش فاهم ؟

**ahmedteam** · 03-06-2013 10:12 AM

الوضع حاليا بالنسبه لشركات العقارات اللى بتبتى قري سياحيه مش مطمئن عموما للاوضاع الاقتصاديه السيئه و عدم توافر السيوله لدى اغلب الشركات و ممكن العمل يتوقف و تحصل مشاكل انت فى غنى عنها لو عايز تشترى حاجه تبقى مبنيه و جاهزه غير كده بلاش

**marsguy** · 03-06-2013 01:12 PM

بصراحه أنا كمان بافكر

بس شركة ريماس دي مريبه شويه, صارفه كتير أوي على الإعلانات وفي نفس الوقت أسعارها رخيصه أوي.

أنا بصراحه عاوز برضه حد يطمئنا

**Mandible** · 03-06-2013 02:27 PM

المشاركة الأصلية كتبت بواسطة marsguy

بصراحه أنا كمان بافكر

بس شركة ريماس دي مريبه شويه, صارفه كتير أوي على الإعلانات وفي نفس الوقت أسعارها رخيصه أوي.

أنا بصراحه عاوز برضه حد يطمئنا

ايوه ماهي دي الفكرة .. اعلاناتهم مغرقة الدنيا و مشفتش واحد بس اتعاقد معاهم عشان يحكيلنا عن تجربته مع ان سعرهم مغري بطريقة غريبة

**El Prince** · 03-06-2013 02:49 PM

متابع بحرص شديييييييييييييييد :)

**tarekzein** · 03-06-2013 05:39 PM

كان في موضوع عنها في الاجتماعي
حد يغطس ويجيبه
عشان داخل م الموبايل

**member** · 04-06-2013 12:05 AM

أنا أشتريت منهم شالية 65 متر وشايف أنه كويس، وكنت مقلق برده في الأول وسألت محامي قالي أسألهم على مستندات ملكية الأرض وخدتها وصورتها فعلا بالإضافة لموافقة القوات المسلحة. وطبعا كتبنا عقد وخدت نسخة
بس السعر اللي أنت كاتبه مش دقيق هو الـ 65 متر بـ 112 ألف أو 115 ألف، 10% مقدم والباقى على 100 شهر. والميزة أن مفيش فوائد والقسط صغير

**member** · 04-06-2013 12:07 AM

المشاركة الأصلية كتبت بواسطة marsguy

بصراحه أنا كمان بافكر

بس شركة ريماس دي مريبه شويه, صارفه كتير أوي على الإعلانات وفي نفس الوقت أسعارها رخيصه أوي.

أنا بصراحه عاوز برضه حد يطمئنا

هو أنا شايف أنهم مش صارفين على الدعاية ولا حاجة وكل إعلانتهم في الفاسبوك والوسيط ودي تعتبر رخيصة نسبيا (على حد علمي مفيش إعلانات في التليفزيون أو الجرائد)

الموضوع: رأس سدر ؟

LinkBack

أدوات الموضوع

عرض

-

-

-

-

-

الكلمات الدلالية لهذا الموضوع

المفضلات

المفضلات

ضوابط المشاركة