الموضوع: الواجا ( الهانم )

المشاركة الأصلية كتبت بواسطة Abouelela

السبب الرئيسى قلة وعى للشعب المصرى وعدم وجود رقابة وضمير

والله أنا مش عارف ليه دايما بأرمي المسئولية علي الحكومة ... حتي ولو في توجيه سلوك الأفراد .. لأني حاسس أنها مش شايفه الشعب المصرى ولا مهتمه بيه خالص وسايبه كل واحد علي حل شعره .. إللي يمشي يمشي وإللي يعك يعك .. والي يرتشي يرتشي .. وطالما الموضوع بعيد عن السياسة .. فمش فارقه .. تغرق وإلا يتصلح حالها ..
الموضوع أكبر من مجرد سلوك أفراد .. لأن السلوك الخاطئ كان في الماضي مستهجن وتلاقي ألف واحد يقولك غلط .. دلوقتي الناس بتبقي غلطانه .. وعينها في عينك .. وتبقي أنت إللي خايف تتكلم معاهم ..لأن أبسط رد .. " وأنت مالك .. ما كل الناس بتغلط هو أنت إللي حتصلح الكون .." وهكذا ..ده طبعا غير التباهي بالغلط والأحساس بالتميز وبأن ماحدش هاممني وما با أخافش .. والمسألة تتقلب من صح وغلط .. إلي أنت حتعلمني أو حتربيني وتبقي مسألة شخصية .. وطبعا ده من باب العند .. كما هو معتاد ..مع أغلب الناس دلوقتي خصوصا للأسف الشباب وحتي الولاد الصغيرين
لازم إعادة تقييم شامل .. وأظن دى مش مسئولية أفراد .. دى مسئولية دولة ..في إعادة تأهيل الأسر لتربية الأولاد .. وإعادة هيكلة القوانين ووضع الضوابط مع مراقبة منفذيها قبل مراقبة أى حد تاني ..

بالفعل أخي أتفق معك في كل ما قلته
لقد شاهدت بعيني معركة بين شاب صغير من سائقي المصيبة الجديدة المدعوه توك توك المهم ان كانت هناك سيارة شرطة مارة في الشارع و كان هناك حوالي 6 عدد من هذا التوك نوك و كان الستة سائقين كلهم أطفال تحت سن 16 سنة .......
المهم أن أمين الشرطة طلب منهم الانصراف لأنهم كانوا يعاكسون الفتيات المارة فأنصرف الجميع إلا ولد صغير و عمره حوالي 15 عام و رفض الانصراف
و ما حدث إلا أن أنهال عليه العساكر بالضرب بعد أن تحايلوا عليه لمدة لا تقل عن 10 دقائق للأنصراف و لكنه عاند و كانت نتيجة ذلك أنه أخذ علقة محترمة
و مع ذلك ظل يتباهي بين أقرانه أنه الوحيد الذي وقف و لم يذهب !!!!!! كما قيل له
قمة قلة الأدب و السفالة من الجيل الصاعد مما يفسر فظاعة الأخلاق بين الشباب الجديد الصغير و خصوصا المولود في فترة الثمانيات المتأخرة و التسعينات
بس في رأيي أنه يستهال العلقة إللي خدها
لا حول و لا قوة إلا بالله

بس في رأيي أنه يستهال العلقة إللي خدها

مش حأقولك .. والله أنا لو بإيدى وبعيدا عن العدوانية .. الواحد كان دور الضرب في كل الأشكال دى .. علشان يعوض نقص التربية .. وللأسف العيب برضه في الأصل علي الأب والأم وخصوصا الأم إللي بتستغل سلبية الأب في توجيه الأطفال للسلوك العدائي ..
تخيل يا أستاذى .. إني زعقت لطفل بيبهدل الجنينة بتاعة العمارة .. ووالده كان موجود .. وكان هو إللي مشجعه .. ولما الراجل حس أنه حيقع في مشكلة بعد تدخل أكثر من جار .. طلب من الطفل أنه يخرج .. والواد مش عاجبه الكلام .. ومش عايز يخرج .. وبيزعق ولا همه .. وتفتكر كان عنده كام سنه .. تقريبا 12:13 سنة مش أكتر .. تخيل ..
لله الأمر من قبل ومن بعد