.:خالد أباظة يقضى على أمال الlandRock الضعيفة أصلا.....!؟مقال غريب

**ahmad7610** · 23-08-2008 03:08 PM

فوجئت بمقال خالد أباظة فى الأخبار اليوم .. بيهاجم بشكل صريح السيارة landRock الصينية بعد أن
اختبرها فريق اخبار السيارات !؟!( وكأن دى أول عربية سيئة صينى تظهر فى مصر )
فرحت و الله وقولت كويس بينبهوا الناس .كتر خيرهم
لكن بقلب الصفحة 3 لقيت صفحة كاملة عن اسبيرانزا تيجوووووو :( وبعدها اعلانات عن ماهيندرا سكوربيو
.!.!.!.!
طيب لما أستاذ خالد قلبوا على الناس وخايف لا يلبسوا العربية ..!.!؟ كان فين أيام مشاكل اسبيرانزا و جيلى
فى أوائل أيامهم فى مصر ؟!!؟ أقسم بالله العظيم عندى صورة لعربية شيرى صاحبها بيفضح الشركة بعد عيوب صناعة فيها .. بيجر العربية بحمار ...والصورة كانت منشورة فى أخبار السيارات عام 2001 ؟!؟!
--------------------------------------------------------------------------------
للاسف مفيش صحافة سيارات يمكنك الاعتماد عليها فى مصر ... كلها مصالح ...:( :(

**mohamed2002** · 23-08-2008 03:23 PM

الله اعلم ممكن عشان اسبيرنزا منزله اعلانات كتير عندهم :) بس برضة اسبيرنزا اسم كبير وحقق انتشار كبير في مصر وبرضة ماهيندارا دي واخدة حملة كبيرة وبتتقفل عندنا اما لاند روك دي مسمعتش هنا قبل كدة

**hazem_khidr** · 23-08-2008 03:29 PM

خالد اباظه منااااااااااااااااافق
و قولنا الكلام دا ميت مره في المنتدي
الشركه اللي بتجيب عنده اعلانات و هدايا تبقي فوق راسه
انما اللي مش بيهتموا بيه هو بينيل الدنيا
اسلوب قذر في الصحافه عموما.

**fathi_8290** · 23-08-2008 03:57 PM

بسم الله الرحمن الرحيم
أنا قريت المقال بتاع خالد أباظة في الأخبار النهاردة الصبح
وكان مفاجأة كبيرة جدا بالنسبة ليا
لأن خالد أباظة يوم الكومودو أو كومدينو ذي ما أنا مسميها قال كلام ملهوش حل
واللي يقرأ المقال اللي هو كاتبه النهاردة عن الصخرة هيكتشف ومن الوهلة الأولي أن المقال ده مدفوع تمنه وممكن يكون شرب شاي بالياسمين علي رأي عادل إمام
وسلملي علي الشاي بالياسمين .....
مصري وللآسف مصري محروق دمه ............................

**som3aa** · 23-08-2008 04:49 PM

خالد اباظة دا الناس كلها (هارشاه) من الاخر كدا
شوفتوا قصائد المدح فى الكومودو الزبالة؟
قصائد!!! و الله حسسنى انها عربية مرسيدس بجد.
و اول مانزلت landrock كلام من اللى قلبك يحبه و من الاخر وراك العربية على حقيقتها!!!
على فكرة العربية الlandrock دى عربية زبالة الزبالات الصينى , بص على الفيديوهات دى
http://www.youtube.com/watch?v=0bDsgz2Jmz8
http://www.youtube.com/watch?v=DZWy_...eature=related
http://www.youtube.com/watch?v=DZWy_...eature=related

انما اشمعنى دى اللى اتكلم عليها , كتير اوى اوى من الزبالة الصينى نزلت مصر و لا حتى فتح بقه و لا قال بم؟
السبب واضح : العربية الزبالة دى بتنافس زبالات تانية فى نفس الفئة السعربية زى الكومودو و التيجو و الماهيدرا (الله اعلم الماهيدرا زبالة زيهم و لا كويسة)
كومودو = صفح اعلانات فى اخبار اليوم و ما خفى كان اعظم
تيجو = صفحة فى كل ملحق و ما خفى كان اعظم
الماهيندرا = توكيل البافاريا بتاع bmw ميقدرش يفتح بقه حتى لو محطوش اعلانات.
لاندروك=زبون جديد لسه متعلمش ازاى يتكتب عن عربيته انها احسن عربية فى مصر.

حاجة تنرفز بجد

**Nader** · 23-08-2008 05:23 PM

90% من الصحف والمجلات المهتمة بالسيارات تعتمد

اعتماداً كلى وجزئي على التمويل من خلال اعلانات السيارات

فمن يعلن يمدح ومن لم يعلن فعلية مواجهة العواقب.