لقيت المساعدين المونرو يا باشا موجودين في شارع دمشق ب1320 جنيه عليهم ضمان سنة عند محل اسمه طوكيو اويشن بتاع كماليات و ده تليفونه 22593881
عرض للطباعة
بلاش مونرو عشان ناشفين بردو و غاليين خليك في الكي واي بي تقريبا ب ٦٠٠ او ٧٠٠ من العالمية في ش دمشق بقالهم معايا سنتين
المساعدين الkyb حاليا سعره عند العالمية 850 جنيه, بس ليا سؤال للجربوهم هل هما ناشفين فعلا؟؟؟ لأن سمعت انهم ناشفين جدا و أنشف من الأصلي و المساعد الأصلي أصلا ناشف
شكرا للتوضيح ... بس دول نوعهم ايه و بكام و كده
ليهم انواع.,.. اما السعر اول لما الحاجه توصل هعرف سعر واكيد هكتب هنا .. نوعهم وسعرهم
انا دول اعرف انهم عندي هنا ب 10 الاف درهم و 15 الف و حاجات عجيبه كده
السلام عليكم،
إزيكوا يا شباب.. واحشني آخر حاجة :)
على الرغم من إن الموضوع قديم، بس حابب أشارك فيه عشان الفايدة...
أنا غيرت مساعد أمامي عند 26 ألف كم ومساعد خلفي عند 35 ألف كم في الضمان عند غبور.. أنا سواقتي رياضية بس بحافظ على العربية، وعمري في حياتي ما غيرت مساعد لأي عربية كانت عندي قبل المازدا.. أنا بايع اللانسر عند 75 ألف كيلو ومساعدها سليم وشغال 100 100.
وغير المساعدين اللي غيرتهم في الضمان دول، لبست من أسبوع في مطب ابن ستين *** على محور التعمير عند برج العرب.. المطب ضرب المساعد الأمامي اللي غبور كان غيره لي.. وعلى فكرة المطب جامد بس مش لدرجة إنه يجيب مساعد وقتي كدة في ساعتها.
وغير المساعد دة، ببص كدة بالصدفة على المساعد الأمامي التاني، اللي معايا من الزيرو (عربيتي دلوقتي عاملة 45 ألف كم).. لقيته جايب زيت.. بجد أنا مصدوم.
المهم النتيجة اللي أنا وصلت لها.. إنه لو مساعد العربية الأصلي حيدوني عليه فلوس وشهادة دكتوراه وفيلا وعربية... برضه مش حركبه تاني في العربية.. أنا أصلا نازل إنهاردة إن شاء الله أغير الأربع مساعدين عشان أخلص من الليلة دي كلها.. وكويس كمان إني عرفت إن المساعد الأصلي مش ياباني، عشان ضميري يبقى مستريح أكتر..
المهم دلوقتي، أنا شايف إن الناس بتتكلم عن الـ KYB والـ Monroe... حد عنده أي معلومات مين أحسن وبلد منشأهم فين وناشفين ولا لأ وحد جربهم على المازدا ولا لأ؟
شكرا يا شباب :) جزاكم الله خيرا.