سؤال عن الدبرياج

**Strong** · 23-08-2008 03:29 PM

يا جماعة انا كان عندي مشكلة او ممكن تكون طبيعة العربية المهم
في الأول لما باجي اطلع كنت باسمع صوت دق او خبط (لكن مش تسقيف) سألت كام ميكانيكي كلهم سامعين الصوت لكن محدش عرف المشكلة فين ، فقلت اسيب الحكاية لما تكبر علشان تبان ويتعرف الصوت ده منين
فضلت الحكاية كده لغاية لما الصوت بقى زيادة يعني في اي طلعة ولو معايا وزن أو أنا على مطلع مش باقدر امشي بالعربية غير وصوت الخبط ده بيرج العربية فقلت كده كويس ان المشكلة كبرت علشان لما اي حد يشوفها هيعرف مصدرها ايه ورحت أصلحها فقاللي إن مفيش سبب للخبط ده غير من اسطوانة الدبرياج فقلت الحمد لله جت بسيطة وغيرتها هي بالدسك بالبلية وفعلا الصوت ده راح تمامااااااا .

جيت بعد كده من كام يوم الصوت رجع تاني مش عارف إيه السبب هل لحقت تبوظ ؟ دي مكملتش شهرين وملحقتش امشي غير 3000 كيلو يعني ملحقتش استخدمها اصلا وقست زيت الفتيس قاللي مظبوط ومش عارف هو قاسه ازاي ؟

فلو حد مر بالمشكلة دي او يعرف حلها ياريت يفيدني

**Strong** · 23-08-2008 10:39 PM

11 مشاهدة ومحدش رد ؟ هي حاجة غريبة للدرجة دي ؟ طب هو حد بيلاقي ان العربية بيحصل فيها رجة في الطلعة دايما ولا ده عندي بس ؟ مع ان العربية كانت كويسة بس اتعفرتت

**محمد فريد** · 24-08-2008 03:16 AM

اه يباشا حصلت معايا كانت الرجرجة والصوت العالى من الديسك والاسطوانة والبلية وغيرتهم والصوت راح
رجع صوت الخشونة بتاع البلية تانى بعد 6 شهور من تغيير الحاجات اللى ذكرتها من شوية
زودت الفتيس والصوت راح الحمد لله
بس على العموم انا اتعودت أصوات رايحة وأصوات جاية
متشغلش بالك

**محمد فريد** · 24-08-2008 03:18 AM

المشاركة الأصلية كتبت بواسطة AM011

11 مشاهدة ومحدش رد ؟ هي حاجة غريبة للدرجة دي ؟ طب هو حد بيلاقي ان العربية بيحصل فيها رجة في الطلعة دايما ولا ده عندي بس ؟ مع ان العربية كانت كويسة بس اتعفرتت

يباشا انت قلت ان العربية اتظبطت!!!!
هل الرجة مازالت موجودة بعد تغيير طقم الدبرياج؟؟؟؟ ام صوت فقط؟
ممكن توصفلنا الصوت عشان نقدر نفيدك

**Tamer-Ezzat** · 24-08-2008 03:37 AM

أولا : الصوت دة مستمر من بداية التشغيل ولا لما العربية تسخن بس ؟

ثانيا : ايه اخبار السحب معاك ؟

ثالثا : الاسطوانة اللى غيرتها اصلى ولا ... وغيرت طقم الدبرياج كامل ولا الاسطوانة بس ؟

**Strong** · 24-08-2008 11:34 PM

المشاركة الأصلية كتبت بواسطة mody_2002_mody

يباشا انت قلت ان العربية اتظبطت!!!!
هل الرجة مازالت موجودة بعد تغيير طقم الدبرياج؟؟؟؟ ام صوت فقط؟
ممكن توصفلنا الصوت عشان نقدر نفيدك

لا بعد التغيير الرجة راحت تماماااااااااااااا ما رجعتش غير اليومين دول بس بعد ماستلفها واحد مش بيعرف يسوق

، والصوت ده شبه صوت عربيات الجاز بس برجة جامدة ودبدبة

المشاركة الأصلية كتبت بواسطة mody_2002_mody

اه يباشا حصلت معايا كانت الرجرجة والصوت العالى من الديسك والاسطوانة والبلية وغيرتهم والصوت راح
رجع صوت الخشونة بتاع البلية تانى بعد 6 شهور من تغيير الحاجات اللى ذكرتها من شوية
زودت الفتيس والصوت راح الحمد لله
بس على العموم انا اتعودت أصوات رايحة وأصوات جاية
متشغلش بالك

هو المشكلة مش في الاصوات المشكلة ان العربية كلها بتترج والتابلوه بيرقص كإن في زلزال

المشاركة الأصلية كتبت بواسطة t5554983

أولا : الصوت دة مستمر من بداية التشغيل ولا لما العربية تسخن بس ؟
الصوت مش بيشتغل غير في الطلعة سواء العربية سخنة او باردة

ثانيا : ايه اخبار السحب معاك ؟
السحب كويس والحمد لله
ثالثا : الاسطوانة اللى غيرتها اصلى ولا ... وغيرت طقم الدبرياج كامل ولا الاسطوانة بس ؟

غيرت طقم الدبرياج كله بأصلي

شكرا لكل اللي ردوا وكنت عايز أضيف حاجة وهي
1- أنا رحت عند ميكانيكي قاللي الصوت والرجة دي من الشكمان وبعد التصليح (انا مكنتش شايف عيب في الشكمان ) الصوت والرجة زي ما هما.
2- واحد قاللي ده من اسطوانة الدبرياج وبعد الفحص الدقيق (من غير فك الإسطوانة ) أجمع 6 ميكانيكيا تقريبا إن ده مش عيب اسطوانة واختلفوا في مصدر الرجة 3 قالو إن مصدرها الشكمان وأنا قلتلهم إني لسه مصلحه وكان ثابت ومكنش فيه مشاكل وواحد بس قاللي إن المتور مش راكب على قواعد جلد او حاجة زي كده أو بمعنى إن الجلد بتاع القواعد مخلوع وهو سبب الرجة وده الرأي اللي اقتنعت بيه لغاية دلوقتي .

**aymanhh** · 25-08-2008 05:21 AM

رجة فى الطلعة على الاول ديسك وش مش اسطوانة ويزيد خصوصا لو انت طالع مطلع او حاجة محتاجة عزم عيوب الاسطوانة عدم السحب وصعوبة الغيرات ولو فية صوت
لما تيجى تدوس دبرياج يبقى بلية دة من الاخر مع خبرة 22 سنة

**hazem_khidr** · 25-08-2008 07:00 AM

احنا كده غيرنا الديسك و الاسطوانه و البليه
و بعد شهرين لما سلفتها لواحد مش بيعرف يسوق الصوت ظهر تاني
حقولك حاجه
غير زيت الفتيس
لو مفيش نتيجه برضه
يبقي اكشف علي قواعد الموتور
احتمال كبير جدا يكون القواعد
لو مش القواعد يبقي الكبالن الداخليه وحشه.
هيا حاجه من الاتنين دول يا الكوبلن الداخلي يا قواعد موتور.
مالهمش حل تاني.
........................................

**Strong** · 26-08-2008 12:37 AM

يا جماعة أنا نسيت أقول حاجة وهي إني لو زودت البنزين سنة في الطلعة الصوت والرجرجة بيروحوا خاااالص ، لكن لما بانقل على التاني الصوت والرجرجة بيكونوا في اول التاني أو لما بانقل بدري هل كده ممكن يكون معناه اسطوانة أو دسك ؟

**Tamer-Ezzat** · 27-08-2008 03:21 AM

المشاركة الأصلية كتبت بواسطة AM011

يا جماعة أنا نسيت أقول حاجة وهي إني لو زودت البنزين سنة في الطلعة الصوت والرجرجة بيروحوا خاااالص ، لكن لما بانقل على التاني الصوت والرجرجة بيكونوا في اول التاني أو لما بانقل بدري هل كده ممكن يكون معناه اسطوانة أو دسك ؟

طب مع التكييف الصوت دة بيظهر اكتر ؟؟

الموضوع: سؤال عن الدبرياج

LinkBack

أدوات الموضوع

عرض

سؤال عن الدبرياج - انشر الموضوع فى :

-

-

-

-

-

المواضيع المتشابهه

سؤال في الدبرياج

سؤال عن سلك الدبرياج والاكسيراتير

سؤال عن الفرامل و الدبرياج

سؤال فى الدبرياج مهم جدا

سؤال عن مجموعة الدبرياج

الكلمات الدلالية لهذا الموضوع

المفضلات

المفضلات

ضوابط المشاركة