استفسار بخصوص الأودى a3 الجيل الثانى (2003 - 2013))

**TOOLA** · 03-06-2013 12:06 PM

السلام عليكم يا أهل الأودى:

عاوز استفسر عن الأودى a3 موديل من 2005 لغاية 2008, انا بتكلم عن ال 1600 سى سى مش التربو.

معلوماتى انها بتشترك مع الجولف 5 و الجيتا و الأوكتافيا فى الشاسيه و الماتور و العفشة و الفتيس ,بس مش متأكد, عموما معلوماتى عن الموديل الأقدم أكتر.

فسؤالى لحد مجرب او ليه حد معرفة معاه العربية, ايه اخبار العربية و هل فيها عيوب واضحة او شكوى معينة, و هل ظهر فيها عيوب الفتيس و الكومبريسور الشهيرة بتاعت الفولكس (اعتقد الفتيس هوا هوا بس ايه اخبار نظام التكييف), و مقارنة بالجيتا مثلا تتميز عن الجيتا او الجولف 5 فى حاجة من حيث الثبات او التسارع او العزل الداخلى. و اخبار اسعار قطع الغيار الخارجية (لو افترضنا ان المكونات الاستهلاكية الداخلية واحدة)

و اخيرا ايه متوسط اسعارها فى المستعمل ,و اغلب الظن انى لو دورت هدور على موديلات من 2005 الى 2007.

بشكل عام انا بستشيكها عن اخواتها فى الفولكس او السكودا

منتظر ردودكم و اقتراحتكم