انا اشتريت اكسنت 2006 وعايزة مساعدة
مساء الخيييير
طبعا بسبب نصايحكم الغالية
الحمد لله اشتريت اكسنت 2006
1300 سى سى
بس اكتشفت فيها شوية حاجات (42 الف بعد الفصال )
عاملة 199 الف كم
اولا التكييف مش شغال عايز يتشحن
ثانيا : باب السواق والكبوت (الصاج ) متغيرين
الزجاج مش كهرباء
وكمان مفهاش سنتر
والفوانيس عايزة تتغير مش بتولع
ومفهاش كوريك ولا طافية
والزجاج الامامى واخد ناقرتين
الاكصدام االى فى الخلف مخبوط جامد
كل الناس قالت انا ممكن ابقى راكنة العربية ويحصلها كل دة
ودة هياثر على السعر فى البيع فيما بعد
وعايزة اعرف هى سعة تنك البنزين اد اية؟
واحطلها بنزين 80 ولا 90 ولا 92
وسعرها وحش ولا اية.. اشتريتها من كونتكت كارز
اصلى وانا بتعلم عليها بكتشف فيها حاجات كتيير
كان معايا حد بس الظاهر اهم حاجة عندة كانت الوداخل وعظم العربية
فياريت حد يقولى كام نصيحة
واسعار كل حاجة من دول هتتكلف كام واية الاهم انة يتعمل
لان مفيش فلوس خالص
وخصوصا انى عايزة ابدا واعمل انذار ومش عارفة فين وبكام
واشحن التكييف؟
واية اللى اخد بالى منة وانا بتعامل معها
وشكرا
