تقرير بسيط عن صيانة ال70000 النترا 2007 عند م / هانى - مركز سبيد سرفيس
السلام عليكم و رحمة الله وبركاتة
فى الاول احب اشكر المهندس هانى على زوقه و اهتمامه و مجهوده و هو والله راجل محترم و مش بيتاخر عن اى حاجة
كنت كلمتة و اتفقت معاه اروحله يوم السبت اعمل صيانة ال70000 و المفروض بيتعمل تغيير البوجيهات و فلتر الهواء و البنزين و انا كنت عايز اغير تيل امامى وسير المجموعة
و بعد الكشف على العربية قالى محتاجة تغيير تيل خلفى و طقم دبرياج بس ده آجلتة شوية
بعتنى عند موزع اجيب منه الحاجات
بوجيهات اصلى 75 جنيه
تيلى امامى موبيس 150 جنيه
سير مجموعة اصلى 130 جنيه
فلتر هواء كورى 45 جنيه (ملقتش الاصلى)
فلتر بنزين اصلى 135 جنيه
والتيل الخلفى مهندس هانى جابهولى
و تم تربيط العفشة و تنضيف فلتر التكيف و السربنتينة و غسل الموتور واى حاجة العربية كانت محتجاها عملها من غير ما اقوله و كمان عملى خصم نايل موتورز و كمان لاقيته بيقولى فى ضمان على الصيانة
و الحمدلله العربية اداءها بقه احسن بكتير عن الاول
وشهادة لله المهندس هانى قمة فى الاحترام و الزوق و امين جدا على شغلة