-
حااادث الييم
الماروتي اتقلبت بيا وانا راجع من الشغل واتنطرت من الزجاج الامامي ... الحمد لله غرز في الوجه والضهر والكف ...العربيه راحت الورشه انا لسه مشوفتهاش لكن السمكري بيقول انها جابت نص امامي بابين وكبوت ورفارف وفوانيس وشبكه .. انا حزيييين جدا جدا لكن الحمدلله كتيييير اني لسع عايش لان الحادث فظيع ... لكن ياتري في حد مر بالظرووف دي قبل كدا والاسعار كام والمصنعيه ممكن تخش في كام
-
ياسيدى الف الف حمد الله على سلامتك اولا واخيرا وان شاء الله تقوم بسرعه .. انا متاسف انى اسالك السؤال ده فى الظروف دى بس ياترى الحادث تهور منك ولا عيب عربيه لان انا معايا ماروتى برضه ؟؟
وبالنسبه للعربيه مشرفى المنتدى حيفيدوك بكل اللي انت عايز تعرفه ان شاء الله
والف سلامه مره تانيه
-
اللي حصل اني كنت بفادي قطيع خرفان ظهر ادامي فجاه فخدت غرزه ولم انتبه ان الطريق علي رمال خفيفه فالعربيه عومت مني ودخلت بين شجره وعمود نور انا اتنطرت برا الزجاج الامامي ومصورتهاش نقولني عالمستشفي شويه رضوض وخدوش وغرز في الوجه والكف الايمن والضهر
-
العربيه بقسي اتقلبت علي الجانب الشمال بتاعي
-
السوال لو قولت محتاج بابين امامي وكبوت ورفرفين وشويه وتابلووه كامل مثلا بالمصنعيه والدهان تتكلف كام ؟
-
1000 سلامه عليك وان شاء الله تقوم بالسلامه وفداك 100 عربيه
-
الحمد لله انك سليم و بخير
قدر الله و ما شاء فعل
مش مهم العربية المهم انك سليم
-
حمد الله على السلامة
قدر الله وماشاء فعل
ابقى اربط حزام الأمان
-
ألف سلامة عليك وربنا يعوضك خير ان شاء الله
-
الحمد لله على السلامة ده اولا...
ثانيا بالنسبة لتصليح العربية محتاجين صور عشان نقيم الوضع ونشوف هل التصليح مجدي ولا البيع افضل والطلوع باقل الخسائر....
تحياتي
Sent from my LT18i using Forum Runner
-
الف الف سلامه عليك وربنا يعوضك خير
وفداك ميه عربيه بسي هيا محتاجه نص ولا ببان ورفارف القوانيس والكلام ده سهل مش قصه
وان شاء الله المشرفين يفيدوك اكتر في الاسعار
-
-
هي محتاجه نص امامي .... الموتور كويس والنص الخلفي ولا خدش الجانب الايمن الامامي كويس لكن الشمال مدمر ... العربيه جديده ... وعاوز اعرف نص امامي وتابلوه يكلف كام ... الفرش وكله سليييم
-
لعله خير مادام انت كويس كله فداك
-
الف سلامه عليك وان شاء الله بسيطه
-
-
يا رب ياساتر ... الف حمد لله على سلامتك... المهم انك بخير.... وَعَسَى أَنْ تَكْرَهُوا شَيْئ وَهُوَ خير لَكُمْ
مش بعيد يكون لك خير في الحادث ده ، وربنا يديك افضل منها بأذن لله
ولازم فعلا تحدد هل تصليحها هايجي بفايدة ولا بيعها افضل.
تحياتي :)
-
الف حمدلله علي سلامتك .... متفكرش في العربية , اهم شئ سلامتك و فداك مليون عربيه
بالنسبه للتصليح ف خلينا نشوف صور زي ما قالك دكتور حازم و هتشوف الحسبه تدخل في كام
-
الف حمد الله على سلامتك - قدر الله و ما شاء فعل .. بس معلش من غير زعل اكيد الحزام له اهميته ف موقف زي ده ..انا قصدي حزام الأمان طبعا لأنه كان هيمنع اندفاعك من الزجاج و بالتالي كانت هتقل اصابتك جدا ان لم تكن لا شيئ - عموما الحمد لله وقدر الله و ما شاء فعل و انا عن نفسي مش هسوق من غير حزام تاني
-
لاحولا ولاقوة الا بالله
الف سلامه عليك مهم انك بخير مش مهم عربيه قدر الله وماشاء فعل فداك
يعنى سمكري قالك متنفعش تانى لازم نص اصلك بتقول ماتور وحوض سليم يبقى عايز نص ليه..؟
انت كدة عايز جنب شمال رفرف وبابين ومعهم كابوت وشبكه وفوانيس وتبلوة وكصدام بس وودول
موجودين اكيد عند ميدو سوزوكي والاسعار معرفش دلوقتي ممكن تساله فى جروب بتاعه ع فيس؟
-
كتت من فترة عند سوزوكى سنتر و لقيت عنده كبوت و رفارف امامية فابريكة
تقريبا على ما اتذكر كان الكبوت ب 250 و الرفرف الواحد ب 150
و بيبقى واخدين لون البطانة بتاع الدوكو و بيترشوا على طول من غير معجون حتى
و انا بعتلك على الخاص نمر و عناوين تجار الاستيراد علشان تسأل عندهم
و على حد علمى ان العربية بتحتاج نص امامى او خلفى فى حالة ان الجزء الامامى او الخلفى من الشاسية اتعجن و مش يترد حتى لو استخدم زرجينة
يا ريت تبعتلنا صورة علشان نقدر نقيم الوضع الحالى و نفيدك
و حمدلله على سلامتك
-
-
الف سلامة عليك يارب الحمدلله انك بهير
-
لا حول و لا قوة الا بالله
الف حمد لله ع السلامة و ربنا يعوض عليك
بس قبل ما تتخذ اي اجراء يا ريت صورة للعربية عشان نقولك ايه الافضل و محتاجة ايه
-
الف سلامة عليك
انت اتكتب لك عمر جديد فحافظ عليه
انت محتاج اكثر لسمكرى شاطر
كلمة قالها لى السمكرى قال لى زمان ماكانش فيه باب و لا نص امامى و كنا بنشتغل بايدينا و العربية كانت بتبقى معجونة و نصلحها
-
-
الحمد الله انك بخير
الف سلامة عليك
-
لا حول ولا قوة إلا بالله
الحمد لله على سلامتك
وربنا يخلف عليك
-
Content Relevant URLs by
vBSEO 3.6.0 PL2