جلب مقص m11

**aftr** · 03-06-2013 06:30 PM

جبت جلبتين لكل مقص
2-جلبه مقص بلحه 130 جنيه دول صينى
2- جلبه مقص مدوره 140 جنيه كورى بس الفرق كتير فى الخامه عن الصينى
ياترى السعر مبالغ فيه
سعر المقص بجلب صينى 250 جنيه بدون بيض ميزان
انا كنت نازل اشترى اتنين مقص 500 جنيه صاحب محل قطع الغيار قال انته محتاج مقص ليه انته عامل حادثه قولتله لا الصانيعى قال هات مقصين قال حرام عليك
الصانيعى قال عندك مقص محتاج يستعدل انتو شايقفين ايه ومعادى معاه يو الخميس عشان التركيب اروح عند حد تانى ولا ايه لان هو اللى رشح ان اجيب مقصين جداد
وياترى ياخد كام على التركيب

**abdulhafeez** · 03-06-2013 07:37 PM

اهم حاجة من كل دا
المساعدين اصلا سليمة ولا عمرها قرب يخلص
لانك لو بتغير الجلد علشان في دربكة في العربية من قدام ....... لازم يكون المساعد اصلا تمام والا مش هتحس باي فرق في النتيجة ...... روح العفشة المساعد ... لو المساعدين مش تمام ..... لو غيرت العفشة كلها مش هتحس باي فرق .....

**besso** · 03-06-2013 08:11 PM

ممكن اسأل سؤال
هى الجلب دى بتتشحم قبل ما تتركب؟؟؟

واعراض تلفها ايه؟؟؟؟

**aftr** · 04-06-2013 02:27 AM

المشاركة الأصلية كتبت بواسطة abdulhafeez

اهم حاجة من كل دا
المساعدين اصلا سليمة ولا عمرها قرب يخلص
لانك لو بتغير الجلد علشان في دربكة في العربية من قدام ....... لازم يكون المساعد اصلا تمام والا مش هتحس باي فرق في النتيجة ...... روح العفشة المساعد ... لو المساعدين مش تمام ..... لو غيرت العفشة كلها مش هتحس باي فرق .....

المساعدين لسه مغيرهم فى التوكيل ده انا كان عندى دربكه فى كل حاجه
انا كان عندى مشكله فى العفشه تم تغير
1- علبة دريكسيون
2- مسمارين ميزان رينو تركى
3- بيض مقص
4-- مساعدين
5- جلب مقص ودى كانت اخر حاجه وان شاء الله العفشه تكون تمام العربيه موديل 2010
معايه بقالها 3 سنين ونص وبصراحه كويس قوى على طرق مصر الجميله

**aftr** · 04-06-2013 02:30 AM

المشاركة الأصلية كتبت بواسطة besso

ممكن اسأل سؤال
هى الجلب دى بتتشحم قبل ما تتركب؟؟؟

واعراض تلفها ايه؟؟؟؟

ان شاء الله اركبهم بكره واشوف اذا كان فى تشحيم للجلب او مفيش
الاعراض اللى كانت عندى نقرزه بسيطه مع المطب

**aftr** · 04-06-2013 07:38 PM

بعد فك المقصين كان الجلب مقطوعه من الداخل روحت المكبس وتم تركيب الجديد 40 جنيه
والعفشجى 40 جنيه
بس فى نقر بسيط مع المطبات من عند الدواسه بحسها وانا حاطت رجلى على دواسه البنزين اوالفرامل اموت واعرف من ايه انا قربت اتجنن طيب انا غيرت حاجات كتير بس فعلا احسن من الاول هل الجلب مكنش ليها انها تتغير ممكن اهل الخبره اللى معاهم اسبرانزا m11 يعرفونى مشكله ايه

**hemaa_82** · 06-06-2013 03:17 PM

هل بتحس بخرفشة في الدبرياش لو دايس عليه وانت بتلف الدريكسون يمن و شمال علي الاخر و العربية ثابتة علي الارض ؟؟؟؟
خلي حد بتاع زوايا يبص علي دراع علبة الدريكسيون اللي في الشمال ....

**aftr** · 09-06-2013 06:48 AM

المشاركة الأصلية كتبت بواسطة hemaa_82

هل بتحس بخرفشة في الدبرياش لو دايس عليه وانت بتلف الدريكسون يمن و شمال علي الاخر و العربية ثابتة علي الارض ؟؟؟؟
خلي حد بتاع زوايا يبص علي دراع علبة الدريكسيون اللي في الشمال ....

لاياهيما مفيش خرفشه كل الحكايه نقر بسيط جدا مع المطب بحسها وانا حاطت رجلى على الدبرياش او الفرامل اكن حاجه سايبه كده كان واحد بص قال دى الفرامل محتاجه تربيط هل كلامه صح بس خلانى ادخل جوه العربيه وقال هو ده الصوت وكان فعلا هو قال دى محتاجه شوية تربيط بس
وفى حاجه كمان ياهيما لاحظت فيشه سمرا وفيشه بيضا نتايه نازله من عند ناحية الردياتير لاخر الشبكه اللى تحت ياترى دول ايه لان حاولت اشوف ليهم مكان مفيش خالص