الموضوع: هشد الفليشيا من الالف للياء وطالب النصيحه !!!

السلام عليكم ورحمة الله وبركاته

رجاله اسكودا عاملين ايه ؟؟ يارب الكل يكون بخير

عارف انى نقصر الفتره الكبيره اللى فاتت بس ده لانى كنت فى طحن شغل وخرجت منه على الامتحانات
فتقبلوا اعتذارى

ان شاء الله بعد الامتحانات هشد العربيه كلها

1 - ميكانيكا - عفشه
هوديها للميكانيكى بتاعى يراجع على كل حاجه فيها ولو فى حاجه محتاجه تتظبط يعمل اللازم (الاسطى حماده بتاعى امين وكويس جدا بنتعامل معاه على حوالى 5 عربيات وفى عشره بينا وبينه )

2- الكهرباء
الاسطى حامد الكهربائى اللى جنبه هو بصراحه انا مش بثق فيه اوى بس هوديله العربيه واقعد على ايده يراجع على كل حاجه فيها برده ويظبط الدنيا

3 - الكاوتش والجنوط
ان شاء الله هجيب 4 جنوط و 4 فرد كاوتش جداد بس لسه مقررتش النوع والمقاسات

4 - السمكره والدوكو
معرفش سمكرى كويس ولا بوهيجى كويس فاعاوز اعرف حد فى الحرفيين كويس

هل الكلام اللى انا بعمله ده صح ولا بخرف

ولو حابيت احسن اداء العربيه ايه اللى ممكن اعمله ؟؟؟

تحيـــــــاتى