ارجوا الافادة يا جماعة اشتري صنى الجديدة السوبر صالون
السلام عليكم و رحمة الله
باختصار يا جماعة انا محتاج مساعدتكم لأني انا عايز اشتري عربية تكون عائلية و اتو و لما دورت في حدود امكاناتي لقيت ادامي 3 عربيات الصني السوبر صالون و الاوبترا و البرسونا بس محتاج من حضراتكم تنقلولي خبرتكم بخصوص الاتي:
1- اسعار قطع الغيار و توافرها سواء بالتوكيل او بره و مش مهم تكون القطع الاصلية و لو ممكن تقولوي اسعار بعض القطع دي
2- اعادة البيع كسعر و سهولة في البيع
انا مرتاح للصني بسبب الاوبشنز اللي فيها اللي مش متوفرة في الاوبترا زي الاير باجز و الجنوط و الارتفاع و الفرامل ال abs الفرق في السعر 3000 جنية بس و نفس الحاجات متوفرة في البرسونا بس عيبها انها ضيقة من جوه لكن المشكلة في النقط اللي قلتها دي لأن تكلفة الصيانة و قطع الغيار مهمة جدا بالنسبالي و انا عايز استفيد من حضراتكم لأنكم ممكن تقولولي على حاجات انا ممكن ما اكنش واخد بالي منها في المقارنة ولكم جزيل الشكر
