كوري ياباني اوروبي ...الزم حدودك واعرف انت بتكلم مين

**speed_magnum** · 03-06-2013 10:29 PM

هو ممكن الكوري يكون اقل سيكا من الياباني والالماني
وخصوصا في الثبات
لكن عربيات حلوة ومشاكلها قليله
اديك مثال
الانترا الجديده
هي ثباتها ضاااااايع وفراملها سيئه جدا
لكن عندك تسارع وتكييف وجمال وشياكه وفتيس ست سرعات ما سمعناش عن اي مشاكل فيه
...
خد عندك
كورولا 2008 مشاكل في الفتيس وسحب السيارات
اوبل فكترا 2008. مشاكل بالفتيس
فولكس ... مشاكل بالفتيس
نيسان صني 2012 مشاكل بالفرامل
رينو ميجان مشاكل حساسات وشريطة الاير باج
......
طب احكم انت
لما شركات كبيرة بالعراقه دي تعمل عربيات فيها مشاكل بالطريقه دي
وسعر اعادة بيعها يقع في الارض يبقى تسميه ايه ؟؟؟؟؟

انا لست من ملاك الكوري ولا احبه
ولكنني اكره التعصب

**hamaka** · 03-06-2013 11:09 PM

المشاركة الأصلية كتبت بواسطة WessamRaafat

الكوري مش معمر....هات عربية كوري بقالها 10 سنين كدا و قوللي حالتها أيه
أظن الفرق واضح هنا...هيا عربية بتاعة وقتها
هيا بتحافظ على سعرها في الأول لكن بعد 5 سنين بتقطم قطمة جامده

كلام مظبوط جداً....

**youssef_u** · 04-06-2013 01:36 AM

المشاركة الأصلية كتبت بواسطة speed_magnum

هو ممكن الكوري يكون اقل سيكا من الياباني والالماني
وخصوصا في الثبات
لكن عربيات حلوة ومشاكلها قليله
اديك مثال
الانترا الجديده
هي ثباتها ضاااااايع وفراملها سيئه جدا
لكن عندك تسارع وتكييف وجمال وشياكه وفتيس ست سرعات ما سمعناش عن اي مشاكل فيه
...

معلش عندي تحفظ في النقطة دي ، لما انا ابقا راكب نيو النترا ب ١٦٠ الف جنيه و ماشي بسرعة ١٠٠ و فجأة حصل ادامي حادثة!! اجي اقول انا عملت حادثة عشان الفرامل وحشه بس عندي فتيس ست سرعات!!

مهو بسبب الثبات و الفرامل هخسر العربيه اللي انا جيبها ب ١٦٠ الف

تحياتي لحضرتك

**devil_storm** · 04-06-2013 08:37 AM

المشاركة الأصلية كتبت بواسطة speed_magnum

هو ممكن الكوري يكون اقل سيكا من الياباني والالماني
وخصوصا في الثبات
لكن عربيات حلوة ومشاكلها قليله
اديك مثال
الانترا الجديده
هي ثباتها ضاااااايع وفراملها سيئه جدا
لكن عندك تسارع وتكييف وجمال وشياكه وفتيس ست سرعات ما سمعناش عن اي مشاكل فيه
...
خد عندك
كورولا 2008 مشاكل في الفتيس وسحب السيارات
اوبل فكترا 2008. مشاكل بالفتيس
فولكس ... مشاكل بالفتيس
نيسان صني 2012 مشاكل بالفرامل
رينو ميجان مشاكل حساسات وشريطة الاير باج
......
طب احكم انت
لما شركات كبيرة بالعراقه دي تعمل عربيات فيها مشاكل بالطريقه دي
وسعر اعادة بيعها يقع في الارض يبقى تسميه ايه ؟؟؟؟؟

انا لست من ملاك الكوري ولا احبه
ولكنني اكره التعصب

ثبات ايه اللي ضايع و فرامل ايه اللي سيئه!!! مع احترامي لسعتك انا لما سوقت الالنترا اعلي فئه كنت ماش علي ١٨٠ و باخد غرز علي السرعه دي و العربيه كانت في منتهي الثبات!!! لعلمك هي اثبت من معظم الياباني اللي بتكلم عليه ذي لانسر بومه - تويوتا كورلا- نيسان صني- نيسان تيدا و فراملها بال abs اقوي منهم كلهم و بفارق كبير كمان
الالنترا الفولي لودد بعد تجربتها لمدة شهر كامل هي و اختها الرائعه السيراتو اقدر اقول انهم افضل بمراحل من كل الياباني بما فيهم السيفك ذات الخامات الرديئه و الشكل السيئ و الصالون الضيق و الكماليات المعدومه

**aly_hosny** · 04-06-2013 08:46 AM

المشاركة الأصلية كتبت بواسطة youssef_u

معلش عندي تحفظ في النقطة دي ، لما انا ابقا راكب نيو النترا ب ١٦٠ الف جنيه و ماشي بسرعة ١٠٠ و فجأة حصل ادامي حادثة!! اجي اقول انا عملت حادثة عشان الفرامل وحشه بس عندي فتيس ست سرعات!!

مهو بسبب الثبات و الفرامل هخسر العربيه اللي انا جيبها ب ١٦٠ الف

تحياتي لحضرتك

انا شوفت الموقف دا بعيني
كانت الانترا جديدة و كانت اول فئة اوتوماتك و كان ماشي على سرعة بين 140 ل 150 و للاسف شكله مكنش سواق كويس لانه دخل ياخد غرزة من اليمين قبل ما يشوف اليمين فيه ايه و كان في عربية تريلا راكنة و مكنش قدامه غير انه يضرب فرامل
و من ال انا شوفته الفرامل جيدة جدا لانه بالسرعة دي و تريلا و المسافة قدامه متزيدش عن 15 متر في اقصى تقدير و مفيش واحد في العربية اتخربش

المشاركة الأصلية كتبت بواسطة wessamraafat

الكوري مش معمر....هات عربية كوري بقالها 10 سنين كدا و قوللي حالتها أيه
أظن الفرق واضح هنا...هيا عربية بتاعة وقتها
هيا بتحافظ على سعرها في الأول لكن بعد 5 سنين بتقطم قطمة جامده

امال اللانوس والبرايد و غيرهم من موديلات التسعينات بتبيع للغاية دلوقتي و اعلى سعر اعادة بيع وبقالها فوق ال10 سنين ازاي ؟

**hamaka** · 04-06-2013 12:40 PM

المشاركة الأصلية كتبت بواسطة aly_hosny

انا شوفت الموقف دا بعيني
كانت الانترا جديدة و كانت اول فئة اوتوماتك و كان ماشي على سرعة بين 140 ل 150 و للاسف شكله مكنش سواق كويس لانه دخل ياخد غرزة من اليمين قبل ما يشوف اليمين فيه ايه و كان في عربية تريلا راكنة و مكنش قدامه غير انه يضرب فرامل
و من ال انا شوفته الفرامل جيدة جدا لانه بالسرعة دي و تريلا و المسافة قدامه متزيدش عن 15 متر في اقصى تقدير و مفيش واحد في العربية اتخربش

امال اللانوس والبرايد و غيرهم من موديلات التسعينات بتبيع للغاية دلوقتي و اعلى سعر اعادة بيع وبقالها فوق ال10 سنين ازاي ؟

يا باشا 10 سنين دول مش مقياس لعمر عربية ، ده مقياس عمر بوتاجاز ، دى الغسالات بتعيش 15 سنة و ساعات أكتر لو اتحافظ عليها ، احنا بنتكلم فى عربيات موديلات تمانينات و أوائل تسعينات و لحد الوقت الحالى حالتهم أحسن من حاجات كورى 2003 و مفيش كورى قديم يسد معاهم على الطريق (الا بعض الموديلات اللى ممكن تتفوق Top speed نظراً لجودة الموتور و خفة وزن العربية ، لاكن مش هتتفوق فى الثبات أو الأمان) ، يا باشا دى البيجو 504 و لا الفيات 128 ، 131 ، 132 موديلات سبعينات و أوائل تمانينات لسة ماشيين فى الشارع و بيتباعو فى سوق المستعمل و دول موجودين من قبل ما كوريا تفكر تصنع أى حاجة أصلاً ، و تانى بنقول كوريا اتطورت جداً فى فترة بسيطة و لهم الاحترام بس لسة شوية عشان نقول انهم فى مستوى أساتذتهم ، لأن ببساطة من أهم أسباب التطور الكورى فى الفترة الصغيرة هو التعليم على يد الأمريكان و الأوروبيين و اليابانيين و نقل التكنولوجيا منهم ، لما تبقى كوريا تخترع حاجات جديدة زى الباقيين نبقى نقول التلميذ تفوق على أستاذه...

**WessamRaafat** · 04-06-2013 04:54 PM

1- الكوري مش معمر فعلا و العربية الكوري اللي عاملة أكتر من عشر سنين بتحس أنها من السبعينات أو خارجة من حرب لأن الخامة الرخيصة مابتعش كتير ، المعمر هوا اللى بيورث من جيل لأخر مع عدم فقد الكثير من رونقه
2- اللي يقول الكوري ثباته أو أمانه أعلى من الأوروبي أو الياباني يبقى مع أحترامي مركبش عربيات
3- بيعجبني في الكوري مواتير الهيونداي و التكييف عموما ، لكن أي حاجة تانية في الحمادة
4- الكوري كنا بنشتريه عشان أقتصادي لكن دلوقتي!!
5- لما يبقى كويس حنقول أنه كويس....بس الواقع أنه لسا قدامه شوية

لكن لازم نرفع القبعة للتسويق و المبيعات و الدراسة الممتازة للسوق ...اللي خلتهم يناطحوا الكبار مفيش كلام

**michohat** · 04-06-2013 05:20 PM

يا جماعه لما يكون عندنا طرق محترمه نمشي عليها ساعتها نقول ثبات وتسارع
احنا اخرنا نمشي بسرعه 80 ونحمد ربنا ان الزحمه والطرق شيلانا

**ashouhdy** · 04-06-2013 05:25 PM

انت سعيد ان كلة تجاهل السوق العالمي والترتيبات العالمية ومازال مصمم ان الكورى حاليا وحيش

شوفوا ربنا يكرمنا ب 190الف
انا مثلا حروح اجيب السيراتو الجديدة التوب لاين ام ليدات و4ايرباج وكل انواع الامان وموتور 140 حصان وبتقول بابا وماما

وانتم بقي هاتوا سيفيك فاضية اول فئة بموتور ميت ويدوبك تاخد 2 ورا علي الكنبة
او جيتا بفتيس dsg المانى فاضية برضوا وتجيب فتيس فى اول 2000كيلو

واتمتع انا بال5سنين ضمان وسعر اعادة بيع ممتاز واقعدوا اوهموا نفسكم انتو ان العربيات اللى اخترتوها بعد ال 10سنين حتبقي 100 100 و احتمال انها تاخد ملف علي 190 فى وجود بقعة زيت وحبة هواء يمين يبقي احسن من السيراتو :))))))

اصل انا بحب السوق العالمي وبحترمة وحمشي وراة :)))

Sent from my GT-N7100 using Forum Runner