افتراضي محتاج اتأكد من حاجة بسيطة بخصوص النيو سيراتو 2013

**برنس الليالي** · 03-06-2013 09:28 PM

السلام عليكم ورحمة الله وبركاته

إذا سمحتم يا شباب انا محتاج بس اتأكد من حاجة بسيطة ..

انا من معجبي النيو سيراتو 2013 جداً بسبب شكلها الشبابي وامكانياتها الكتيرة

بس في حاجة محتاج اتاكد منها .. اثناء تصفحي احد المواقع لقيت ان في ناس كاتبة عنها حاجات سيئة للغاية

ودا إقتباس من اللي كان مكتوب :

صوت المحرك مزعج خاصة على السرعات العالية.
صوت احتكاك الاطارات بالطريق عالى و عموما العزل ليس على المستوى المطلوب.
المقاعد صلبة جدا مما يسبب احساس عالى بالطريق و قلق للركاب.
التعليق الخلفى صلب جدا مما يسبب شعور بعدم الراحة خاصة للراكب فى المقعد الخلفى.
عزم المحرك ضعيف بعض الشىء فى السرعات العالية.
الجزء الخلفى ضيق بعض الشىء

هو الكلام دا مظبوط يا جماعة ؟؟ حاجة غريبة جداً مع ان الناس اللي جربوها قالو كلام غير دا بتاتااااااااً

ودا اقتباس من الناس اللي جربتها :

الأفضل في قوة المحرك (جميع محركاتها 1.6 و 2.0)
الأفضل في الإقتصادية في إستهلاك الوقود ( 6.84 لتر/100 كم)
الأفضل في التسارع (11.6 ثانية)
الأفضل في التوقف من 100 إلى 0 (42.4م)
الأفضل في الجودة
الأفضل في تقييم السلامة من منظمة nhats و iihs و ncap (حصلت على تقييم 5 نجوم)
الأفضل في مساحة الداخلية
الأفضل في التقنيات المتطورة
الوحيدة التي تحتوي على ذاكرة لحفظ وضعية المقاعد
الوحيدة التي تحتوي على نظام تهوية المقاعد
الوحيدة التي تحتوي على نظام الترحيب (تقوم بإشعال أنوار تحت المرايا الجانبية وعلى مقبض الباب)

اتمنى بجد من الناس اللي جربتها انهم يساعدوني ويقولولي ايه اللي مش عاجبهم في العربية او عيوبها بمعنى اصح ... والف شكر مقدماً
والسلام عليكم

**Hosam_Optrawy** · 04-06-2013 02:06 PM

صوت المحرك مزعج خاصة على السرعات العالية.
صوت احتكاك الاطارات بالطريق عالى و عموما العزل ليس على المستوى المطلوب.
المقاعد صلبة جدا مما يسبب احساس عالى بالطريق و قلق للركاب.
التعليق الخلفى صلب جدا مما يسبب شعور بعدم الراحة خاصة للراكب فى المقعد الخلفى.
عزم المحرك ضعيف بعض الشىء فى السرعات العالية.
الجزء الخلفى ضيق بعض الشىء

ولا حاجه من دول مظبوطه

**khaabas** · 04-06-2013 09:42 PM

عزم المحرك ضعيف وصوته مزعج ههههههههههههههههههههههع اكبر نكته سمعتها
يا باشا توكل على الله لو ناوى عربية حلوة جدا

**برنس الليالي** · 05-06-2013 08:50 PM

طيب ايه نظام السفر ؟ مريحة في السفر ولا الأحسن قشقاي ؟

**khaabas** · 05-06-2013 09:28 PM

يا برنس قشقاى ايه بس
انتا برنس يعنى سيراتو :)

**برنس الليالي** · 06-06-2013 03:18 PM

المشاركة الأصلية كتبت بواسطة M.Akef

انا اتفرجت علي العربيه و هي شيك جدا و اكيد مش هتبقا اقل من الموديل الي قبلها
لكن مش هدفع 148 الف في عربيه كوري بالزات الالمان و الفرنسيين بيخدو الفلوس دي عشان جودت عربيتهم عاليه انا هدفعها في عربيه كوري ليه ؟!

السيراتو يا استاذ اعلى فئة الجديدة سعرها 196 الف عشان دي عربية مصروف عليها جامد مش حكاية كوري وياباني

دلوقتي الكوري مبيتخفش منه دا خلاص غزا العالم مواصفات ميكانيكية واوبشنزز عاليين جداً والسيراتو الجديدة غلبت كل العربيات في فئتها السعرية

صباح الخير

**a7mad_707** · 07-06-2013 12:34 AM

مفيش حاجه من الكلام دا صحيح انا معايا العربيه ومكنتش متوقع انها هتطلع حلوه كدا

**M.Akef** · 07-06-2013 05:49 AM

المشاركة الأصلية كتبت بواسطة برنس الليالي

السيراتو يا استاذ اعلى فئة الجديدة سعرها 196 الف عشان دي عربية مصروف عليها جامد مش حكاية كوري وياباني

دلوقتي الكوري مبيتخفش منه دا خلاص غزا العالم مواصفات ميكانيكية واوبشنزز عاليين جداً والسيراتو الجديدة غلبت كل العربيات في فئتها السعرية

صباح الخير

يا باشا انا معايا سيراتو ولله :(
انا بتكلم عن اول فئه فيها ب148 و تقييمي ان حتي مع كل الامكانيات دي مفيش جودت تصنيع زي الالماني ولا ثبات زي الالماني يبقا ازاي تبقا في نفس الفئه السعريه !!
ابل كدا كانت منافس عشان سعرها كان منافس لكن دلوقتي اتساوت الرؤس فطبعا عمري ما هفكر فيها بالسعر ده لان معادله سعر مقابل قيمه انعدمت