مشاكل كتير عندى فى ال28 حد يساعدنى تكسبوا ثواب

**mostafaghidan** · 23-08-2008 05:26 PM

انا معايا 128 موديل 79 ومش بعمل بيها مشاوير جامدة علشان محافظتى صغيرة ومبطلعهاش براها بس عندى شوية مشاكل مش عارف لها حل
اولا : مؤشر البنزين مش شغال رحت مغير العوامة وبيجربها قبل ما يركبها تشتغل وبعد ما تركب ما تشتغلش رحت مغيرها تانى بعد ما قالولى ان العوامة الجديدة انت وحظك ممكن تشتغل وممكن لا بردة حصل نفس الموضوع ومش شغالة وانا دلوقتى بمشى ومعايا جركل بنزين فى الشنطة علشان لما يخلص البنزين ما اقعدش اعيط على الطريق
ثانيا : اول ما بحط بنزين فى العربية بفضل شامم ريحة البنزين لمدة 3 او 4 ايام بعديها ومش عارف السبب منين
ثالثا : انا قاسيت الامرين من البطارية والدينمو لان البطارية كل فترة تنام فأروح لبتاع البطاريات يقولى العيب من الدينمو فأروح للكهربائى يقولى الدينمو زى الفل العيب من البطارية لما اتخنقت
يا ريت حد يقولى اعمل ايه يا جماعة لحسن انا اتخنقت والدنيا مش مظبطة معايا ومش ناقص كمان مشاكل العربية لحسن ممكن اولع فيها واولع فى نفسى معاها

**ahmed1981** · 23-08-2008 11:09 PM

الواضح أن المشكلة عندك في الصنايعية الذين تتعامل معهم
عليك أول بتغييرهم فوراً

المشاركة الأصلية كتبت بواسطة mostafaghidan

اولا : مؤشر البنزين مش شغال رحت مغير العوامة وبيجربها قبل ما يركبها تشتغل وبعد ما تركب ما تشتغلش رحت مغيرها تانى بعد ما قالولى ان العوامة الجديدة انت وحظك ممكن تشتغل وممكن لا بردة حصل نفس الموضوع ومش شغالة وانا دلوقتى بمشى ومعايا جركل بنزين فى الشنطة علشان لما يخلص البنزين ما اقعدش اعيط على الطريق

يعني بيوصل العوامة بره تشتغل
يركبها متشتغلش
يبقى العيب في الكهربائي مش عارف يوصل الأسلاك مع الأرضي
الحل روح لكهربائي آخر

المشاركة الأصلية كتبت بواسطة mostafaghidan

ثانيا : اول ما بحط بنزين فى العربية بفضل شامم ريحة البنزين لمدة 3 او 4 ايام بعديها ومش عارف السبب منين

هناك خرطوم صغير داخل الشنطة بجوار فتحة التانك ولكن من الداخل
هذا الخرطوم فائدته هي تنفيس التانك
ولذلك قد يخرج منه بعض البنزين داخل الشنطة أثناء التموين والتفويل
لذلك أنصحك تضعه داخل زجاجة فارغة وتلزق حواليه من فتحة الزجاجة مع ترك نفس

المشاركة الأصلية كتبت بواسطة mostafaghidan

ثالثا : انا قاسيت الامرين من البطارية والدينمو لان البطارية كل فترة تنام فأروح لبتاع البطاريات يقولى العيب من الدينمو فأروح للكهربائى يقولى الدينمو زى الفل العيب من البطارية لما اتخنقت

لو الدينامو عند قديم ويعمل بكتاوت خارجي هات دينامو إستيراد بكتاوت داخلي يكون 55 أمبير على التجربة
وركبه وتابع البطارية
وروح لكهربائي كويس يحدد المشكلة من البطارية ولا الدينامو

**mig44n** · 24-08-2008 04:04 PM

+10000

المشاركة الأصلية كتبت بواسطة ahmed1981

هناك خرطوم صغير داخل الشنطة بجوار فتحة التانك ولكن من الداخل
هذا الخرطوم فائدته هي تنفيس التانك
ولذلك قد يخرج منه بعض البنزين داخل الشنطة أثناء التموين والتفويل
لذلك أنصحك تضعه داخل زجاجة فارغة وتلزق حواليه من فتحة الزجاجة مع ترك نفس

وفى حاجة برده اسمها كوعة البنزين هتلاقيها اسفل الماسورة بتاعت فتحت التانك والكوعة دى على مااعتقد بتكون واصله للتانك...
ودى ساعات بترشح بنزين (بترشح مش بتنقط) علشان كده ممكن تشم ريحه بنزين واتاكد برده ان الكربراتير مظبوط وكمان فلاتر البنزين والافايز الى رابطه الفلاتر بالخراطيم بتاعت البنزين....

**banboty** · 24-08-2008 04:44 PM

رائحة البنزين ليها كذا سبب

ممكن طبعا الكوعة تكون قديمة و متشققة ( اللى رايحة للتانك من تحت)
ممكن خراطيم البنزين اللى بتاخد من التانك او من الراجع بتاعه
او إفزان الفلتر / افزان طرمبة البنزين
التانك مخروم
جوان العوامة اللى متركب في التانك جوه الشنطة وخاصة بتقول انك فكيت كذا مرة العوامة علشان تغيرها

**mostafaghidan** · 25-08-2008 05:53 PM

انا متشكر اوى يا جماعة على الردود وان شاء الله هغير الصنايعية البهايم اللى معايا وهاخد بالى من الملاحظات ديه
ربنا يجازيكم كل خير ، وكل سنة وانتم طيبين

**kokolata3000** · 11-11-2008 11:50 PM

للاضافة الخرطوم دة اسمة خرطوم الفايظ ممكن يكون سليم فى حد ذاتة بس اللى ركبة
ركبة غلط (الصنايعى الشاطر ما يركبهوش بالليل ابدا). كمان شوف بستم العوامة ممكن
يكون ضعيف . وعموما اغلبية الجديد فى السوق منها مضروب