السلام عليكم ورحمة الله وبركاته
بعد التحية الرجاء افادتى ايها الاعضاء الكرام
عن فائدة محور سعد الدين الشاذلى الجديد
من غير تريقة لانى من محافظة الدقهلية
وايه فايدته لو انا جاى من اسماعيلية الصحراوى يعنى يودى فين؟؟؟؟
عرض للطباعة
السلام عليكم ورحمة الله وبركاته
بعد التحية الرجاء افادتى ايها الاعضاء الكرام
عن فائدة محور سعد الدين الشاذلى الجديد
من غير تريقة لانى من محافظة الدقهلية
وايه فايدته لو انا جاى من اسماعيلية الصحراوى يعنى يودى فين؟؟؟؟
نفس السؤال برده علشان محدش يتريق علينا احنا الاتنين
لو انت جاي من طريق اسماعيلية و رايح المطار او مدينة نصر او الجيزة او حتى طريق اسكندرية الصحراوي او الزراعي و خدت محور الشاذلي ............. هتوفر على نفسك اكتر من ساعة ونص لساعتين في المسافة من العبور لحد موقف العاشر او لحد المطار
ببساطة شديدة بدل ما كنت علشان توصل من طريق إسماعيلية أو العبور لمدينة نصر أو مصر الجدية و كان لازم تلبس زحمة موقف العاشر و تعدى على شارع جوزيف تيتو (السندباد) ... المحور بيطلعك على الدائرى و منه تروح مصر الجديدة عن طريق الثورة و مدينة نصر عن طريق عاشر مدينة نصر أو محور المشير طنطاوى
أه هينزلك على الدائرى و من هناك عندك كذا حل يا أما تنزل طريق السويس فى إتجاه شارع الثورة و بعدين تاخد الاوتوستراد من عند النادى الأهلى يا إما تنزل زهراء مدينة نصر و منها على سوق سيارات العاشر و كمل زى ما إنت عاوز يا إما تنزل محور طنطاوى و ده ينزلك على الوفاء و الأمل و عاشر مدينة نصر ناحية إنبى كده
طيب لو عايز اروح سيتى ستارز عن طريقه اروح ازاى
خفف الضغط على طريق الاسما عليه بطريقه رهيبه
فين وحوش القاهرة
حضرتك هتطلع من اسماعيليه الصحراوى عند العبور على المحور و هتمشى لاخره و خلى بالك ان اخره فى ملف عنيف و تنزل على الدائرى ... تمشى شويه و تعدى مدخل المطار و بعديه ب 500 متر نزله يمين لالماظه تنزلها و تخلى بالك اخرها فى مطب عنيف برضه :)
هتكمل فى اتجاه الماظه و تطلع كوبرى الجيش و تكمل و تعدى من تحت كوبرى الاوتوستراد هتلاقى دار المدفعيه على شمال تاخد يوترن و ترجعلها ...
لو سيتى ستارز او دار الاشاره تفوت اول يوترن و تاخد اللى بعدها و ترجع تلاقى دار الاشاره على ناصية الشارع اللى بيوديك سيتى ستارز
و لو رايح شيراتون يبقى قبل كوبرى الجيش تخش يمين على وصله تنزلك على الاوتوستراد ناحية صن سيتى مول و تلف من اول يوترن (بعيد شويه) و ترجع تخش شيراتون من ورا
معلش انا كمان عاندى سؤال
لو انا جاى من طريق اسماعيلية وعايز اروح روكسى او وسط البلد،الافضل اكمل طريق موقف العاشر السندباد صلاح سالم،ولا اطلع المحور وانزل نزلة السويس؟
وشكرا
لو روكسى ممكن تنزل نزلة السويس و تكمل فى الثورة لحد أخره و تنزل النفق اللى عند تقطع الثورة مع صلاح سالم هتبقى فى الكوربة
لو وسط البلد (رمسيس و تحرير ) مش هتنزل النفق هتطلع على صلاح سالم تاخد أول U-Turn و تكمل فى صلاح سالم فى إتجاه عمارات العبور على طول و منه على كوبرى أكتوبر
خد شوف الفيديو ده هتلاقي كل طلباتك
‫محور الفريق سعد الدين الشاذلي‬‎ - YouTube
طيب ال U Turn اللي كانت علي الدائري بعد نفق السلام و كنت بلف منها علشان اروح الاسماعيليه الصحراوي اتقفلت و لا لسه موجوده
طيب على كده يوفر وقت اد ايه لو من اسماعيلية الصحراوى لسيتى ستارز بالمحور بتاع سعد الشاذلى
عن الطريق العادى بتاع جوزيف تيتو
لو الطريق فاضى هيوفر ٥ دقايق بس لو الطريق فى طبيعته و واقف هيوفر من نص ساعه لساعه بس حسب انت جاى الساعه كام لان احيانا شارع الثوره بيكون واقف برضه
اخر سؤال هو فندق الانتركونيننتال سيتى ستارز جمب سيتى ستارز على طول ولا بعيد عنه
لازق فيه و ممكن تخش المول من الفندق و العكس
محور قوى جدا