كنت محتاج اعرف ايه الفرق بين
اوكتافيا a4
اوكتافيا a5
فانتازيا
mpi
عايز اعرف تفاصيل كل نوع وازاى اعرف افرق بينهم :whtauwant:
وايه الفرق بينهم
والاسعار كام
ومين فيهم اوتوماتك وتيبترونك
وايه مشاكل العربيه
وافضل نوع وسنه كام
عرض للطباعة
كنت محتاج اعرف ايه الفرق بين
اوكتافيا a4
اوكتافيا a5
فانتازيا
mpi
عايز اعرف تفاصيل كل نوع وازاى اعرف افرق بينهم :whtauwant:
وايه الفرق بينهم
والاسعار كام
ومين فيهم اوتوماتك وتيبترونك
وايه مشاكل العربيه
وافضل نوع وسنه كام
متابع علشان عاوز اعرف الفروق
ومنتظرين اساتذة القسم لعمل تقرير مفصل مدعم بالصور كما عودونا
أنا ممكن أفيدك بين في الفرق بين الفانتزيا وال a5
- الفانتازيا فوانيسها الأمامية شكلها متغير زي ماحنا عارفين
- فوانيس الفانتازيا الخلفية شالوا الخط الأحمر الفاصل بين نور الفرامل ونور الرجوع للخلف
- الفانتازيا شالوا الشريطة السودا إللي على الإكصدام الخلفي
- الفانتازيا غيروا شكل الطارة والكاسيت والتكييف
- الفانتازيا غيروا إضاءة العدادات
- الفانتازيا البيزلاين بقت بتنزل إجباري بطارة جلد ملتي وبلوتوث وتعتيم وشاشة بيانات بالحجم الكامل وده مكنش موجود في البيزلاين بتاع ال a5
سعر ال a5 يتراوح من 90-120
سعر ال الفانتازيا يتراوح بين 140-200
ال a5 w fantasia نفس الفتيس ال 6 سرعات
اعزرونى لسه برضوا ماستوعبتش
ياريت تشرحوا بالتفصيل بس يكون منظم وبصور
واى نوع افضل واثبت كفائته ؟؟؟؟؟؟؟؟
وياريت تقولولى هل العربيه وانت مشغل التكيف فى عز الظهر فى شهر 6 و7 بتحس بالحر ولا ايه وهل العربيه بتسخن
اصل الجو عندى فى الصعيد زى الخليجى فى الصيف
ياريت تفيدونى فى الموضوع ده قبل ماشترى
وايه حكايه الفيتيس
طيب المشكله فى الفيتيس الاوتوماتك ولا التيبترونك
وايه الفرق بين الاوتوماتك والتيبترونك ( ولو حد ساق عربيه تيبترونك يقولى طريقه الاستخدام )
طيب هو لازم غيار الزيت يكون فى التوكيل ؟؟
يعنى ماينفعشى فى البنزينه ؟؟
اصل الصعيد مافهوش توكيل لاسكودا كل شغال ميكانيكيا
ياريت حد ينصحنى ويفهمنى اعمل ايه واشترى ايه؟؟مش عايز اجيب عربيه وادوخ واتعب علشان غيار زيت او اى صيانه
قبل ما حد يفيدك في الاختلافات لو معندكوش مركز صيانه محترم او ميكانيكي فاهم في الاوكتافيا بلاش من الاول عليمات مش معقول اي حاجه هتنزلها القاهرة واحيانا كثيرة يكون الموضوع بسيط
ياريت حضرتك تقول الحدود السعريه كام علشان نقدر مفيد سيادتك ويبق أش كلام وخلاص بغض النظر عن إمكانيه تنفيذه
شكرا يا Moratozعلى توضيحك
انا من قنا واعتقد ان مافيش ميكانيكيا تفهم فى العربيات اللى زى الاسكودا
والاكيد مافيش اى توكيلات صيانه
ولو فيه حد ميكانيكى مش هايكون بالكفائه اللى فى القاهره والاسكنداريه
اما بالنسبه لحدود الاسعار يعنت من 100 الى 130 الف
ياريت ترشحلى عربيه فى الحدود دى ولو اغلى شويه مافيش مانع بس المهم
اشغل التكيف ابرد فى الجو النار اللى فى الصعيد
قطع غيارها معمره ومجوده وتستحمل الطرق المكسره والمطبات العاليه
ثبات قوى وصاج قوى مش اجيب طفل يقعد على الشنطه الاقيها اطبقت
ماتكنشى غووول بنزين يعنى اقل استهلاك مايقلش عن 190 كيلوا فى للصفيحه
فيها وسائل امان محترمه
لو مفيش صيانه ليها عندكو يبقي بلاش وكنت نرشح لحضرتك الباسات كمان بجانب الفنتازيا بس الاثنين نفس الصيانه بس الاول دور علي مركز صيانه او ميكانيكي فاهم فيها وممكن نخلي ألصيانه الكبيرة في القاهرة
طيب ايه رايك يا Moratoz فى المرسيدس
ناس كتيره رشحتلى مرسيدس زى
زلموكه موديل 1994 (فرخ شبح) E200
او العيون موديل 1996 E200
ايه راى حضرتك فى النوعين دول
فى حاله ان حالتهم جيده وعداد معقول 150 الى 170 الف كيلوا
بس المشكله معرفشى هل استهلاكهم للبنزين عالى ولا متوسط
سمعت ان الزلموكه دى بتعمل 190 الى 200 كيلو لكل 20 لتر
بس العيون معرفشى
ياريت ياباشا تقولى رايك ايه وتعرفنى قبل ماتدبس
بالنسبه للميكانيكى فى 3 تخصص مرسيدس بس مش ماشوفتش عندهم عيون وماسالتهمشى انه بيعرفوا يشتغلوا فى العيون ولا لا ؟؟
شغلهم اللى شوفته زلموكه بمختلف الموديلات
البسات عربيه جميله بس مشكلتها انها بنزين 95
وانا ماعنديش 95
طبعا العيون عربيه جميله ولا خلاف عليها وحاول تجيب موديل عالي منها وممكن تخش قسم مرسيدس وتشوف الدنيا عمله ايه هناك
اه طبعا يا باشا المرسيدس مهما كان برضوا مرسيدس
بس انا معجب بالاوكتافيا ولكن مشكله الصيانه وتغيير زيت الفيتيس (ولازم اصلى وفى التوكيل )
وكمان التكيف بيقولوا انه مش شديد وكمان اعطاله كتيره كل ده خلانى قلقان من انى اجيبها وماعرفشى اتصرف فى الاعطال دى وعلشان اجى القاهره يعنى مسافه 550 كيلوا سفر طبعا علشان اروح اعمل صيانه عايز 1100 كيلوا رايح جاى
لكن هل فعلا اعطالها كتيره مع العلم انى مش من النوع المتهور فى السواقه واللى بيهين العربيه
ياريت تفهمنى ازاى بتتعامل مع الفيتيس الاوكتافيا التيبترونك وليه ناس كتيره بتشتكى منه
طيب تغيير زيت الفيتيس بيتغير عادى فى البنزينه ؟؟
طيب زيت الماتور برضوا فى البنزينه ؟؟
ايه نوع الزيت اللى بيتغير للفيتيس والماتور ؟؟
ازاى يا استاذ هانى القناوى تسمع ان اعطالها كتير وتكيفها وحش واستهلاك بنزينها عالى ومع ذلك عجباك العربيه وكنت حضرتك لسه ماتعرف الفرق بين الايه فور والفايف والفانتازيا ؟!
وبعدين نرتب افكارنا مع بعض ونفكر بصوت مسموع
بس اول حاجه فين العربيه اعطالها كتير حضرتك لو دورت شويه فى القسم ونحن من الاعضاء الموجودين باستمرار نقتنى الاوكتافيا وفين الاعطال ؟ هل الصيانه كل 60 الف كيلو فى التوكيل مشكله كبيره لمالك الاوكتافيا ؟
لو هى كده احنا منحظنا ان عندنا مراكز خدمه منتشره وتقوم بالواجب
طيب نيجى لمشكله الفتيس لو حضرتك اشتريت عربيه سليمه اى كان نوعها وحضرتك كملت بيها واحترمت صيانتها العربيه اى كان نوعها هتعيش معاك بلا مشاكل
لكن لو اشتريت عربيه من واحد اهمل صيانتها (الفتيس مثلا) طبيعى هتشتكى انت وانت من تدفع ثمن اهمال من قبلك
يبقى تشترى عربيه سليمه وتحافظ على صيانتها الدوريه ... بس خلاص
ومن ناحيه الاوكتافيا هى بتمشى 92 عادى واستهلاكها اقل من فئتها فى السعه اللتريه
يعنى انا عامل مشوار 230 كيلو تقريبا وانا رايح معايا فى العربيه ماشاء الله 4 ورا وشايلين طفلين وجنبى واحد ومعاه طفل وانا طبعا والشنطه مليانه على الاخر ومشغل التكييف والسفر كان الساعه 3 والجو ملتهب وانا راجع كنا اتنين فى العربيه من غير تكييف حطيت وانا راجع تقريبا 22 لتر ....... كده كتير ؟
من ناحيه استعمال التيب ترونيك زى اى فتيس مش محتاج منك شىء غير الضغط على دواسه البنزين بعد ماتحت العصايه على ال d وفيه وضع s علشان لو عايز قياده رياضيه وتعفرت العربيه وتعفرت اللى حواليك بالعربيه
بس وبالنسبه للمبلغ 130 يجيب لك ايه فايف 2008 حالتها كويسه
وتحت امرك فى اى سؤال انا معاك لمده ساعتين لانى على سفر ان شاء الله
تغيير زيت الفتيس كل 60 الف كيلو فى التوكيل او مركز خدمه عادى بس بيشتغل اوكتافيا
زيت الموتور اى ميكانيكى او بنزينه هيغيره هو والفلتر
ونوع الزيت فيه ناس بتحب موبيل وناس بتحب الشل
والكل بيشكل فى الكاسترول ايدج
يا استاذ هانى الاوكتافيا زى اى عربيه ببنزينها بزيتها بفلاترها وببوجيهاتها وزى اى عربيه صونتها هتصونك هينتها هتبهدلك بس الاوكتافيا بتتحمل الاهانه شويه والشقاء اكتر يعنى عربيه حماله قسيه بالبلدى
شكرا يا abou-yahia بس الاستهلاك البنزين تقصد 10 لتر لكل 100 كيلوا ؟؟
الاوكتافيا عربيه جميله بس ماعندناش توكيل للصيانه والصنايعيه معرفشى بيفهموا ولا هايعملوا فيها المان ويشتغلونى
زى مانت عارف الصعيد بعيد عن التوكيلات
طيب هو يا abou-yahia المرسيدس مكروه ووحش ولا علشان تمن العربيع غالى ولا علشان يبيعو العربيات الجديده ؟؟
طيب اشمعنه 240 مش 200 فى العيون ؟؟ كده دخلنا فى شريحه اعلى وضريبه 240 واستهلاك بنزين عالى !!؟؟
أكيد يا هاني في مراكز خدمه عندكو او في حته قريبه وبعدين ه ا انتا مش يتشوق اوكتافيا عندكوا في الشوارع مرة وقف واحد واسأله ليعمل الصيانه فين أكيد في حد قريب
شكرا يا abou-yahia على متابعتك
تصدق فكره برضوا يا Moratoz بس ممكن يفتكرونى حرامى او بلطجى بثبتهم ههههههههههههههههههههههههه هههههههه
بس ولو هاجرب الفكره بيتاعتك