الموضوع: رجالة الكوري ( هيونداي ) اجمع هنا

كنا عايزين نوضح بعض الحقائق عن تاريخ هيونداي ومراحل تطورها
كانت شركة فورد الامريكية العريقة هي من ساعدت هيونداي في بداياتها
ثم قامت شركة ميتسوبشي اليابانية بمنح هيونداي تكنولوجيا الكهرباء في السيارات
واخذت الشركة تتعلم وتدرب خبراءها في اليابان وامريكا حتي استطاعت ان تنتج اول سيارة تعمل بالبنزين وبفتيس من انتاجها وكانت هي هيونداي اكسيل عام 1986
ثم ظهرت هيونداي سوناتا عام 1988
وقد ظهرت بالاكسيل مشاكل متعددة ادت الي فشل السيارة في السوق الامريكي
وجائت فترة طويلة من الابحاث لتطوير المواتير والجير بوكس والاعتماد علي النفس والاستغناء عن مساعدة باقي شركات السيارات حتي ظهرت بالهيونداي جينسيس عام 2008
ومن هذا العام بدأت هيونداي بالتقدم بخطوات ثابتة للامام
وتعد الهيونداي جينسيس من افخم السيارات التي صنعتها هيونداي فهي سيارة Sport with Rear - Wheel drive
ومن الانواع الفخمة لهيونداي ( خط الانتاج الفاخر ) الجينسيس – الازيرا – سينينتال
وهذة الثلاثة انواع فقط هي التي تدخل في مقارنة مع الاوروبي او الياباني او الامريكي
ومن الانواع العادية سوناتا - سانتافي – سانتامو – فيلوستر - توسكان
طبعا بالنسبة للسوق المصري هتلاقي العربيات اللي بتنزل هي
اي 10 – اتوس – فيرنا – اي 30 – اكسنت – جيتز – ماتريكس - النترا
والصراحة العربيات ده وخصوصا اللي نازلة مصر لما تقارنها بباقي عربيات هيونداي تحس بالاشمئزاز كانك بتقارن سندوتش فول بمكس جريل
مش عارف هل هم بيستحقرونا ولا المستورد المصري هو اللي بيستحقرنا ولا هو بيستورد عربيات من تحت الكوبري في الصين ويحط عليها علامة هيونداي
او تحس انهم بيبعتوا نفايات المصنع لينا
طبعا عشان لا في رقيب ولا في حماية مستهلك ولا في جمعية للسيارات تدافع عننا ولو حتي برفع رجل كرسي ولا رشة سيلف ديفنس في الهوا
ولما بتوصل العربيات ده مصر يجي دور الوكيل في استبدال كل ما يقع امامه من حاجة حلوة ويقوم منزلك العربية ب 10 او 15 فئة تحس انه بيقلع العربية بمعني اصح ------- فتلاقي العربية اللي بتوصلنا كمستهلك وخصوصا اول وتاني فئة تحس ان ----------------------
فبالنسبة لسوق السيارات المصري لا يفضل ان يزيد سعر السيارات الكوري عن 120000 او 140000 جنية
حتي لا تدخل في شريحة السيارات الاوروبي والياباني
فعند المقارنة ممكن نقارن سيارات الهيونداي الموجودة في مصر مع الشريحة التي تماثلها من الاوروبي مثل البونتو – اللوجان – الصني – بروتون ( ماليزي ) – سيريون – سانديرو – ستروين سي 3 – فابيا – ماروتي – التو – سويفت – سيلاريو بس خلاص
فلا تقارن الالنترا بل لا تجرؤ علي ان تفكر في مقارنة الالنترا مع امبريزا – سيفيك – سيتي – اوكتافيا – استرا – فوكاس – جيتا – فلوينس – كورولا - .........
واللي هيفكر يقارن مش هخش معاه في جدال
هقوله كلمة واحد بس ( كله عند العرب صابون )
ومتقوليش يا بيه دانا بطلع منهم علي الاول يبقي انا اشد عشان معملكش بلوك ( هو في هنا بلوك يا جماعة لحسن ان محتاجة ضروري عشان في ناس كده بتهري في اي كلام والواحد اصلا بينفضلهم وبيفضلوا يهروا بردوا )
كلام علي جنب
الازيرا ده -------- مالهاش حل --------- تحس انك راكب طيارة والعربية واسعة ويمكن تقارنها بالهوندا اكورد والباسات ( طبعا مش اللي عندنا في مصر ) والفورد مونديو والتويوتا افالون وهنا الازيرا هتسد معاهم او هتقل حاجة بسيطة
الجينسيس عربية جامدة بس زنقت نفسها مع U Can Say American Musclesمن خلال الفورد موستانج والدودج تشارجر والشيفو كامارا وان كانت الجينسيس اقلهم كفاءة واعتمادية وقوة
سينينتال عربية شيك كلاسيك
هذة الثلاث عربيات فقط اللي اقدر اركبهم وانا عارف انا راكب ايه بالاضافة الي السوناتا
انما هتيجي تتفشخر بالانواع اللي عندنا في مصر وتفكر تقارن مع الاوروبي هقولك اثبت ودور نفسك مكتب
مش عايز حد يجبلي تقارير من علي النت ويقولي اهه بالدليل الالنترا احسن عربية طبقا للاستفتاء اللي عاملاه المجلة العالمية ( شيل رجلك من علي البدال ) بتفكروني بمرتضي منصور والسي ديهات
اما الهيونداي سانتافي – سانتامو – توسكان
فلا يمكن اعتبارهم عربيات 4*4 او عربيات Off Road لانهم ببساطة عربيات عائلية وغالب ما تركبها السيدات
طبعا الكلام دة كله موثوق فيه عشان بفضل الله ركبت كل العربيات الهيونداي من الجينسيس والازيرا والسوناتا -............ – حتي اي 10
ركوبة سواقة مش ركوبة معارض
وهنا نكون قد اعطينا كل ذي حقا حقة
وقد عرف كل واحد ما له وما عليه
ومش عايز حد يزعل من الموضوع اللي فات لان كان المقصود التهكم علي عربياتنا الكوري اللي في مصر اللي شوها المستورد
ولا يقصد السخرية من شخص لان كلنا اخوات وكلنا سواسيه
ونسأل الله ان يوسع رزقنا بالحلال

يرجى مراعاة اداب الحوار .

3 ب
12:55 AM
2013/6/5

كلامك مظبوط ، احنا بتجيلنا نفايات الهيونداى...