الموضوع: comodo 2009

مبروك عليك العربية , ربنا يديك خيرها و يكفيك شرها
الكومودو عربية مش منتشرة اوى .... و اعتقد بالفعل محدش فى المنتدى معاه عربيتك
معاك ربنا يا بطل :)

ربنا يرزقنا بحد يكون عنده خبرة شوية صغيرة فى الكومودو .... انا مش طماع
مينا ممكم يقولنا على رايه فيها
ان ما كانش كده ..... يبقى حضرتك حتاخد راية الاستكشاف و تبدا حضرتك تكنشف بنفسك و تاخد خبرة .. علشان لما حد تانى يشتريها و يسأل .... حضرتك الى تجاوبه

نسمع منك كل خير ان شاء الله ...
و اهم حاجة .... انك لا تتعامل مع المركز ده بحسن نية فى الاول .... يعنى خليك حريص شوية و متديهمش الامان لغاية لما تتعامل معاهم اكتر من مرة و تتطون لشغلهم
العبد لله كنت زى الغرقان كدة .... و كنت اثق فى اى حد اتعامل معاه ... لغاية ما اتعلمت شوية .... بعد ما خسرت شوية فلوس و جهد
بس الحمد لله ... محدش بيتعلم بالساهل و محدش بيتعلم ببلاش
ياريت حضرتك تقولنا على مواصفات الكومودو الى معاك و رايك فيها و سعرها و اخبار استهلاكها للبنزين ... و اى حاجة تزودها كمان من عندك يكون كتر خيرك :)

المشاركة الأصلية كتبت بواسطة more_try2

هو بدايه الامر كده انا اكتشفت ان فى مركز معتمد فى مصر على حسب كلامهم
عندو كل قطع الغيار والاكسسوارات المطلوبه للعربيه من الاف للياء زى ما قالو
انا كلمتهم امبارح وقالى تعالى شرفنا هتلاقى كل الكومودو عندى فى المركز
ربنا يسهل هروح المركز يوم السبت واكتشف (( روبن هود كومودو )) المركز
واخباره ولو كلامه صحيح يبقى انا كسبان بصراحه لان العربيه لسه بحالتها
وربنا يوفق وهبلغك على طول ان شاء الله

ياريت تقول لنا ايه اخبار الكومودو من حيث قطع الغيار واسعارها

بصراحة العربية دى عجبانى برضه برغم اللى سمعته عنها وكمان سعرها كويس