السلام عليكم
ازيكم يا وحوش النيسان
انا معايا اوكتافيا a5 موديل 2005، عارضها للبيع وعاوز اجيب حاجة زيرو، لاني كنت جايب الاوكتافيا مستعملة
ميزانيتي من 90 ل95
فكرت في النيسان لان كتير اوي بيشكر فيها، وكمان اسعارها احن من التويوتا والكيا واللانسر
فياريت تدلوني على الفئات في النيسان لاني مليش خبرة اوي فيها
ولو فيها عيوب يا ريت برضو حد يفيدنا بيها
واسعارها للزيرو 2013 تقريبا بكام
الف شكرا لكل الوحوش مقدما
والاوكتافيا مزعلاك فى ايه ؟؟
قطع غيارها حراقة والفتيس بتاعها الصنيعية عمالين بفتو فيهااقتباس:
المشاركة الأصلية كتبت بواسطة hossam_elwani
ونفسي نفس الزيرو لاني اخد الاوكتافيا مستعملة وقبلها كان معايا كرستالة مستعمله برضو
ودي حدودي في الفلوس
والسبب الاهم اني قفلت من الاوكتافيا نفسيا تماما
حاسس اني مش عاوز اسوقها تاني، متعبه ومقرفة اوي في تصليحها والتوكيل اسعاره فلكية في قطع غيارها
بالسعر ده مفيش الا الصني .. و الصني الجديدة الصراحة الفرق بينها كبير او و بين الاوكتافيا ... حتى لو مستعملة و تعباك في الصيانة ... هي افضل من الصني الجديدة بمراحل (الصراحة يعني من غير ماحد من نيسان يزعل)
-الجديد حلو مفيش كلام بس لازم تبقى متخيل الفرق عشان مش تتصدم النيسان بعد ال Octavia هتبقى ألش
- و كمان الجديد بيجيب ضفيره و فيه عيوب بردو :shine[1]:
لو نازل من أوكتافيا هات بيجو الجديدة , ده في حالة تركيزك على الشكل الأوروبي والحياة في عربيات أوروبي
انما لو على السوق المصري كأسعار قطع غيار وسمعة مراكز صيانة وسعر إعادة بيع وأوبشنز (مش بطالة) لكن عربية خفيفة وعيوب طفيفة في تيل الفرامل ... لو كل ده بالنسبالك عادي توكل على الله وهاتلك صني الجديدة , لو انت مش فارق معاك استهلاك البنزين ولا مساحة الصالون الداخلي هات الشكل القديم نيسان صني , عيوبها معروفة وتتلخص في الضفيرة بتاعت الكهرباء وبتتغير في الضمان
عيوب الصني الجديدة كمان بتتغير في الضمان ومعروفة , الفكرة ان العربية مش وحشة وتصليحها سهل وفي غالب الأحيان على الضمان سواء للشكل الجديد أو القديم
البيجو الجديدة كويسة إلى حد كبير وعيوب البيجو هي العيوب النمطية المتمثلة في أسعار قطع الغيار وانخفاض سعر إعادة البيع (بيخسفوا بيها الأرض هي والرينو من غير مبرر) ... كمان سعرها ممكن يكون خارج ميزانيتك
بعد الاوكتافيا صعب اوي تركب نيسان صني الجديدهاقتباس:
المشاركة الأصلية كتبت بواسطة احمد رشدي
انسب حاجه ممكن تكون بيجو 301 او سيتروين سي ايليزيه (البيجو طبعا احسن عشان التوكيل وسعر اعاده البيع) بس الناس بتقلق من اسعار قطع غيار الاوربي عموما على الرغم من ان اسعار قطع غيار العربيتين دول المعلنه في الجرايد كويسه
لو خايف من اسعار قطع الغيار وعايز تخليك في المضمون دور على نيسان صني بس الشكل القديم هتتعب شويع على ما تلاقيه بس تستاهل التعب
لو ملقيتهاش بقى يبقى حاول تشوف حاجه مستعمل كويسه
او زود شويه وهات كيا ريو او شيفورليه اوبترا (الريو افضل طبعاً بس الفلوس بقى اللي هتحكمك)
لكن الصني الجديده معتقدش انك هتتبسط منها بذات بعد الاوكتافيا (مع كامل احترامي لملاك الصني الجديده بس ده رايي وياريت محدش يزعل)
خليك فى البيجو هاى لاين افضل
وسعر اعاد بيعاها غير البيجو القديم تماما العربيه دى حتكتسح
طيب متزود شوية وتشوف كدة الستروين سي اليزية 109 الف
الشباب كلهم قاعدين يقولوا البيجو وأشك انهم ساقوها وعرفوا ثابتة ولا خفيفة وفيها مشاكل ولا لأ .. الراجل بيقول ميزانيته من 90 ل 95 ألف .. هيجيب البيجو الهاي لاين ب 136 ألف ؟؟؟
يا ريس عليك وعلى الصني الشكل القديم قطع غيارها سهلة ورخيصة إلى حد ما وسهلة في بيعها وثباتها كويس وصاجها احسن من الشكل القديم .. عيوبها ضيقة من ورا واظن ان استهلاكها للبنزين مش هيكون اكتر من الاوكتافيا ..
الصني الشكل الجديد حلوة برضه بس عيوبها ان مشوار دواسة الفرامل كبير شوية وده عيب تصنيع وغير مؤثر في قوة الفرامل أو نظام ال abs وفيه كلام ان المصنع هيصلح كل العربيات اللي طلعت منه .. وعيبها التاني صاجها ضعيف .. يعني متقارنش بينه وبين ال a5 اللي وزنها فوق ال 2 طن والكبوت بتاعها تقيل جدا محتاج اتنين يشيلوه .. لكن العربية في المجمل حلوة وناعمه على الطيق لو غيرتلها الكاوتش .. من الداخل مش فخمة قوي لكن السوبر صالون من جوة حلوة جدا خصوصا الاكر النيكل وتطعيمات الكروم ف بتدي احساس بالفخامة شوية .. لكن دلوقتي سعرها وصل ل 126 ألف بالاوفر برايس ولو هتحجز في التوكيل هتستنى 3 شهور
نصحيتي ليك اتكل على الله في الصني الشكل القديم .. هتبقى انسب لك من غيرها ولو تقدر تزود الميزانية شوية هاتها اوفر برايس لأنك مش ضامن السوق .. أنا شاري عربيتي النيو صني سوبر صالون من 3 شهور ونص بأوفر برايس كانت عاملة 120 ألف عند سمير ريان .. ولو كنت حجزت في التوكيل كنت هستلمها دلوقتي برضه ب 120 ألف .. ف اللي في ايدك تضمنه احسن من الانتظار
اولا السلام عليكم
بص ياسيدي انا عارف شعورك عشان انا كان معايا مستعمل -ابيزا - وفيكتر - وتعبوني بصراحه . المستعمل مقرف خصوصا لو كانت قطع الغيار غاليه . ده غير الوقفه عند الورش وفتي الصنايعيه . صدقني الصني اختيار ممتاز كسعر وامكانيات . انا مش عارف ايه موضوع الالماني ده مع الناس انا كانت معايا العربيتين وكانت قطع غيارهم الماني وكانوا مقرفين في كل حاجه . وكان واحد صاحبي معاه صني 2010 وعمره مشتكى منها مع ان استعماله زفت . وللسبب ده انا غيرت للصني . ملحوظه : انا عمري ماشفت عربيه الماني تكييفها بقوة الياباني . حتى المرسيدس مع خالي c180 وتكييفها على قده . والباور الكهربا في الصني مريح جدا واحسن من عربيات كتير . باختصار الصني صفقه رابحه وفيها مميزات كتير واكيد كعربيه زيرو احسن من الاوكتافيا المستعمله - رأي شخصي جدا - ده كفاية ثقتك في العربيه وانت ماشي بيها في الزيرو
الله ينور يا باشا الف شكراقتباس:
المشاركة الأصلية كتبت بواسطة د.محمدعبدالعال
بس معلش عند استفسار
هو النيسان صني الشكل القديم لسة فيه منو جديد ولا لازم اجيب مستعمل، عشان انا مش فاهم اوي النقطة دي
بالنسبة للاوكتافيا والله عربية روعة، ثبات وسرعة وصاج وصدمات وتتحمل معاك وتسافر، بس قطع غيارها فلست اهلي، وبصراحة مش قادر على مصاريفها، فبقول خلينا في الحنين افضل
ومعلش لو تقلت عليك
هى الصني الشكل القديم تعملها كام مانيوال وكام اوتوماتيك، طبعا جديد مش مستعمل ، انا نفسي في الزيرو زهقت من الاستعمال
فيه منها جديد والمصنع لسة بينتج الشكل القديم وهاتلاقيها عند السبع وأوتو إيجيبت ... سعرها في نفس ميزانيتك مش معدية الـ 100 ألف بس اللي جابوا منها 2013 لقوا ان السماعات الخلفية مش موجودة ...ده عيبها الوحيد حالياً :)
بصراحة صفقة رابحة بإذن الله وموفق من عند ربنا في البيع والشراء , وأياً كان قرارك ربنا يباركلك فيه وفيما رزقك ويكفيك شرها ويرزقك خيرها
تحياتي
لو هاتجيب صنى هات الشكل القديم اتوماتيك هاتبسطك قوى قوى
بلاش الشكل الجديد عشان متحسش بفرق رهيب بعد الاوكتافيا
او تبيع الاوكتافيا اللى معاك و تجيب اوكتافيا تانيه
اختار من الحلين دول فقط
هو ايه حكاية صني الشكل الجديد دي ؟؟؟!!!!!! مالها يعني توكتوك متنكر مثلا ؟؟!! العربيه معايا وزي الفل شكلا وموضوعا . وبعدين مين يجيب عربيه شكل قديم والجديد موجود ؟؟!! اذواق فعلا .. كل واحد يدخل يقول قديمه وهو من ملاك القديم او مقتني عربيه تانيه !!! بالراحه علينا شويه . الشكل الجديد لايقارن بالقديم - رأي شخصي - الجديد احسن مليون مره . الباور الكهربا والمساحه الداخليه والارتفاع عن الارض وهدوء المحرك والاقتصاديه في استهلاك البنزين والشكل الاحدث طبعا التاني اتهرى كام سنه وكان اصلا قريب من اللي قبله لما نزل . abs . ebd . ايمبولايزر . اضاءه افضل . ...
ياباشا فكر كويس صعب بعد متركب الالماني تنزل للصني مش عشان هيه ياباني عشان اردئ فئة في اليباني
الموديل القديم 2010 صوت المكنة عالي وهيقرفك حبتني
حاول تركبها ابل متشتريها
والله يا باشا انت جبت فعلا من الاخراقتباس:
المشاركة الأصلية كتبت بواسطة grumby78
انا المستعمل قرفني بجد
وخصوصا انك هتعد تصلح وفي الاخر برضو هتخسر في البيع
العربية حلوة مفيش كلام كالماني، لكن الزيرو وريحة الفبريقة جوا العربية ليها طعم تاني
وشكرا على النصيحة يا وحش
متقلقش يا ريس انا مش مولود في اوكتافيا ههههههههاقتباس:
المشاركة الأصلية كتبت بواسطة toty_305
انا سوقت ماروتي ولادا و27 وعادي كلو شغال
الالماني طبعا مفيش زيو بس كلو كويس والله
والزيرو لو نوع معتدل متزعلش مني افشخ من اي عربية مستعمله ولو كانت مرسيدس
معلش يا جماعه عشان الموضوع استفزني جدا الناس اللي بتقول هتحس بفرق بين اوكتافيا وصني الجديده هيزعلك معلش هو بيتكلم علي اوكتافيا موديل 2012 ولا 2013 ولا حاجه انتو بتتكلمو فيه ايه يا جماعه عربيه زيرو وعربيه من 2005 ازاي هيتصدم من الصني يعني يعني ياريت اللي يتكلم يوضح الصدمه هتكون من ايه يعني كل حاجه واضحه في العربيتين والاعضاء وضحوها مليون مره سواء كانت الصني القديمه او الجديده والجديده اللي كل عمال ينتقد فيها دي مفيهاش غير عيب الصاج وعيب الضفيره اللي بيتعمل في الضمان لو حصل يبقي ليه الكلام الكتير وفيه ناس بتقول مش متقبله شكلها ودي حريه شخصيه لو معجب بشكلها اشتريها غير كده برضه الصني القديمه عيوبها من ضيق الصالون و الضفيره والموتور اللي بيقولو صوته عالي ودي عيوب لو متقبلها اشتريها وجرب العربيتين قبل الشراء وسوقهم عشان تبقي مطمن غير كده من ناحية قطع الغيار والتوكيل مفيش كلام علي نيسان في الموضوع ده اما بقي موضوع السي اليزيه والبيجو 301 نفسي أسال اي حد بيقول عليهم انت جربتهم ولا ركبتهم ولا حتي عارف ايه نظام توكيلهم ولا اي حاجه عنهم غير انك شفت صورهم ولا هو الشكل وخلاص واسم الماركه جاي علي كيفك واقرب مثال للناس اللي بتتكلم وخلاص العربيه سكودا رابيد اللي الناس طلعتها السما وفي الاخر التقارير وبعد ما الناس بدأت تركب والعربيه تنزل السوق كله قال عليها سكودا فابيا من جديد يا جماعه ياريت بجد اللي يتكلم علي عربيه يكون ركبها عشان حالة الفتي اللي ماشيه في المنتدي اليومين دول ميتسكتش عليها ابدا
المشكلة يافندم مش فى الصنى الجديدة ..اقتباس:
المشاركة الأصلية كتبت بواسطة grumby78
المشكلة ان العضو الفاضل صاحب الموضوع نازل من اوكتافيا a5
انا من ملاك الصنى القديمة ex مانيوال مو2010 وسوقت الصنى الجديدة وركبت الاوكتافيا
الاوكتافيا عربية تقيلة على الطريق بمعنى الكلمة خشنة عفية كل ده يخلى اى واحد ساقها او اتعود عليها لما يركب صنى جديدة ناعمة خفيفة طرية (كفاية فرق الصاج بس !!!) يحس بعدم الامان تماما .. ده ايحاء نفسى مش اكتر ومش شرط هو او غيره يحسوا بيه لكن فى الاغلب ده اللى هايحصل
انما لو ركب صنى قديمة ex واللى لسه بتنزل اتوماتيك بسعر 98 الف تقريبا (الله اعلم بكام دلوقت ؟!!) الى حد ما مش هايحس باختلاف كبير اوى على الطريق الا فى عزل الاصوات والهواء فقط لا غير
والله اعلم اولا واخيرا .. العربيتين موجودين وممكن العضو يركب الاتنين واللى يرتحالها يشتريها لأنه مش كل يوم هايركب او يشترى عربية زيرو .. والله اعلم
بص يا باشا انا كنت واقع فى نفس مشكلتك كنت راكب اوكتافيا a4 2004 الحقيقة تعبت جدا من حاجتين :- سعر قطعة الغيار اذا لقيتها بسهولة وتاني حاجة فتي "الدكاترة " الصنايعية كل واحد عامل فيها بروفيسير - صعوبة الصيانة بشكل مقرف عشان توصل لمسمار ممكن تفك اقبله مليون حاجة - المهم اني طبعا بعد معاناة قررت اجيب زيرو اريح نفسي فاتصدمت من الاسعار لقيت انسب حاجة فى حدود 100000 الصني الشكل القديم - طبعا فى الاول كنت معترض ازاي اركب صني بعد الاوكتافيا - المهم قررت اجيب الصني للاسباب الاتية :- سعر قطعة غيار جيد - توكيل محترم ومتوافر - عربية منتشرة - بعد انتهاء الضمان ممكن اي حد يشتغل فيها بسهولة وبدون فتي زي اي ياباني او كوري - الفتيس والمكنة الياباني - لكن مكنتش طبعا مقتنع جدا مش هاكدب عليك .
المهم اتكلت على الله واشتريتها طبعا مش عاوز اقولك فى الاول حسيت اني مش عارف اسوقها خالص فرق كبير فى الوزن والتقل على الطريق انت هتحسه - العزل - استجابة الموتور - احساسك بالامان وارتفاع العربية - كلو فى صالح الاوكتافيا طبعا - اكيد الفرق فى العربية وفى نفسية اللى سايق .
لكن بعد فترة حوالي 3 شهور حاليا :- الفرق دوة مبقاش موجود تأقلمي على العربيية خلى الفرق راح بشكل كبير الموتور استجابته جيدة جدا - الثبات جميل - التكييف رائع - العزل هو اللى نوعا ما اقل من الاوكتافيا بس فى السرعات العالية بس لكن فيه ناس كتيت فى المنتدى عن حاجات زودوا بيها كفاءة العزل - ميزة انك راكب عربية مش قلقان منها فى صيانة او قطعة غيار " طبعا الزيرو مفيهوش الكلام دوة الا بعد كام سنة" لكن بشكل عام الموضوع مش سيء طبعا اكيد التابلوه مش فى فخامة الاوكتافيا والبرستيج بتاعها لكن انا مرتاح وحابب العربية وحاسس انها تستاهل فلوسها وشايلاني فى القاهرة الجميلة وحرها فاتكل على الله
والله يا باشا اللي اعرفه ان صني الشكل القديم بينزل منها زيرو دلوقتي ال Ex saloon بس للأسف مفيهاش ABS .. وسعرها اوتوماتيك 96 ألف لو هتحجز ومش هتدفع اوفر برايس .. مانيوال مش عارف بالظبط بس اظنها بتقل من 8 لـ 10 آلاف جنيه .. بس هات الاوتوماتيك اريح يا ريس في الزحمة اللي في مصر دلوقتي دي .. وحاول تلحق تجيب ولو حتى بأوفر برايس لأن فيه توكيلات بتستهبل في مواعيد التسليم .. لسه فيه واحد قايلينله في توكيل السبع الاستلام بعد 8 شهور .. يعني شكرا ..اقتباس:
المشاركة الأصلية كتبت بواسطة احمد رشدي
نصيحتي ليك انزل على سمير ريان لو انت من القاهرة وخلص على طول
الاوكتافيا عربية جميلة جدا بس طلعتها بطيئة شوية بسبب تقلها لكن ثبات مفيش كده وسرعة في الطوالي محدش يعرف يحصلها ..
ألله يطمنك يا باشا الف شكراقتباس:
المشاركة الأصلية كتبت بواسطة the_air_devil
ان شاء الل هرسيت بشكل كبير على الشكل القديماقتباس:
المشاركة الأصلية كتبت بواسطة dr/ p.k.sh
ربنا يقدم اللي فية الخير ان شاء الله
يا باشا انا مش مولود في عربية المانياقتباس:
المشاركة الأصلية كتبت بواسطة mohamedbook
بعدين مع احترامي ليك انا ركبت عربيات ياما
منها عربيات معفنة متتسقش
الفكرة في تأقلمك مع العربية في البداية والراحة النفسية
وانا زهقت خلاص من المستعمل وبجد الاوكتافيا مقرفة في تصليحها وقطع غيارها
بخلاف ان ميزانيتي محدودة
واكيد مش هفكر في مستعمل تاني او مش هجيب فيرنا ولا افيو ولا حتى بيكانتو
فمقدامايش غير الصني
وهي عربية مش وحشة للدرجة برضو العربية جميلة، فرق مستوي اة لكن ان شاء الله تكون جميلة
انت جبت من الاخر يا برنساقتباس:
المشاركة الأصلية كتبت بواسطة elsebily
في نظري محدش يقارن عربية 2005 بحاجة 2013 حتى لو كان صني واوكتافيا
الزيرو برضو له زهوته
لو على الارتياح النفسي اقدر اقولك انا فقلت قافلة سودا من الاوكتافيا، راكنها تحت البيت لحد ما ابيعها واروح مشاوريري مشي او مواصلات، وفعلا نصيحة كل الاعضاء كانت هات الشكل القديم, وبخلاف انه في حدود ميزانيتي حاسس انه هيكون افضل، فأنا هستخير ربنا واتوكل على اللهاقتباس:
المشاركة الأصلية كتبت بواسطة youssef.awad
اخيرا لقيت حد فهم نفس مشكلتياقتباس:
المشاركة الأصلية كتبت بواسطة akmall
والله يا جماعة الاوكتافيا مش وحشة جميلة
لكن مقرفة في حاجات زي قطع الغيار والصنيعية والاسعار بتاعها وخصوصا لو جبتها مستعمله بجد هتكره نفسك
يكفي ان الجريدة في عربيات ياما بتتباع ب12 جنية، عندي ب75، ليييييييييية كل الفرق دة
باغت الفانوس بتتباع ب17 جنية لموديلات ياما لقيتها عندي ب160
انا برضو راجل على قدي وورايا بيت ومسؤلية ومش حمل كل المصاريف دي
وانا مستعد اضحي بشعور الراحة النفسية في الاول مقابل اني اركب زيرو وحاجة ضامنها والناس بتشكر فيها
الف شكر يا برنس على النصيحة وربنا يباركلك في عربيتك
ياباشا لا شكر على واجب انا فاهم مشكلتك لاني لبست فيها قبل كده كنت بابقى خايف اصلا انها تعطل و باعيط لما بتعطل والخوف اللى باكون فيه هالاقي قطعة الغيار ولا لأ وقلقي من سعرها والمصنعية هتكون كام مانت راكب اوكتافيا بقى الماني يا عم ههههههههههههاقتباس:
المشاركة الأصلية كتبت بواسطة احمد رشدي
اتكل على الله الصني جميلة جدا ثبات جميل جدا والتكييف محترم بس نصيحة اخيرة قبل ما تشتري عربية ايا كانت اقعد فيها ولو قدرت تركبها مع حد ويا سلام لو سقتها يبقى تمام التمام عشان الموضوع بيفرق كتير واستخير طبعا لكن فى ظل الاسعار الحالية الصني مناسبة ورانا بيوت وعيال يا عم
حد يقول الريو والاكسنت ب 120000 اول فئة الفاضية - اللوجان وصلت 95000 اللى كانت ب 55000 و60000 - الافيو ب 95000 ليييييييييييييييييييييييه - ده حتى الالتو 61000 - البيكانتو 94000
إستخير ربنا سبحانه وتعالى وهات نيسان مش حقلك الشكل القديم أو الجديد إنت وراحتك النفسية أنا معايا الشكل القديم 2008 الفانوس الكبير اللى بالعرض وعاجبانى أكتر من الفانوس الصغير اللى نزل فى 2009 مع ان هيا هيا ولكن نسيان بشكل عام شركة محترمة من حيث كل حاجة زى ماقال الأعضاء المحترمين كلهم ( مراكز خدمة - ضمان - قطع غيار متوفرة وسعرها كويس - صاج - عفشة - فتيس - تكييف - كماليات - حتى التابلوه اللى مش عاجب أحد الأعضاء انا عاجبنى جدا وشايفه شيك ) من الآخر عربية محترمة وبيتى يعنى مش حتبيع وتشترى غيرها كل شوية وانا سألت أكتر من ميكانيكى يابانى وأكتر من عفشجى قالولى هتها وإنت مغمض إتوكل على الله وربنا يخترلك الخير وياسيدى لو عايز تجرب العربية أنا تحت أمرك تعالى جرب عربيتى لو إنت عايز قبل الشراء أنا حبعتلك تليفونى على الخاص
النيسان الشكل القديم بتنزل 2013 بس فئتين فقط (اتوماتيك ومانيوال)اقتباس:
المشاركة الأصلية كتبت بواسطة احمد رشدي
الأتوماتيك بالسعر الرسمي بـ 100000 جنيه (ده بعد زيادة شهر 6 لأنها كانت بـ 97000)
والمانيوال بـ 95000 جنيه (ده بعد زيادة شهر 6 لأنها كانت بـ 92000)
بس لامؤاخذة ابقى قابلني لو لقيتها بالسعر ده
الوحيد اللي بيبعها بالسعر الرسمي مودرن موتورز بس حجزها 8 شهور !!!
يعني تحجزها النهاردة وتستلمها في شهر 3 سنة 2014 وترخصها 2013 !!!!
السبع بيبعها بأوفر برايس حوالي 10 ألاف جنيه وتستلمها بعد اسبوعين
سمير ريان بيبعها بـ 109000 وتستلمها وانت واقف
ولو عاوز تتأكد دي ارقام الموزعين المعتمدين من الشركة الأم في مصر
مودرن موتورز
26245277
26245278
26245279
الاتحاد الوطني
24144507
24144508
اوتو ايجبت
16666
المحمل
44474890
44474891
44474892
44474893
يونايتد
27872340
السبع
16445
وده رقم نيسان اوتو مصر (الشركة الرئيسية)
16244
وللعلم اخويا لسة جايب العربية امبارح من سمير ريان لأنه اقل سعر, والمعلومات دي كلها من غير فتي دي بعد تدوير اكتر من اسبوعين
وعلى فكرة العربية بتنزل ناقصة سماعات خلفية, وناقصة abs وناقصة دلايات
بس الفرامل قوية جداً مش محتاجة abs ولو انه مهم
والسماعات الخلفية ضفيرتها بس واصل لورا يعني ممكن تركبهم برة بحوالي 300 جنيه
والدلايات هي اللي غالية لأنها في التوكيل الواحدة بـ 375 بدون ضريبة يعني الأربعة بـ 1650 جنيه