الموضوع: محاولتين والحمدلله لتثبيتي على الطريق

انا مش عارف اقولك اية حمدلله على سلامتك طبعا
بس المفروض فى اى ظروف طبيعية انت صح و ربنا يكرمك عشان انك تقف لحد دى رحمة بالناس
لكن للاسف اللى انت بتقولة ميخليش الواحد يفكر ابدا يقف لحد او يساعد حد

المشاركة الأصلية كتبت بواسطة the_air_devil

الحمدلله رب العالمين مليون مرة

ربنا يكرمك ويحفظك ويستر طريقك دنيا وينورهولك آخرة

وسبحان من هداني اكتب أصلاً الموضوع التحذيري من الأول ...كان فيه خير لناس كتير ربنا رايدلهم النجاة

ياريت الكل يدخل يقرأه من الأول تاني لو كان محتاج يتذكر أو ماشافهوش من الأساس

http://www.nilemotors.net/nile/353251-a.html

الحمدلله
انا قريت الموضوع بتاعك اول مرة مش بالاستفاضة دي على موقع جريده الكتروني "الموجز"
لما رجعت تاني نايل موتورز لقيته وقريته عملت سيرش عليه وانا بكتب الموضوع اعملة مرجع للناس تستفيد لكن مقدرتش اوصله اتمنى من المشرف يحط الرابط فى اول مشاركة علشان الناس تستفيد

تنويه بس نسيت اذكرة فى الموضوع : الواد ده طبعا وسط المعمه وبناكل مطبات وهو بتقلب جنبي فى الكرسي كان عمال يقول لا انت مش صعيدي انت من هنا ومحمد بيسو ومش عارف احمد ايه زاقينك علي وهرتله كدا ع الفاضى طبعا انا عمال اقولة اه واخرتك على ايدي وكدا


واضافة والله الواحد لو هستفيض فى الحكي ده احنا هنا علشان طريقنا الوحيد للقاهره هو مصر اسيوط بنسمع حكاوى بتشيب

اضافة لموضوعك القصة دي خاصه بسواقين النقل وحصلت مع عربية واحد قريبي

السواق فى الموقف عادي جاله شخص يتفق معاه على نقلة خشب هيوديها منطقة كدا جنب جسر السويس وقعد يفاصل فى الاجره وكل حاجه تمام

حمل يا بنى حملنا توكلنا ع الله والكلام ده كان بالنهار يعني مش ليلا

راح السواق هناك فى منطقة مقطوعه كدا بس يا حج المخزن هنا قريب بس هناخد معانا اتنين عمال يعتقوا النقلة

كل ده الكلام كويس ولذيذ وهوب الاتنين جم بسلاحهم ثبت ثبت اتاخدت العربية وسابوا السواق بعد ما قلبوه فى كل الفلوس الا 50 جنيه مواصلاته واخدوا تليفونه

المهم اتصلوا قالوا العربية موجوده وعايزين 30 الف جنيه قالهم ماشى قولولة انت تدفع وهنتصل بيك نقولك العربية مكانها فين تروح تاخدها

دفع ال30 معرفش الطريقة ايه لانه مقلش ومحدش اتصل بيه والرقم اللى كان بتواصلوا عليه مقفول

ويعوض عليه ربنا فى العربية و فى ال30 الف

للعظة برده

ربك هو الستار

المشاركة الأصلية كتبت بواسطة mostafaenany

انا مش عارف اقولك اية حمدلله على سلامتك طبعا
بس المفروض فى اى ظروف طبيعية انت صح و ربنا يكرمك عشان انك تقف لحد دى رحمة بالناس
لكن للاسف اللى انت بتقولة ميخليش الواحد يفكر ابدا يقف لحد او يساعد حد

علشان الواحد كان دايما بينزل القاهره

كان دايما باخد معاى راكب او اتنين لان لو الشتا الجو بيبقى برد ولو صيف الصحراوى ولعه

وغالبا كان بيبقى يا اما من عند كمين الروس " الفيوم "

او مدخل الزراعي فى ميدوم " بنى سويف "

او عند جرزا " الجيزه " دول التلات اماكن اللى دايما قريبين من العمار فممكن تلاقى ناس واقفة بتدور على اى حاجه تركبها

وغالبا بيبقوا عساكر من ع الاكمنه او امناء شرطه راجعين او رايحين شغلهم

لكن دلوقتي لو بالميري مبقفش

يا راجل ده ناس من هنا كانت عربيتهم عطلت ورايحين الكلية طلبة شرطه وشاور لى مقفتش ليهم ماخدتش بالى انى اعرفهم الا لما اتصل بي واحد منهم :) من اللى واحد شافة

وربك الستار

اولا الحمد لله على السلامة والحمد لله ان ربنا سترها معاك

للاسف التصرفات دي بتخلي الواحد يقلق .. انا متعود انى اخد في طريقي العساكر بس .. يعنى مش بقف لاي حد الا لو انا عارفه حتى لو معرفة سطحية .. غير كده مش بقف لحد نهائي

وعايز اوضح بس ان التصرفات دي للاسف من قبل الثورة .. وده حصل مع زوج اختي شخصيا قبل الثورة بكام سنة .. انه كان ماشي على الدائري وخد حد فى طريقة .. فبيقول فجأة لقاه بيرمي عليه حاجة فى وشه .. فهو بصورة تلقائية راح مودي وشه بعيد .. ولما فهم ان دي محاولة سطو راح مدي فرامل جامدة جدا في نص الدائري .. وراح مد ايده وفتح الباب بتاع الراجل اللى قاعد جنبه وزقه رماه بره العربية .. مشي بعدها بالعربية شوية وحس بدوخة وعينيه بتقفل فركن على جنب واتصل باخوه وجاله

ربنا يسترها علينا جميعا

بس انا لو حد قالي التنك بيخر يا كابتن هقوله ملكش فيه .. ولو لقيته جاي ورايا هخبطة وادوس عليهم مرتين تلاتة كده وبعدها اتوكل على الله اشوف طريقي ... ده الحل الوحيد مع بتوع الموتوسيكلات

حمد لله علي سلامتك وعلي سلامة العربية
الواحد بيفكر بعد كده انه يفخخ العربية بتاعته عشان لو جه اتثبت وملقاش مفر من الهروب يقوم مفجر عربيته بالحرامية وفي نفسه
بفكر اجيب عربية جيمس بوند