حمدلله علي سلامتك وشكرا للمشاركة استئذنك اني هنقلها علي الفيس بوك الخاص بي
رقم العضوية : 116809
تاريخ التسجيل : 16Nov2011
المشاركات : 252
النوع : ذكر
الاقامة : يسشسي
السيارة: ISA
السيارة[2]: fff
الحالة :
السلام عليكم ورحمة الله وبركاته
للاستفادة فقط هاحكي عن واقعتين عشتهم بنفسي علشان الناس تستفيد
احنا عائلة اولاد عموم واخوال وكدا فيها اكتر من سيارة وكلنا اعمارنا قريبه من بعض فعادي كل بياخد بتاع كله
كانت معاي عربية فيرنا مانويل وكانت بتاع قريب لى قاعد فى الجيزة ومتعودين لما نحب نفحص فى التوكيل نوديله العربية وناخد عربيته لحد ما يفحصها ويظبطها وارجع اخدها منه
المهم فى اليوم اتصل بى وقالى ان العربية الكيا خلصت الفحص وكله تمام وياريت اروح له بدري اخدها لانه عايز عربيته لانه مسافر وهيقعد اكتر من يوم الكلام ده كان الساعه 1 مساءا قلتله خلاص هاقبلك بعد صلاة الفجر قلت اطبق بدل ما انام وتروح على نومه
اخدت سهرتي عادي وقومت توكلت ع الله قلت هامشى هادي لان الطريق وحش بالليل ومفيش نور فى اماكن كتير واخدت وقتها طريق الفيوم اكتوبر بدل مصر اسيوط الصحراوي من على كوبري البليدة فى العياط والحمدلله وصلت المنيب وهارجع بقى تاني حوالى كم كيلو زراعي اوصلة
المهم طلعت من المنيب لقيت راجل كوبارة وملتحي لحية خفيفه بيشاور كانت الساعه فى حدود 3 كدا المهم قلتله ياحج انا اخري كذا قالى يبقى كتر خيرك لانى مش لاقى مواصلات يبقى انزل هناك يمكن الاقى حاجه اركبها وكان رايح المرزايق المهم وصلنا لاخري والراجل نزل بصراحة استحرمتها الجو بالليل ومفيش حاجه خالص ع الطريق المهم قلتله اركب تاني يا حج هاوصلك
ووصلته وجيت وانا راجع شاور حج تاني كوبرة ومعاه شاب صغير المهم قلتلهم اخري كذا ومش هاقدر اكمل والله قالى انا هنزل فى الطريق المهم الراجل مركبش ركب الشاب وكان نازل الحومدية
المهم فضل يعزم بسجاير " انا مدخن " قلتله معلش مش قادر اصر انا شكيت اكتر قلتله مش بغير وقفشت وكدا
المهم بنتسامر وانا قلقت وبدئت اخد حذري فبيقول والله يا باشا واقف لى ساعه ومحدش راضى يقف من بتوع الملاكي فبقولة معلش الدنيا مبقتش امان فقلي طيب انت وقفت ليه قلتله بهزار كدا احنا صعايدة ومبنخافش وربك الستار قالى مش خايف ان يكون معاي سلاح قلتله انت اللى تخاف مش انا فبيقولي ليه قلتله متعرفش ايه ممكن يكون تحت الكرسي مش يمكن فى بندقية فى الدواسة اللى ورا ؟ بهزار كدا
كنت ماشى 80 كدا علشان الطريق رخم وكله مطبات المهم بيقولى طيب اركن وهات المفتاح هتعمل قلتله ولا يهمك وهزيت سلسة مفتايح العربية فافتكر انى بطلت وعطيته المفتاح راح مكلبش فى المقبض اللى فوق الباب وبيقولى اد ايه ياعم انت مجنون المهم هو ربنا اللى عطانى جمدان قلب وقتها فبقيت بسوق بتهور يعني بقرص وقبل المطب بحاجه بسيطة بفرمل بدل ما كنت ماشى هادي انا رابط الحزام وقلتله لو اتحركت هالبس بيها السور واروح انا وانت فيها عادي ابوي عنده منى تاني لكن معندوش اننا نتثبت
والله انا ما عارف جمدان القلب ده جه منين بس يمكن علشان هو بدء يترعب ومكلبش فى المقبض
المهم ربنا ستر والموضوع مكبرش وخبطني بحاجه ولقيت تريلا راكنه ومن اللى اعرفه انه هيبقى التباع او السواق فى العربية جيت رحت كابس فرامل فالعربية عملت الصوت ده بتاع الفرامل ووقفت لقيت 5 رجالة طالعين جري من ورا التريلا لانهم طلعوا مش نايمين دول بيحملوا خضار
في ايه قلتلهم مفيش الاخ مشواره نهايته هنا لانه كان عايز العربية نزلوه جر من العربية طلع معاه مطوة ومش معاه اى سلاح ناري وطبعا علشان المرمطة وكدا قلتلهما اعملوا انتوا المحضر وسبتهم ومشيت
الدرس المستفاد : موفقتش لاى حد تاني من بعدها نهائى اى كانت الظروف واى كان الشخص ده شكله ايه حتى بتوع الشرطة لانى كنت متعود من زمان اى حد باخده فى طريقى
الموضوع ده قديم شوية بعدها كنت شايف ان الموضوع كان جايب معاي بهستريه لما الاخ ده كان راكب ليه معرفش يمكن لانى كنت مصدوم او مش متخيل الموقف لكن ربنا سترها
المرة التانيه وطبعا اشكر الناس اللى نشرت التحذيرات بتاعت " التانك بيخر يا كابتن "
كانت سكودا اوكتافيا وفى منطقة ببنى سويف من العبور لحد بوابة المحافظة مسافة صغيره لكن كلها مخازن وورش مهنيه بتاعت التربية والتعليم ففاضية فكنت ملاحظ ان فى موتوسيكل ماشى وراى من فترة المهم وعمال يقلب نور عدي جنبى الموتوسيكل كان عليه اتنين واحد بيقولى التانك بيخر يا كابيتن المهم انا لوهله كنت هاقف بعدين شديت لقيتهم جاى وراى فقرصت اكتر وطبعا العربية تساعد وجيت عند كمين البوابة ورحت واقف فى عسكري قالى خير يا باشا قلتله الاخين بالموتوسيكل دول ماشيين وراى من الرمد لحد هنا وبيقولوا التانك بيخر وهما كانوا جايين علينا على بعد 500 متر كدا راحوا لفين وراجعين تاني بصيت ع العربية كله تمام حرارة وبنزين وكل حاجه ورحت متوكل على الله
والحمدلله في المرتين ربنا سترها علي وفى المرتين كنت لوحدي
فحبيت اشارك معاكم الموقفين علشان الناس تستفيد واعتذر على الاطالة
رقم العضوية : 22731
تاريخ التسجيل : 20Oct2008
المشاركات : 3,291
النوع : ذكر
الاقامة : القاهرة
السيارة: الحمدلله حمداطيبا كثيرا مباركا فيه
السيارة[2]: Seat IBIZA 99 6K 1.6
دراجة بخارية: لا
الحالة :
حمدلله علي سلامتك وشكرا للمشاركة استئذنك اني هنقلها علي الفيس بوك الخاص بي
" اللهم إنا نجعلك في نحورهم ، ونعوذ بك اللهم من شرورهم "
رقم العضوية : 131111
تاريخ التسجيل : 09Nov2012
المشاركات : 5,961
النوع : ذكر
الاقامة : طنطا
السيارة: Fiat 132
السيارة[2]: Geely Emgrand EC 7
دراجة بخارية: I.S.A BMW.s.1000.rr
الحالة :
تشكر علي التحذير و للاسف الاشكال الوسخة دي خلت الواحد معندوش ثقة في اي حد وممكن يبقي حد فعلا محتاج توصيلة بس برضو مش هنقف بسبب الي ممكن يحصل ويطلع شخص مش كويس او معاة حد او حاجة وربنا يسلم طريقنا جميعا
. . . . . . . . . . . . . . . . . . . . . . . .
. . . . . . . أة يــا تــيــشــيــرت الـــعـــمـــر يـــا أبــيـــض ... انـــا الـــزمـــالـــك انـــتـــو مـــيـــن ؟؟ . . . . . . .
و ارجــع روحــك عــالــيــة لـلـجـمـاهـيـر الـغـالـيـة و انـسـى كــل مــا فــاتــك و قــدم كــورة تـانـيـة ♥♥ ZAMALEK ♥♥
رقم العضوية : 55300
تاريخ التسجيل : 09Dec2009
المشاركات : 8,794
النوع : ذكر
الاقامة : مدينة العبور
السيارة: PROTON GEN2
السيارة[2]: ...
دراجة بخارية: no bike
الحالة :
حمد الله على السلامة والحمد لله انك بخير
للاسف انا مقدرش اعمل كدة لان طيبة قلبي متسمحليش اني اشوف حد واقف في حتة مقطوعة واسيبه واقف من غير مواصلات ولا بتاع
eng f3lix سابقا
رقم العضوية : 116809
تاريخ التسجيل : 16Nov2011
المشاركات : 252
النوع : ذكر
الاقامة : يسشسي
السيارة: ISA
السيارة[2]: fff
الحالة :
الله يسلمك
اتفضل يا باشا
ربنا يسترها ع الناس كلها احنا كناس بتمشى على مصر اسيوط الصحراوي بقينا بنعمل حساب للطريق ده جدا لدرجة ان لى صديق فضل مستنينى اكتر من 3 ساعات فى مرة علشان نمشى مع بعض لانه كان خايف يمشى لوحدة فتحصل حاجه فى العربيه فيضطر يقف مع انه عربيته النترا 2012
لكن فعلا طرق الصعيد كلها بلا استثناء خدمات زبالة ونادراً لو لقيت نور الا طريق اكتوبر الفيوم
وربك هو الستار
رقم العضوية : 116809
تاريخ التسجيل : 16Nov2011
المشاركات : 252
النوع : ذكر
الاقامة : يسشسي
السيارة: ISA
السيارة[2]: fff
الحالة :
بص يا باشا انا كنت زيك كدا كانوا كتير بيحكولى هنا عن عربيات اتاخدت وفيهم واحد والله دفع 30 الف وماخد العربية وتانى دفع 25 اخد العربية
لكن كنت بقول كلام حتى خالى ملتحي وقفوه مره وكان معاه 80 الف فى التابلوه لولا ستر ربنا وقولة عدي يا شيخ انت راجل كبره لكان راحت العربيه والفلوس
لكن برده كنت بقف لكن لما جربت بنفسي خلاص كدا بالنسبة لى الموضوع انتهي
رقم العضوية : 129825
تاريخ التسجيل : 30Sep2012
المشاركات : 637
النوع : ذكر
الاقامة : القاهرة -شبرا مصر
السيارة: مفيش بعد الالفا
السيارة[2]: ألفا روميو 146
دراجة بخارية: no
الحالة :
طب الحمد لله ان ربنا سترها معاك فى المرتين وربنا يستر طريقنا اجمعين علشان الحال دلوقتى فعلا بقى صعب
و شكرا طبعا على النصيحة اللى اكيد ما هاتوه من بال حد فينا
أحمد بهاء الدين
https://www.facebook.com/eldiesel2020
رقم العضوية : 51635
تاريخ التسجيل : 31Oct2009
المشاركات : 1,932
النوع : ذكر
الاقامة : Egypt-Cairo
السيارة: NoThInG yEt
السيارة[2]: فيرناتيتي 2oo8
دراجة بخارية: Honda CBR 900
الحالة :
انت ازاي تعمل كدة اصلا
يتحرق اللي واقف بجاز ايه اللي خلاه يروح متأخر وهو مش معاه عربية
ولا متأخر ولا بادري تقف لحد اصلا
واللي يقولك التانك بيخر هاته بين العجل وريح دماغك مالوش دية
لا تجادل الاحمق فقد يخطئ الناس في التفرق بينكما
رقم العضوية : 116809
تاريخ التسجيل : 16Nov2011
المشاركات : 252
النوع : ذكر
الاقامة : يسشسي
السيارة: ISA
السيارة[2]: fff
الحالة :
الحمدلله ربنا سترها فعلا ان مكنش ولا مرة فيهم معاه اسلحة ناريه معرفش كان ايه التطورات بس هي برده
والله يا مشمش هي تعود من ايام زمان الحج طول عمره من ايام الفيات 131 وهو اى حد بنقابله وانا راكب معاه بنركبه فى طريقنا بس هو معاه سلاح مرخص وقلبة اجمد منى 10000000000000 مرة فى الحجات دي
وبمناسبة الحاج افتكرت موقف تاني دلوقتي بس الله اعلم هل كان تثبيت بقى ولا لا
بعد الثورة مباشرة تحديد 3 2011 طريق مصر اسيوط الصحراوى عند رست الفيومي
كان الحج اللى سايق ال405 ووقف واحد فى نص الطريق بيشاور لدرجة اننا نزلنا الرمل علشان نتفداه من كتر ما كان بيرمي نفسه قدام العربية وربك سترها علينا والعربية عاليه والا كان الفرق بين الاسفلت والرملة قلبنا لو خبط فى العتب
رقم العضوية : 74241
تاريخ التسجيل : 30Jun2010
المشاركات : 3,685
النوع : ذكر
الاقامة : Egypt Fayoum
السيارة: ٍSpectra 2002
السيارة[2]: Nubira 1997
دراجة بخارية: No
الحالة :
حمدالله على سلامتك ياباشا
انا والله بفكر جديا اجيب سلاح واخليه فى العربية
المفضلات