الموضوع: الكورى وارتفاع السعر الرهيب ومقارنة بينه وبين اليابانى

المشاركة الأصلية كتبت بواسطة maio_do

تمام يا كبير انت معاك حق

بس هنا قصد المقارنة فى الزيرو مابين اليابانى والكورى

تمام يبقة سيفيك طبعا
بعدها الكيا
متسوبيشي فقيره و تويتا فقيرة طبعا 2014 نزلت بس لسه مشفنهاش

المشاركة الأصلية كتبت بواسطة ahmed_adham

يعني هيه مشكله سيفك كلها في شكلها من ورا؟

طب بالنسبه لواحد بيفكر فيها قبل الشرا. شوف كده موقع هوندا مصر شكله ايه

0honda egypt

وموقع كيا شكله ايه

kia motors egypt | official website

موقع الشركه على النت مؤشر على اهتمام التوكيل بعربياته من عدمه.


تعالى بقى بعد ما أشتري.

دي مراكز خدمه هوندا اتنين في القاهره وواحد في اسكندريه

مراكز الخدمة هوندا

ودي مراكز خدمه كيا - مش هقعد أعدها كلها بس انا شايف 7 في القاهره وواحد في الجيزه (أبو رواش) و 3 في القليوبيه (كده يبقى 11 في القاهره الكبرى) و3 في اسكندريه غير اللي متوزعين في كتير من المحافظات.

مراكز خدمة كيا | التوكيل

في رأيي تصميم العربيه الجذاب وانتشار مراكز الخدمه وتوافر قطع الغيار نقطع بيع قويه جدا لأي عربيه. ولو مشكله هوندا في الشكل بس فبيجو وستروين بيعملو عربيات احلى بكتير من سيفك ومش بيبيعو كتير ولانسر بومه مثلا تصميمها مش جذاب ومش حديث ومع ذلك بتبيع نار عشان توافر قطع الغيار.

بص يا باشا انا مش هغلطك فى اللى انت قولته

بس عن تجربة مابين لانسر كريستالة 99

وسيراتو 2010 وترتاخ فى الكريستالة عن السيراتو يبقى الكماليات والعدادت والسواند سيستم هيفيدك فى حاجة

راكب فى الكيا على الدائرى والطريق مستوى واقل خبطة طوبة ولا زلطة حاسس بيها

المشاركة الأصلية كتبت بواسطة maio_do

بص يا باشا انا مش هغلطك فى اللى انت قولته

بس عن تجربة مابين لانسر كريستالة 99

وسيراتو 2010 وترتاخ فى الكريستالة عن السيراتو يبقى الكماليات والعدادت والسواند سيستم هيفيدك فى حاجة

راكب فى الكيا على الدائرى والطريق مستوى واقل خبطة طوبة ولا زلطة حاسس بيها

لا سامحنى ركوبة السيراتوا افضل من الكريستاله والبومة

وانا ركبت التلاته وسافرت فيهم

اللى افضل ركوبة من السيراتوا هي كورولا " الجمل "

من باب الانصاف فقط

في الوقت الحالي

محدش يقدر يقول ان الياباني عربيات وحشة او رديئة الجودة لا

الياباني لازم يجاري الكوري في كمالياته و تصميماته انا مش ضد الياباني و انا راكب نيسان صني ٢٠١٠ الشكل القديم و مقتنع بيها جدا و العربية ادائها ممتاز و تقيلة و بحس اني فعلا راكب عربية لكنن الكوري اصبحت عربيات اعتمادية من الدرجة الاولي و شوفت ناس عاملة ٢٠٠ و ٣٠٠ الف كيلو علي سيراتو و الانترا و العربيات ماشية زي الفل و بكفائة

كوري التسعينات غير كوري الوقت الحالي اتطور جامد

يعني في التسعينات مفيش مقارنة بين الهيواي اكسل و اللانسر الكريستالة طبعا اللانسر تكسب بفرق شاسع لكن دلوقتي الوضع اتفير

لازالت الناس بتفرق بين الكوري و الياباني بنفس فكر و منطق التسعينات

نقطة تانية ان اغلب اللي بيشتري عربية جديدة بتعد معاه من ٥ الي ١٠ سنين و بيعمل من ١٠٠ الي ٢٠٠ الف كيلو و ولا دي فترة ولا دي مسافة تبين فرق عربية عن التانية

و بعدين الركيب هو اللي يحس بالعربية معاه دول اغلبهم من الشباب زي حالتنا لان احنا بنهتم بالثبات و الجري و السحب

ادي كده عربية كوري و عربية ياباني لبنت او سيدة او راجل كبير (محدش فيهم هيحس بالفروقات اللي الناس بتدعي ان الياباني متفوق فيها) كل الناس دي هتختار الكوري طبعا لجمال تصميمه و شياكته من الخارج و من الداخل و كمالياته الرهيبة و فوق كل ده سعر اعادة بيع ممتاز)

مش كل الناس بتفكر نفس التفكير بتاعنا الغالبية العظمي من الناس عايز عربية تريحة و توديه و تجيبه و يتبسط بشكلها و شياكتها و رفاهية كماليتها و هما دول الغالبية اللي بيركبوا العربيات الكوري

اختي لسة جايبة كيا ريو الجديدة خليجي من كام يوم العربية رائعة بمعني الكلمه و شيك جدا و ناعمة و اوبشنز تحفة و تشطيب جميل جدا فعلا عربية مفرحة اركبها و قارنها كده بالنيسان صني الجديدة مثلا هتحس ان مفيش مقارنة.

صدقوني الكوري اختلف و الناس اللي كانت ضد الكوري زمان بدأت تقل لو تفتكروا الكوري في التسعينات كانت سمعته قريبه من الصيني دلوقتي حد كان يصدق ان مبيعات الكوري تتفوق علي الياباني في فترة من الفترات و شوف بعد عشرة و لا عشرين سنة كمان هيحصل ايه.