تجربتي مع ظبط أداء تكييف الفانتازيا
السلام عليكم..الأسبوع اللي فات ده أنا كنت بسافر كتير بالعربية.وطرق ما يعلم بيها إلا ربنا في التراب.كان التكييف شغال تمام.يعني أظبطه علي 20 مثلاً والعربية قارية درجة حرارة الجو 45 وكنت عامله علي الـ auto كان ظابط سرعة المروحة علي 3 وأحياناً 2 والتبريد تمام..
فجأة النهاردة وأنا رايح الشغل.وظبطه كالمعتاد.لاحظت سرعة المروحة مش عاوز تنزل عن 5..والتبريد ضعيف.وكل ما أقرص بالعربية ألاقي هوا دافي طلع من فتحات التكييف.وبعدين طلعت الدائري وماشي 120-140 بدأ التكييف يبرد كويس..بالصدفة ببص علي أمبير الحرارة لقيته رافع لحوالي 95 ( الطبيعي 90 )..وببص علي درجة حرارة الجو المكتوبة علي الشاشة لقيتها 58 !!!!!!!!!!!!!!!!!!!!!!!!!!!!!!!!!!!!! رقم خزعبلي..قولت بس كده في حاجة غلط في العربية وكده هتبوظ بقه وأعمل موضوع في المنتدي والأخوي الزوار ييجوا يقولولي شوفت العربية بعد الـ 100 ألف فتحت بقها هههههههههههههههههه.
المهم طلعت علي كارتك علي طول اللي في العبور..شرحتلهم القصة..خدوا العربية دخلوها..بعد 10 دقايق جالي مهندس الصيانة..قاللي العِش بتاع الريداتير والسربنتينة مسدودين علي الآخر يكاد يكونوا مفيهومش أي مسامات.طيب الحل..لازم العربية تهدي ويسيبوا خرطوم ميه بدون ضغط عالي علي الريداتير والسربنتية من برة.وبعدها يعملوا تنظيف دورة التبريد و تغيير فلتر التكييف.بالفعل الموضوع خد بالظبط نص ساعة.دفعت في القصة دي 300 جنيه شاملين كل حاجة.واستلمت العربية..النتيجة :-
- تبريد التكييف فوق الممتاز بسم الله ما شاء الله..سرعة المروحة مش بتزيد عن 2 مع العلم درجة الحرارة كانت 38..ويا سلام لو عملته علي العلامة الزرقاء..تلاجة.
- حرارة العربية ظبطت ورجعت 90 طبيعية.
- صوت المراوح الأمامية هدي عن الأول لأن.
الحمد لله..الفائدة من التجربة..لو حصل معاك أي حاجة تخص التكييف..متسمعش كلام حد يقولك غير كباس علي طول..لأن المشكلة ممكن تكون أبسط بكتير من كده.