عرض للطباعة
السلام عليكم يا جماعة
أنا عندي التيل الامامي للقاشقاي بيعمل صوت صفارة خفيفة كده لو بشعر فرامل في اشارة مثلا بعد مشوار طويل , وركزوا معايا في كلمة مشوار طويل بالذات , لان أول مابطلع بالعربية مفيش أي اصوات اطلاقا , و ده اللي خلى الصوت مايطلعش مع مهندس الصيانة وانا باعمل صيانة ال 1000km , مع انهم كشفوا علي التيل ونضفوه و قالولي مفيهوش مشكل اطلاقا
الموضوع اللي حيجني إيه سبب إن الصوت يطلع بعد المشوار الطويل فقط , و أنا الصراحة مش فاضي اروح للتوكيل ثاني , و صيانة ال 5000 بعد حولي 2200km
والله يا باشا انا خبرتى ضعيفة فى الامور دى بس الصوت ده موجود فعلا فى الصنى الجديدة وكان بيظهر فى المشاوير البعيدة لما العربية بتسخن وتستخجم الفرامل كتير ودا بيتعالج انهم بيغيروا صاجة التيل الخلفى
أظن يا باشا محتاج تروح التوكيل (و تكون عامل مشوار كبير قبلها عشان يسمعوا الصوت) .. و ممكن تخلى الميكانيكى يبص لك على التيل و لو محتاج تنظيف و سنفرة و تجرب بعدها هل الصوت موجود و لا .
اعتقد ان الصوت ده راجع لسخونه الطنابير مع المشاوير الطويله ولازم مهندس الصيانه يجرب العربيه مشاور طويل شويه علشان يسمع الصوت تحياتى ..
غالبا بتكون من غبار او اتربة من الطريق على سطح الطنبورة وده بيعمل صوت مع التيل