شكر خاص لمركز سبيد سيرفيس بقيادة المهندس هانى

**manuel_jose** · 05-06-2013 10:27 AM

بتوجه بالشكر للمهندس هانى والمجموعة اللى معاه لانه حل مشكلة عندى متعلقة بالسخونة العربية بتاعتى فيرنا كان فيه مشكلة فى دورة التبريد عندى وكل الناس قعدت تفتى لحد ما دفعت 1750 جنيه مالهمش اى تلاتين لازمة لحد ما عرفت مركز سبيد سيرفيس وبصراحه الراجل ظبطلى المشكلة على طول ده غير الاحترام اللى موجود فى المركز وكل اللى شغالين فيه ناس محترمة واولهم المهندس هانى اللى بيلتزم بكلامه بصراحه يقول معاد مش بيرجع فيه وبيتابع بنفسه واهتمام ده غير ان عملى تخفيض عشان انا تبع منتدى نايل موتورز وكان عنده امانه كان فيه مبلغ متفقين عليه بس طلع قطعه الغيار دى ارخص من كده والراجل خصمهم من حساب الفاتورة وانا عن نفسى مكمل معاه باذن الله جميع الصيانات الجاية والله الموفق والمستعان

**el diesel** · 05-06-2013 11:27 AM

هو المركز متخصص فى حاجة معينة ولا لكل العربيات ؟؟

**manuel_jose** · 05-06-2013 12:16 PM

المشاركة الأصلية كتبت بواسطة el diesel

هو المركز متخصص فى حاجة معينة ولا لكل العربيات ؟؟

المركز متخصص فى الكورى واليابانى

**El Prince** · 05-06-2013 12:26 PM

مركز ممتاز و تهنأتى لصاحب الموضوع لأنتهاء مشكلته

- و لكن المركز لا يعيبه الا شئ و احد

بأه زحمة !!!!!!!!!! :)

بس ده راجع للخدمة الجيدة و المعاملة الطيبه و المحترمة من م/ هانى

تحياتى