الحمد لله عملت صيانة الـ1000 وجبت بالجين 190 كلم
اولا : العربية كانت عملة 750 كم وطبعا كنت عاوز اروح اشغل الاشارات فوصلت لمركز الاستاذ عصام صفا وكتب كل الى انا عاوزة وسئلتة هل ينفع اعمل صيانة الـ1000 دلوقت فاوافق وركنت العربية قدام باب المركز المهم واحد قلى استريح فى الاستقبال الى فوق المهم قلت اطلع اشرب واصلى العصر كان فاضل علية 5 دقايق المهم اتوضيت ومسكت المصلية وبابوص على العربية ملقتهاش نزلت جرى وسئلت على العربية الى كانت وقفة فاوحد قلى معرفش ابتديت بقى اتحول زى الرجل الاخضر المهم واحد قلى متخفش عربيتك اه فى اخر السنتر فاخدت نفسى الحمد لله
المهم طبعا دردشت مع كام واحد من الى مستنين على موضوع الفرامل فكان فى واحد معاه تويتا ومعاه جين 2فحكالى على الفرامل معاه وقلى انا التويتايا قبل ماتفكر تفرمل بتكون واقفة انما الجين محتاجة كبس شوية وعلى العكس تمام كلمت الاستاذ عصام على الفرامل قلى هى محتاجة تريح رجلك ماتكبسش عليها وقلى حاول تتعود عليها المهم برده خلصت العربيى وطلعت جربتها مع صنيعى كويس اسمة محمد المهم ماشاء الله الفرامل جربها العربية كلبشت فى الارض وعلى سرعة بس عمل حاجة غربية شوية لقى حجر واقع فى نصف الطرييق فاطلع علية بالعربية بالكوتشين فامكلمتش قلت يمكن ماشفوش فاعاجلنى بالرد وقالى ابقى اعمل كدا كل فترة علشان الايبيى اس يشتغل قلتلة هو مش مفروض شغال على طول قلى لا انتا كدا بتنشطة ( طبعا مش مقتنع باى بتنجان )كمان اد العربية الاولانى وحرق علية جدا لمده 2 ثانية وداس فرامل جامدة برده (طبعا مسئلتش )قلى كدا ابقى اعمل كدا كل فترة علشان العرفشة تتطرى وتريح ( كنت عاوزة اقوله امال احنا بنربط العرفشة ليه بس هزيت دماغى وخلاص )
المهم خلاصت الصيانة وشلو حاجة كدا تحت التبلوة خاصة بالتكيف لانى كنت بشتىكى منة وقلولى انتا مكنش مفروض تشغلة فى الالف حسيت ان كلام الراجل بتاع عز العرب صح لما قلى افرك العربية وجرب كل حاجة وقلهم عليها فى صيانة الالف وهما بيعملوا كدا علشان ميصلحوش حاجات كتير فى العربية
المهم خدت العربية وطلعت على طريق السخنة وخدت المدام واخوها وكلنا بسم الله مشاء الله اوازن وخدت شنتطيتين سفر كبار و2 لاب توب وطعام واكل علشان هنقعد اسبوع فاكميات طبعا
المهم العربية بسم الله مشاء الله خدنها من البوابة بتاعت القاهرة لوبابة السخنة واقسم بالله فى 25 دقيقة بالضبط واقصى سرعة كانت 190 بالحمولة دى كلها
انا صورتها فيديو حضارتكم بس مش عارف ارفعة ازاى