قربة مياه m11

**samehsalem** · 06-06-2013 11:00 AM

هيا بتبوظ تاني عشان هي هي نفس النوع ونفس الخامة من التوكيل عشان كدة انا سالت في نوع منها تاني ولا لا

**أحمد جودة** · 06-06-2013 11:43 AM

المشاركة الأصلية كتبت بواسطة samehsalem

هيا بتبوظ تاني عشان هي هي نفس النوع ونفس الخامة من التوكيل عشان كدة انا سالت في نوع منها تاني ولا لا

ياصديقي العزيز انتا قولت المشكلة وقدمت الحل كمان

لو انتا متأكد من كلامك حاول تشوف نوعية غيرها ومن المفترض تكون الاصلية بتاعت العربية

انا عارف ان فيه خامات مضروبة كتير

بس تعالي نعمل الصح مع بعض

طيب انتا متاكد ان مفيش عندك هوا فى دائرة التبريد طيب ازاي

مش علشان بتفك غطاء القربة وبتخرج الضغط الزايد يبقي كدة اخدت الهوا لالالالالالالا
الصح تعمل زي ماشرحتلك علشان تكون دورت الماية بالكامل فى الدايرة وطردت الهوا كله

جرب الطريقة ومش هتخسر حاجة

واتعود يازميلي لما يبقي عندك مشكلة حاول تحلها باسهل الطرق
ازاي
عبى سبيل المثال المشكلة بتاعتك بتاعت القربة
انتا غيرتها 3 مرات
طيب بيتهيئالي مش هتخسر حاجة لما تاخد الهوا ولو مش عارف لو انتا قريب مني انا تحت امرك
ولو مكنش كدة فى اي بنزينة او بتاع ردياتير تاخد الهوا بالكامل

وبعدين لو فضلت المشكلة يبقي دور على حل تاني

ارجو ان اكون وضحت لحضرتك وجه نظري

وتحت امرك فى اي استفسار