مصرع 9 واصابة الكثيرين في حادث مروع على الدائري اعلى الهرم

تلقي اللواء محمود فاروق مدير مباحث الجيزه اخطارا صباح اليوم بوقوع التصادم اعلي الطريق الدائري بالهرم،

https://fbcdn-sphotos-g-a.akamaihd.n...92320332_n.jpg



وتبين ان سياره نقل بمقطوره تعطلت في منتصف الدائري في الوقت الذي كان فيه سياره ميكروباص قادمه بسرعه جنونيه فاصطدمت بها من الخلف بقوه،
واثناء ذلك جاءت سياره نقل اخري بسرعه جنونيه واستقرت اعلي الميكروباص، مما تسبب في ارتفاع اعداد الضحايا والمصابين.
وقامت النيابة بالمعاينة حيث تبين ارتفاع عدد القتلي ل 9 اشخاص والعديد من الاصابات الخطرة

رحم الله المتوفيين

ربنا يرحمهم ، للاسف مفيش اى التزام من السائقين وده سبب اكثر الحوادث عندنا

لا الله الا الله الدائري ده انا عليه يوميا و علي طول فيه حوادث

ولما تيجي تكلم سواق ميكروباص يقولك يا عم انا معايا ناس عاوزة توصل شغلها هو عشان انت يعني معاك مش عارف ايه وماشي براحتك انا عاوز اوصل الناس وحجج ما ليها اصل
ربنا يرحم المتوفين يا رب ويصبر اهاليهم

الله يحرق النقل علي الميكروباصات

البارح وانا مروح من سموحه لسيدي بشر قلت اخد الزراعي واطلع دولي وكان الكوبري هناك فوق الزراعي بيعملو فيه الفواصل والطريق واقف
الاقي واحد نقل مقطوره حيوان طالع عكسي من نزلة الاتحاه التاني وواخد الطريق العكسي والله العظيم طاير ياجماعه وماشي في الحاره الشمال كمان مش اليمين وطالع كوبري يعني مش شايف اللي جي ومش في دماعه وعقبال ماعديت الزحمه كان رجع في الأتحاه الصح وماشي 110 و 120 وفي الشمال برده وعمال يزمر للناس عشان توسعله

اهو واحد زي ده لو قابله عربيه ملاكي وهو ماشي عكسي وطاير وفي الشمال هيدمرها تماما وده بصراحه مش خساره فيه الشنق او عربيته تتاخد منه تماما ويتسجن مش اقل من 10 سنين

يا ساتر يا رب سواقين التيوتا بيجروا على الدائرى بغباء
ربنا يرحم الجميع

الله يرحم الجميع

بجد البلد دي مينفعشي يمشي فيها عربيات ياريت يمنعوها و نمشي علي رجلنا ارحم

اللهم انتقم من كل سواق متهور انت القادر علي كل شيء
نحن نتوكل عليك وبك نستعين
واللهم ارحم موتانا وموتا المسلمين

ربنا يرحم موتانا وموتى المسلمين
اللهم ارحمنا فإنك بنا راحم ولا تعزبنا فانت علينا قادر والطف بنا يامولانا فيما جرت به المقادير
حسبنا الله ونعم الوكيل في كل مقصّر عن عمله

العربية النقل دى انا فعلا كنت هلبس فيها إنهاردة الساعة 6 ونص الصبح... العربية واقفة على الشمال بعد كمين الوراق اللى على الدائرى فى إتجاه القومية

شفتها الصبح وفعلا من أبشع الحوادث اللى شفتها مش قادر انسى منظر الميكروباص وهما بيسحبوه بالونش من تحت الكونتينار الحادثة كانت على دائرى المريوطية وفعلا كل اللى فى الميكروباص الله يرحمهم والمصابين هما بتوع التريلتيين .

وراء كل حادث عظيم ... سيارة نقل
اى حادثة تحصل من غير ماتعرف تفاصيل وخصوصا كمان لو على الدائرى ان وراها عربية نقل
اللهم ارحمنا وارفع مقتك وغضبك عنا

إنا لله وإنا إليه راجعون

لا حول ولا قوة الا بالله
الاهمال والاستهتار مستمر
وكأن ثورة لم تقم :d
برادعى استايل :d

النقل والمكروباص سبب كل بلاوي الطريق ومحدش فيهم بيتعظ الا من رحم ربي

نفسي الحكومه تخلي المكروباصات تبع هيبة النقل العام والي يشتغلوا عليها موظفين ويكون عليهم رقابة

معلش
بس هو ايه الجديد
الاخبار اللي زي دي بقت يوميه تقريبا
و محدش بيتحرك

ربنا يرحم موتانا وموتى المسلمين
لا حول ولا قوة الا بالله العلى العظيم -
لازم حساب المتهورين حساب عسير عشان الاستهانة بارواح الناس وكل يوم فى حادث بشع على الدائرى منهم لله - ولازم يكون النقل طرف متسبب فى الحادث - اين الرادارات على الدائرى - واين الكماين - بيعملوا بس الكمين عشان يوقفوا حااال البلد - حسبنا الله ونعم الوكيل

الله يرحمهم و يصلح حال بلدنا.

لا حول ولا قوة إلا بالله
اللهم ارفع مقتك وغضبك عنا
اللهم ارفع عنا البلاء
حسبنا الله ونعم الوكيل

ربنا يرحمهم

الله يرحم المتوفين و يسترها علينا

ياساتر ياراب .... ياراب استر طريقنا ... دايما الحوادث اللى بتحصل بسبب العربيات المقطورة وبسبب السرعة الجنونية

ربنا يرحمهم..ويصبر اهلهم..انا شوفت الميكروباص وانا راجع من الشغل حاجة بشعة فعلا..ربنا يسترها علينا ويحفظنا

الله يرحمهم و يصبر اهلهم
اللهم احفظنا من الموت فجأة

لما سواق متهور يجرى بعربية صغيرة.. آخره هيلبس عربيتين-3 معاه!!

لكن لما سواق نقل بمقطورة (أو من غير مقطورة -أى عربية كبيرة):
شاحنة بالحجم ده ومفيش تحكم - ويمشى بالسرعات دى.. يتهور:: وتحصل حاجة لا قدر الله: بتبقى كارثة ويروح فيها عشرات؟؟!!! :Zb_sor1[1]:

عشان كده العقوبة لازم تبقى أكبر بكتييييييييييييير فـ حالة النقل!

حسبنا الله ونعم الوكيل -فـ كل سواق تريللا متهور أو بيضرب مخدرات؟!!

دا لسه حادثة شارع التسعين مابردتش؟!!

ارواح الناس بقت لعبة

قدر الله مشاء الله فعل ،،نصيبهم كدة ،،لا تنسو الآذكار والدعاء ،،وربنا يرحم الجميع .

منههم لله الي بيسوقو نقل و ميكروباصات كلهم زفت. ربنا يرحم المتوفيين و يصبر اهلهم يا رب

اقتباس:

---

المشاركة الأصلية كتبت بواسطة formulator

لما سواق متهور يجرى بعربية صغيرة.. آخره هيلبس عربيتين-3 معاه!!

لكن لما سواق نقل بمقطورة (أو من غير مقطورة -أى عربية كبيرة):
شاحنة بالحجم ده ومفيش تحكم - ويمشى بالسرعات دى.. يتهور:: وتحصل حاجة لا قدر الله: بتبقى كارثة ويروح فيها عشرات؟؟!!! :zb_sor1[1]:

عشان كده العقوبة لازم تبقى أكبر بكتييييييييييييير فـ حالة النقل!

حسبنا الله ونعم الوكيل -فـ كل سواق تريللا متهور أو بيضرب مخدرات؟!!

دا لسه حادثة شارع التسعين مابردتش؟!!

---

يا باشا المبدأ واحد
سواء كانت عربيه صغيره او نقل كبير كله استهتار
حتى لو كان اللي بيمشي بتهور سايق عجله وممكن يؤذي حد بيها وهو بيجري

مش معنى ان العربيه الصغيره هتشيل لها عربيتين تلاته بس يبقى تمام ومفيش مشكله دي برضوا ارواح
وحتى لو محدش حصلوا حاجه خالص وجت على شويه خبطات فهي برضوا فلوس ناس

حسبنا الله ونعم الوكيل في شوية العربجية اللي بيقولوا عليهم سواقين نقل وميكروباص
الأشكال دي مينفعش معاها غير العربيات الكارو ملهمش يسوقوا عربيات

الله يرحمهم و يجعل مثواهم الجنة

بالنسبة للعربيات النقل على السرعات ومع الحمولة بيبقى مفيهاش فرامل بمعنى الكلمة والكلام دا قالهولى سواقين نقل ومعاهم عربيات حديثة خصوصا أنهم بيحملوها فوق المقنن بيه
أنا لما بشوف عربية نقل ماشية 80 بس ببقى مرعوب منها وانا واقف
ولما تبقى ماشى ع الصحراوى وتلاقى نقل معدى جنبك ماشى 120 ومحمل وبمقطورة ! بتعمل موجة هوا شديدة

عشان كدا حوادثها بتبقى كارثية والمفروض يبقى فيه رقابة

اقتباس:

---

المشاركة الأصلية كتبت بواسطة mohammedaladel

الله يرحمهم و يجعل مثواهم الجنة

بالنسبة للعربيات النقل على السرعات ومع الحمولة بيبقى مفيهاش فرامل بمعنى الكلمة والكلام دا قالهولى سواقين نقل ومعاهم عربيات حديثة خصوصا أنهم بيحملوها فوق المقنن بيه
أنا لما بشوف عربية نقل ماشية 80 بس ببقى مرعوب منها وانا واقف
ولما تبقى ماشى ع الصحراوى وتلاقى نقل معدى جنبك ماشى 120 ومحمل وبمقطورة ! بتعمل موجة هوا شديدة

عشان كدا حوادثها بتبقى كارثية والمفروض يبقى فيه رقابة

---

كلام صحيح تماما اي عربية تتحمل اكتر من حمولتها الفرامل مستحيل تقوف الكتلة المندفعة دي نهائي
وبتيجلي الورشة حوادث من ملاكي عشان مركب فيها حمولة زيادة ويجي على سرعه منخفضة ماتقفش وطبعا مهما تقول

لا حول ولا قوه الا بالله

اقتباس:

---

المشاركة الأصلية كتبت بواسطة mhkorayem

يا باشا المبدأ واحد
سواء كانت عربيه صغيره او نقل كبير كله استهتار
حتى لو كان اللي بيمشي بتهور سايق عجله وممكن يؤذي حد بيها وهو بيجري

مش معنى ان العربيه الصغيره هتشيل لها عربيتين تلاته بس يبقى تمام ومفيش مشكله دي برضوا ارواح
وحتى لو محدش حصلوا حاجه خالص وجت على شويه خبطات فهي برضوا فلوس ناس

---

لأ لأ؟!! مافهمتنيش ياكبير!

أنا بتكلم على حجم الضرر وكمية الخساير - نتيجة حادثة عربية نقل-تريللا-قلاب-لورى...
مقارنة بحادثة عربية صغيرة/ملاكى؟!!!

- مفيش مقارنة طبعا؟؟!!! :duh2:

النقل لو ماخبطش حد خالص.. وإتقلب مع نفسه: هيدمر الخرسانة والأسفلت-السور/الكوبرى؟!!
لازم يراعوا انهم راكبين شىء ضخم متحرك:: ومفيهوش Control؟؟!!!

أصل انت ماشوفتش الجرأة (وحالة البلطجة/الثقة اللى بيبقى فيها سواق النقل):

- أنا ركبت جنب سواقين نقل وشوفت: انت ماتعرفش لما تكون راكب Truck أعلى من الناس كلها فووووق؟!! (العجل بتاعك أعلى من سقف العربيات)!!
+ الحجم والقوة والرهييييييييييبة دى:: بيعتمدوا ان الناس/العربيات التانية بتخاف منهم وبتوسعلهم؟؟؟!!!!!!
أيـــــــــــه الرعــــــــب ده؟؟!!!

لا حول ولا قوة إلا بالله
حسبى الله ونعم الوكيل فى سواقين المكروباصات وسواقين النقل كلهم ضاربين ترامادول ومجانين سواقة
اللهم استرها علينا من شر الحوادث

سواقين المقطورة كلهم عاوزين الحرق والله ... حسبى الله ونعم الوكيل

الله يرحمهم