شركة السياحه مش راضيه ترجع عربون سفرية تركيا
السلام عليكم ورحمة الله وبركاته،،،
واحده زميلتي كانت مسافره تركيا سياحه ودفعت لشركة السياحه 1000 جنيه عربون, الكلام ده قبل ما القلق يبدأ في تركيا.
طبعاً بعد ما القلق إبتدى هي خافت ولغت الحجز بس شركة السياحه مش راضيه تديها الـ 1000 جنيه وبيقولوها الفلوس دي خدتها شركة الطيران الشارتر ومش هانقدر نرجعهالك.
طبعاً كلام ما يدخلش عقل خاصة إنها ما مضتش على عقد مكتوب فيه شرط جزائي مثلاً ولا حد قالها إن ما فيش إسترداد للفلوس
وكمان اللي إحنا فيه ده يعتبر ظرف قهري ومعروف إن ما فيش واحد بيطلع سياحه في حته حصل فيها قلق وبيحصل كتير موضوع رد الحجوزات ده.
السؤال: تتصرف إزي دلوقت؟
شكراً
