بسم الله الرحمن الرحيم
امتلك في قطر عربيه هوندا CRV موديل 2012 و عربيتي كانت من اول العربيات الشكل الجديد توصل قطر اصلا المهم بما ان البلد صغيره و انا اصلا مبلفش كتير فعملت اول 1000 كيلو في شهرين تقريبا و كنت بشتكي ان في صوت صفاره بيطلع لما بعدي الـ80 و بيبان جدا مع استخدام مثبت السرعه
1 - صيانه الالف . مجانا و الزيت كمان مجانا قلتلهم علي صوت الصفاره طلع معايا عامل هندي اتنطط في العربيه في كل حته و في الاخر قالي سيبهالي نكشف قلت هاتولي عربيه بديله و مكنش في فخدت عربيتي و مشيت و قلت اسبهالهم مره تانيه
كان فيه ريكول للوك الباب بتاع السواق و مع اني مشتكيتش اتغير
2 - صيانه الـ5 الاف : مجانا برضوا و دي حاجه جميله :) كنت بشتكي ان الدركسيون الجلد في حتت لونها اتغير و نفس الصفاره و برضوا قالولي سيبها و قلت هاتولي بديل و طبعا مكنش موجود و روحت
3 - الجنونه : و انا عامل 6 الاف كيلو صحيت من النوم و انا مصمم يغيروا الدركسيون تقريبا كان عندي حنين للخناق مع التوكيلات :) رحت رايحلهم
الدركسيون قالولي هنبعت لهوندا نسال نغيره ولا لا و مظنش هيتغير و الصفاره طلعوا واحد معايا قرر ان الصوت من الدفرنشير الخلفي و طبعا عربيتي AWD في الموضوع ان في موتور كهربا في الدفرنشير شاكين فيه
من هنا لهنا لطعوني 3 ساعات و انا متاكد مش هيعرفوا يصلحوها و عملتلهم قرد عاوز عربيه فكان في عربيه Jazz و خدتها و انا عاصر علي نفسي لمونه و اقول نشوف اخرتها
بعد يومين زهقت من الـJazz لانها صرصار جنب اللاند كروزر و ممكن اي حد يفعصني منغير مياخد باله رحتلهم لاقيت الصوت زي مهو رحت داخل علي المدير و قلت هبلغ حمايه المستهلك و دي مصيبه هنا و قلت هبعت ميل لليابان و اطلع عنيكوا يا تصلحولي عربيتي حالا يا تدوني عريبه محترمه ... اقنعوني امشي و عربيتي هتتصلح في ظرف يومين و هيتصرفولي في عربيه تانيه
تاني يوم سواق جالي لحد مكتبي بعربيه Honda Accord 2013 عامله 5الاف كيلو و انا كأحمد انبسط :guitarplay1:
لما اخدت العربيه نسيت اصلا عربيتي و قلت ياواد العب بالعربيه شويه و مع انها بيز لاين بس كانت ممتعه لاقصي درجه
تاني يوم جاتلي مكاله بيسألوا بستخدم بيرفيوم نوعو ايه :whtauwant:و بحط في ايدي كريم ولا لا و بركن العربيه فين
غالبا بلطجتي قلبت عليه لاني خبط الأكورد خبطه بسيطه و تاني يوم لبست مخالفه 500 ريال و 3 يوم خبطه اخت الاولانه الناحيه التانيه
كلمتهم و قلتلهم عربيتكوا نحس انا عاوز عربيتي :B4_564:
روحت التوكيل لاقيت Honda CRV 2013 زيرو مستنياني عشان اجربها عشان يثبتوا ان الصوت طبيعي و معايا فني صيانه مش بيطلع يجرب طلع معايا مخصوص
الصوت كان فعلا موجود بس اقل من عربيتي بشويه حلوين و صراحه اصلا الصوت عندي لو شغلت الكاسيت مش هسمعه خالص و لو سمعته هو مش سخيف
شوفت ورق عربيتي لقيته مختوم عليه TOP Priority و الدركسيون الجديد منور :guitarplay1: و طلع معايا نفس الراجل عشان نقارن قالي انا شايف ان الصوت مش عامل مشكله و ان الصوت من الفتيس و الفتيس الي راكب في عربيتي فتيس جديد لانج زيرو و تاعيش مع الصوت و العربيه بتاعتنا مسؤلين عنها .
الي فهمته ان عشان العربيه جديده في السوق اليابان مدياهم موافقه يغيروا اي حاجه عشان يعرفوا لو في اي عيوب في العربيه و يعالجوها في الانتاج الجديد
الـCRV انتاج امريكا و الفني قالي ان العملاء في امريكا قالوا ان الصوت راح لوحده بعد الـ20 الف كيلو
الخلاصه اصلا لو العربيه في مصر مكنتش هشتكي من الصوت و انا بصراحه معجب بالطريقه الي اتعاملوا بيها مع العربيه
