تابع موضوع (شكل تابلوه النيو اكسنت بتاعي مختلف ليييييه حد يفهمني ارجوكم !!!) بالصوورر

**amor777** · 05-06-2013 05:22 PM

طبعا انا كنت عامل موضوع عن اني كنت جايب نيو اكسنت مستعملة اوتوماتيك موديل 2011 وعندي شكل عداد التابلوه مختلف عن العداد العادي المنتشر في النيو أكسنت وده لينك الموضوع
http://www.nilemotors.net/Nile/360149-a.html
وانا كنت حاطط صورة لعداد شبه اللي عندي بس مش هوه بالظبط انا صورت العدادت عندي ودي الصور اهيه

ودي انوار العدادات عندي هيه مش ابيض زي النيو اكسنت العادي هيه مخضرة شوية

وده ضهر العربية عندي عشان في ناس كانت بتقولي عربيتك خليجي طيب فيه اسم معرض ملزوق علي ضهر العربية عندي هل ممكن تكون خليجي ومتباعه من معرض برضه وملزوق اسم المعرض عليها !!!!

محدش يركز مع الخبطة الي في الاكصدام ده توك توك ابن حلال

واخيرا ده شكل العدادت العادية بتاعه النيو أكسنت المنتشرة ده للعلم برضه

معلومة تانيه برضه فيه ناس كانت بتقولي انها مغيره عدادت انا العداد عامل 56 الف كيلو مع العلم ان البطارية اللي في العربية البطارية الفبريكا وزيت الفتيس اللي في العربية الفبريكة برضه فمعتقدش انها مغيره عداد لانها عامله كيلومترات كبيره
انا بجد احترررررت جدا مستني منكم بقي اي رد يوضحلي ايه العدادات اللي عندي دي وهل هيه خليجي فعلا ولا ايه لان العداد بالكيلومترات زي ما في الصورة اوعي اي حد بعد المجهود ده كله يخش وميردش متفقييييييييييييييين

**Ahmed.Ali** · 05-06-2013 05:30 PM

انا لا افقه شئ في النيو اكسنت بس صراحه عداداتك احلي كتييييير

**mohamed_rhem** · 05-06-2013 06:01 PM

يا راجل اللي معاك اشيك من اللي في السوق

**mhf_77** · 05-06-2013 08:01 PM

تصدق بالله ان صاحب العربيه الاولانى لو اعرفه كنت بعتله جواب شكر لانى فى الاربع سنين اللى العربيع دى كانت معايا دوخت عشان اجيب العدادات دى ومعرفتش تعايش مع شكل عداداتك الافضل بكتير من اللى بتنزل مصر والموضوع انا اواكدلك انه غير العدادات لان من بعد موديل 2008-2009 عداداتها بيضا والاخضر ده موديلات قبلها واللى ياكدلك انها متغيره ان لون الساعه والكاسيت واضاءة التكييف ازرق عموما سواء غيرها بمزاجه او حصل عيب والوكيل جابهاله او هو نفسه جابها استيراد فى كل الاحوال انت الكسبان واحتمال كبير يكون رقمها اكبر من اللى مشيته فعلا وتكون مشيت اقل من كده وصاحبها خاف يقولك غيرت عداد ليخفض سعرها طبقا لمواصفات سوقنا العظيم - عيش وتاكد انه خير ليك

**michohat** · 05-06-2013 08:26 PM

طيب لو تعرف حد عنده عدادات زيها يا ريت تقول لي

**amor777** · 10-06-2013 12:57 PM

شكرا لكل الاعضاء اللي ردوا عليه بس برضه بعد المجهود ده كله معرفتش هيه خليجي ولا مغيره عداد طيب يا جماعه لو هيه خليجي اقدر اتاكد من ده ازاي ياريت لو اي حد عنده خبره في الموضوع ده يفيدني معلش

**amor777** · 11-06-2013 12:32 PM

تنشيييييييييط يمكن حد يرد : (

**michohat** · 11-06-2013 12:42 PM

كنت قرأت انك ممكن تتصل بخدمه العملاء وتمليهم رقم موجود ف العربية علشان يقولوا لك العربيه تبعهم ولا مش تبعهم
يعني دخلت مصر عن طريقهم ولا خليجي
اتمنى ان اكون متذكر صح