مطلوب اسكودا a5 من 2007 الي 2008 وعاوز اعرف سعرها كام تقريبا وحالتها والافضل اوتوماتيك ولا استربتونك
عرض للطباعة
مطلوب اسكودا a5 من 2007 الي 2008 وعاوز اعرف سعرها كام تقريبا وحالتها والافضل اوتوماتيك ولا استربتونك
السعر من ١١٠ الي ١٣٥ الف جنيه حسب الحاله والكماليات الموجودة
الاوتوماتيك بتاعها استربتونيك يعني اوتو وفيه خاصيه المنوال
السعر من 90الف ل 110 الف لو السيارة ماشيه كتير من 120 ل 150 الف كم لو اقل من ال100 الف يعنى 39 الف - 50 الف هتوصل ل 130 - 135 الف و السيارة تتوفر بفتيس مانوال و فتيس ستيبترونيك
بلاش 2007 ودور علي 2008..عشان 2007 كان فيها مشاكل في التكييف.
دور على حاجة فابريقة كلها واستخدام راقي ومتستعجلش وهتلاقي بإذن الله
العربية محترمة جدا
كان معايا 2005 كانت فل ومكانش منها مشاكل بتاتا بس الكل قال فيها مشاكل فيتيس- وفعلا غيرت بودي فالف فيتيس 12 الف ج.م ... غير كده مفيش مشكلة تذكر
المهم تاخد واحدة موديل قريب وكيلو قليل
طبعا لما تاخد أعلى فئة هتحس بفارق إيجابي
وبالتوفيق
خليك في 2008 عشان الفتيس والتكيف
حتي لو 2007 أكشف كويس علي الفتيس ولو تمام اول متشتريها غير الزيت ومفيش مشاكل ان شاء الله وهتبقي صيانه في العربيه خلصت منها
انا بشكركم جميعا علي الروح الطيبه ديه
وعندي سوال في نفس الموضوع هل الفتيس ده الستربتونيك ثمنه 22000 جنيه وهل الفتيس ده ميزه ام عيب
بص يل سيدي الفتيس نفسه قليل لما يحصله حاجه ولكن ئل بيبوظ وحده البادي فلف جوه الفتيس وهي عبارة عن مجموعه بلوف مسئوله عن طريق الزيت بتغير الغيارات في الفتيس ونتائجه عدم تغير الزيت يتم انسداد في هذه البلوف المهم القطعة دي بيتم إصلاحا او تغيرها بحوالي من ٤٠٠٠ الي ٧٠٠٠ جم عند متخصصين في هذا الموضوع
اما الستربتونيك نفسه طبعا ميزة يعني معاك عربيه أوتوماتيك ولما تحب تنقل منوال موجود هذا الاوبشن وان كان قليل من يستخدمه
تحياتي