عرض للطباعة
قولت انضف الفلتر بالهوا برضة الاداء مش حلو و التكييف ضعيف قولت اشيل الفلتر خالص الهوا الساقع كان ممتاز وانا معايا الفلتر فى البيت قولت جرب اغسلة و نشفة طبعا بصيت علية فى الضوء لاقيتة مش مفوت ضوء و اسود ضربت فية جلانس و بريل و خرطوم مية صاروخ نزل سواد و هباب سبتة ينشف يوم بصيت علية فى الضوء ممتاز ركبتة ممتاز جديد يامعلم اغسل و ماتخفش
مش عارف هو الواحد ممكن يعمل كدة فى فلتر الهوا والا اية
كده فقد خواص حجب ذرات الكاربون وامتصاص الروائح الكريهه
للأسف كدا باظ فلتر الهوا مينفعش ييجى عليه مية لان فكرة عمله اشبه بمسام الجلد كدا مش هتفلتر الهوا و تحجز الاتربة
بس شغال زى الفل و طلعتة بعد اسبوعين اشوف شكلة لقيتة مطرب و نفختة بالهوا و طلع تراب و كان زى الاول
على فكرة مرة نزلت ارياف وتراب و روايح ماشية و زبالة وكنت ماشى فى حتت اول مرة و بهدلة و كل ماتتخيل و كنت مشغل التكييف و انبسط انى هاجرب الفلتر كنت معزول جداااا و زى ماكون ماشى فى الصحراوى و الدنيا نقية جدااا جوة العربية و مافيش اى احساس باى حاجة من اللى برة وكل اللى معايا فى العربية كانوا مبسوطين جداااااا انا كنت ناوى ارمية واشترى واحد تانى لاكن خلاص كل سنة هاغسلة وخلاص
اكيد من الغسيل المسام هتتسع لان الفلاتر دي بكون فيها ماده شمعيه عشان تديله الشكل والقالب ده
لكن لو الواحد يغسله وبعد كده يغيره طب وماله
المصري ميغلبش برده
يعنى حضرتك عاوز تفهمنى ان الفلتر ابو 20ج هيبقى فيه ماده وشمعيه ومسام والكلام ده
ده كفايه الكرتونه بتاعته لوحدها تعملها يجى 75ج
فلتر التكييف غير فلتر الهواء
وليه كل ده فلتر التكييف الموبس ب 40 ج
الفكرة ان فلتر التكييف كتم الهوا و بقيت دايما مشغلة على 3 لكن لما شيلتة بشغلة على 1 و بس و قوى لاكن حكاية الغسيل دى مش استخصار لاكن انا اصلا كنت هارمية و هاشيلة لاكن قولت ماجرب اغسلة بس عملية تجريب و شغال بس برضة خلعتة تانى عشان التكييف يبقى قوى
اعتقد مينفعش