يا باشا الف شكر ليك لو ماتو لانهم موتو كتيير قبلك
عرض للطباعة
يا باشا الف شكر ليك لو ماتو لانهم موتو كتيير قبلك
بص يا باشا انا اسف على الكلمتين دول بس الموقف دا حصل معايا بالمللي بس الفرق انه كان في عز الضهر اول ايام الثوره ايام ما كانت بايظه بجد الواضح ان معظمنا مش بياخد باله من الموتوسيكلات مع انهم في اغلب الاوقات بيكونوا عكس وغلط ومش مرخص وكلهم عبر بس في الاول والاخر بني ادم المهم الكلام دا في شارع ترسا الحته اللى عند معهد القياس والمعايره فاضيه وواسعه المهم انا خارج من الشارع الجانبي وهحكي من وجخة نظري الشارع اتجاه واحد يمين انا طلعت ووقفت بصيت شمالي ملقتش غير عربيه استنيت وعديت وبعدين طلعت ومشيت عادي جدا ناحيه المريوطيه المهم لقيت موتوسيكل طاير ورايا وكنت لسه جايب الكروز زيرو من حوالي 4 شهور ولقيته عمال يشتم ويسب الدين وحاجات كدا ولقيته بزنق عليا وبيخبط على العربيه جامد وهيموت ويوقفني كبست بنزينعلى الاخر وخليته ورايا و فرمليت وخليته لبس في الاكصدام اللى ورا ونزلت المهم مسكنا في بعض وانا كنت هموتوه وانا مش فاهم حاجه والغضب عميني المهم الناس سلكته من ايدي بالعافيه وفي الاخر والناس وهي بتهدي الموضوع قالهم ان انا خرجت من الشارع وبصيت شمال بس وهو جي عكس وكان هيعدي قدامي وانا طلعت مره واحده وهو لبس في كوم زباله ووقع واتعور وحاجات في الموتوسيكل اتكسرت انا في الاخر اعتذرت بس قلتله مش اسلوب انك تهاجم وتشتم وتسب الدين المهم انا حكمي على نفسي اني كنت غلطان ومخدتش بالي منه بس فحضرتك راجع نفسك وشوف هل فعلا هما عصابه ولا بجد مشاده عاديه وخناقه وكان عايز يوقفك ويتخانق ما كلنا لما نيجي نتخانق بنزق العربيه التانيه ونعرض بعربيتانا
راجع نفسك واحكم واعتقد لو حضرتك متأكد انهم حراميه مليون في الميه مكنش ضميرك عذبك بس المشكله ان حضرتك والله اعلم شكلك شاكك
اسف للاطاله ويارب اكون قدرت اوضح وجهة النظر
بص انت مش غلطان ولا الراجل الي خبط العيال غلطان هو ممكن يكون نفس الموقف بس معلش يعني
انا مش هقف لحد بالليل عمال يسبلي الدين اكيد بكل سعاده وبكل سرور هخبطه وهمشي
انا الموضوع ده بعد شويه هيبقى عندي هوايه اني احدف العيال من الموتوسكلات
ايه قله الادب اللي العيال دي فيها
بص الناس مبقاش عنها سقف في السلوكيات ف اللي عايز يقل ادبه يستحمل خصوصا ان العيال دي اساسا بتبقى مبرشمه ومصرصره وحاجات غريبه والي اكتشفته في النهايه انه لما بيفوق مش بيفتكر حاجه ؟؟؟ يعني مغيب
ينزل يسب الدين وممكن يقتل حد وميفتكرش انت عايز حد زي ده نطبطب عليه ولا لما يترزع خبطه من دول ويتعور ولا يتكسر هيعرف قيمه دماغه بعد كده
يا فندم انا مع حضرتك تماما ومش بقول انه يقف بس كان ممكن يفاديهم طالما مش متأكد انهم حراميه 100% بس هو دا قصدي لكن مش بقول اننا نقف للحرامي او نسلم ليه كدا لأ طبعا ولكن اكيد موتوسيكل عمره ما هيسد مع شيروكي 3700 سي سي وفي نفس الوقت الناس منزلتش برشاش وثبتت الراجل بس كان ممكن يطلع باقل الخساير عشان يكون في حل من عذاب الضمير دا او الشك
أنا مش عارف الناس اللى بتقول هل تأكدت وهل مش عارف أيه ؟؟؟
اللى بيفصل بين الحياة والموت ثوانى والموقف بيحصل فى لحظة وعلى غفلة ومش بيبقى فيه وقت للكلام اللى حضرتك بتكتبه من ورا الكيبورد تحت التكييف وإذا لم تحركك غريزتك للدفاع عن نفسك يمكن أن تنتهى مسروقاً أو مقتولاً لاقدر الله .
وهما اللى حطوا نفسهم فى موضع شبهه ليه يعرض الموتوسيكل قدامه فى حته مقطوعة فى منتصف الليل .
وبردوا فى نفس الوقت الناس اللى بتطالب إنه كان يرجع ويموتهم مش صحيح فيه حاجة فى الدفاع الشرعى عن النفس إسمها تجاوز الحد فى الدفاع الشرعى عن النفس يعنى طالما قدر يدفع أذى الناس دى عنه بمجرد إنه أصابهم فلو رجع قتلهم فعليه وزرهم .
ودول أكيد هواة عشان يثبتوا شيروكى بموتوسيكل واللى حصلهم حيعلمهم الأدب بإذن الله
فى ستين الف داهية يارب يكونوا ماتوا وغاروا فى داهية عشان البلد تنضف
شكرا ليك انك نضفت البلد من واحد منهم
المهم الف حمد الله على سلامتك
مدام حضرتك .... قررت النشر ..... وناس كتير قالوا .... يستهلوا فمشهكرر الكلام تانى ..... بس ممكن فعلا تكون حدفت عليهم وانت مش واخد بالك ..... وبسفاله حاولوا يتخانوا معاك بس من غير ما يثبتوك ...... تعالى نتخيل كده ..... وانت نزلت لهم ...... حضرت فى فكرهم وقتى انهم يخدوا العربية ويثبتوك عقابا لك ..... وانت ملكش ديه ..... السيناريوهات كتير. فربنا يسترها عليك وعلينا جميعا.
بس عاوزك تتفرج على فيلم اسمه
Crash
Crash (2004) - IMDb
عشان تعرف انه قد تكون للاحداث وجهات اخرى لا نعرفها
انا مش قصدى ارخم عليك ولا اغلس عليك ..... بس دى وجهه نظر مختلفة وتقبل تعليقى
الف الف شكر لكل عضو من اعضاء المنتدى الغالى و انا مكنتش فاكر التفاعل القوى اوى دا
انا متاكد 100% انى مزنقتش عليهم او عملت اى حاجة ليهم بلعكس انا كنت شايفهم فى المراية من بعيد و هما جاين يجرو و يقلبو نوور و هما جم من جنبى عشان يستفزونى انى اقف قعدو شتموا و يخبطوا على العربية و بعد كدا او ما لقوش فى فايدة انى اقف طلعو قدامى فى نص الشارع و وقفوا بس انا مش عارف يمكن لو انا كنت استنيت قبل ما اجرى عليهم كانو طلعوا خرطوش ولا سلاح ابيض ولا مطوة وقتلونى و خدو العربية بس على العموم الحمد للة على كل ما حصل و بشكر ربنا انا جت على قد كدا