RPM half signal club

**Ahmed-SAMIR** · 05-06-2013 10:38 PM

انا وبكل فخر احد اعضاء نادى الهاف سيجنال كلوب زى ما احد الاعضاء الافاضل مسميه
عربيتى موديل 99 بدون عداد لفات المحرك وصاحب العربية اللى اشتريتها منه ضايفلها العداد على سلك واحد من البوبينة ولما جربت اوصله على الخط اللى جاى من الكمبيوتر مباشرة مشتغلش خالص ورجعت دورت تانى وجبت الرسمة بتاعة الاتنين دايود اللى موجودة على دايو-تك وبالرغم من كده لقيته مشتغلش برضه وبالتوافق مع تعليقات بعض الاعضاء الافاضل لقيت الحالة اللى عندهم هى نفسها مشكلتى انفذ الرسمة مظبوطة او مقلوبة ميشتغلش خالص انفذ بدايود ةاحد عدل ميشتغلش ولو قلبته او لغيته يشتغل نص قراية

سؤالى .. هل فى طريقة تانية موجودة على المنتدى انا مقدرتش اتوصلها ولا تنصحونى ادفع تجديد كارنيه نادى الهاف سيجنال وامرى لله

بالمناسبة انا الطريقتين الاولانيين انا برضه جبتهم من على المنتدى هنا وواضح ان الناس ما شاء الله يعنى وخصوصا الاخ محمد ممدوح اللى باين عليه اسطورة من كلامكم ومن مشاركاته اللى شفتها

**MMamdouh** · 06-06-2013 01:26 PM

فية حلين:

اما تجرب الطريقة اللى بيتوصل بيها العداد مع السلك اللى فى فيشة ضفيرة الحوض (هتلاقى لينك للموضوع فى قسم اهم الموضوعات)

و اما تروح لمحمد السيد الكهربائى هو عارف العداد بياخد سيجنال من انهى بن فى الكونترول و هيعملك وصلة من البن دة للعداد

MMamdouh

**Ahmed-SAMIR** · 08-06-2013 08:47 PM

ايه الحكاية يا رجالة الدايو؟ كلكم هاف سيجنال كلوب ولا ايه؟ مفيش ولا واحد يوحد الله ويرد علي الاستفسار الاخير ده ولا ايه؟

**MMamdouh** · 09-06-2013 03:16 PM

الوحيد اللى كان عندة المشكلة دى هو حسام حسن و هو راح التوكيل و الصنايعى مرضاش يقولة هو عمل ايه بس اللى فهمة انه عمل حاجة فى سلك ارضى ناحية الكونترول

MMamdouh