الحمد لله اشتريت مكنه بجاج بوكسر

**john safwat** · 06-06-2013 01:03 AM

شباب انا الحمد لله جبت مكنه بوكسر بس مش عارف الينها عالواقف ولا لا
والزيت اللي فيها اغيره ولا ايه
وحاجه مهم جدا الهوا بتاع الكربرتير بيكون لفوق ولا لتحت وشكراااااااااا

**alfath8** · 06-06-2013 02:08 AM

غير الزيت على طول

لين شوية مثلا ساعتين على الواقف وبعدين ابد اتحرك بيها راجع على ضغط الكاوتش وراجع على تقفيل المكنة تانى كلها ومتزودش عن 70 ك ومتحرقش على اى غيار لغاية 1000 كيلو

**john safwat** · 06-06-2013 08:40 AM

الف شكر ليك ياغالي بس الهوا بتاع الكربرتير بيكون لفوق ولا لتحت علشان انا مش عارف

**thebast** · 10-06-2013 02:07 AM

اول 500 كيلو متزودتش عن 50 وتغير زيت فى الاول وبعد اول 500 كيلو وبعد كدة من 500 ل 1000 متزودتش عن 70 كيلو وتغير زيت هوا الكربراتير مسموش كدة اسمة الشفاط ودة بيبقى لتحت

**john safwat** · 13-06-2013 05:10 PM

الف شكر ياشباب

**khedr30000** · 13-06-2013 07:52 PM

وياريت متنساش تفتح البنزين جامد مش حبه حبه وتسيبه بدون ماتدوس دبرياچ .... تفتحه جامد وتسيبه وهكذا وماتخافش عليه . ومعاك لحد ١٠٠ كيلو سرعة وادى كل نقلة حقها يعنى لحد ماتحس ان صوته على انقل . وماتثبتش على سرعة واحدة لمدة ١٠ ثوانى دايما افتح البنزين جامد وسيبة على طول لحد اول ٢٠٠ كيلو عشان كله يبقى تمام والغويشه تبات مكانها صح.

والف مبروك وخلى بالك من اللى وراك لما تفتح البنزين جامد وتقفله عشان ماحدش يلبس فيك لاقدر الله .

وياريت بعد كده تعمل الصيانه الاولى فى التوكيل . وغير زيت اول مرة من ٦٠ الى ٨٠ كيلو وبعدين ٣٠٠ كيلو وبعدين عند ٩٠٠ كيلو توكل على الله على التوكيل هايغيرولك الزيت ويضبطولك الماكنه بعد التليين . واوعى تحط زيت اصطناعى مخلق ابدا ... ممكن تحط موبيل الابيض وتغيره بعد كده كل ١٢٠٠- ١٥٠٠ كيلو .

تحياتى .

**khedr30000** · 13-06-2013 08:52 PM

ومتنساش اهم حاجة فى التليين .... تسخن الموتسيكل كويس قبل ماتبدأ تمشى بيه فى التليين ..... يعنى دوره مثلا عشر دقائق وبعدين .... بسم الله توكلت على الله ولاحول ولا قوة الا بالله سبحان الذى سخر لنا هذا وما كنا له مقرنين وانا الى ربنا لمنقلبون .

**kar!m** · 13-06-2013 09:10 PM

الف مبروك .. ربنا يبارك لك فيه و يسترها معاك.

**asaeed** · 13-06-2013 09:18 PM

ربنا يبارك لك فيها ويكفيك شرها.... المكنة دي ما شاء الله باسمع عنها كتييير كلام حلو... ممكن أعرف دلوأتي وصلت كام... علشان أنا محتاج أجيب واحدة ضروري، وأي مكان مضمون أجيبها منه.. ياريت تفيدنا أفادك الله

**khedr30000** · 13-06-2013 09:35 PM

المشاركة الأصلية كتبت بواسطة asaeed

ربنا يبارك لك فيها ويكفيك شرها.... المكنة دي ما شاء الله باسمع عنها كتييير كلام حلو... ممكن أعرف دلوأتي وصلت كام... علشان أنا محتاج أجيب واحدة ضروري، وأي مكان مضمون أجيبها منه.. ياريت تفيدنا أفادك الله

محل اسمه اكس جير بالمنيل ناس محترمين جدا جدا وعندهم كل حاجته وقطع غياره الاصلية واسعارهم معقولة كلم الاستاذ حاتم موبايله ٠١٠٠٩٣٧٥٦٢٨ بميدان الباشا امام الماوردى

او اى حد بيبيع موتسيكلات بجاج وخلى بالك من الاسم عشان اتضرب فى السوق نزلوا منه صينى تقليد وناس كتير اتضحك عليها . Boxer وليس boxar

واعتقد سعرها وصل خمسه وشوية او سته .

الموضوع: الحمد لله اشتريت مكنه بجاج بوكسر

LinkBack

أدوات الموضوع

عرض

-

-

-

-

-

-

المواضيع المتشابهه

الحمد لله اشتريت ال 116

محتار بين بجاج بوكسر وحلاوه تايجر

بجاج بوكسر Bajaj Boxer 150

سؤال مهم فى تعديل مكنه بيجو 504 الى تركيب مكنه 505

اشتريت مكنه استيراد جديده والورق لسه موصلش

الكلمات الدلالية لهذا الموضوع

المفضلات

المفضلات

ضوابط المشاركة